prez/o

^*prezo

: Vendvaloro de objekto: por tiu maŝino kies kosto estis mil markoj, la fabrikanto postulas prezon de du mil dum ĝia valoro ne atingas eĉ kvincent markojn; mi volas aĉeti de vi pro difinita prezo [1]; ili sieĝis [Samarion] tiel longe, ĝis kapo de azeno ricevis la prezon de okdek sikloj [2]; oni sendis post li kaptordonajn leterojn, […] prezo (premio) estas anoncita por lia kapo [3]; la pastroj […] taksos niajn riĉaĵojn je ridinda prezo kaj ne pagos kontante [4]; la konkurado estas grandega, sekve la prezoj estas tre malaltaj ^Marta; malgranda pezo, sed granda prezo ^PrV; ju pli da aĉetantoj, des pli alta la prezo ^PrV. kosto, kurzo, pago²,

1. trad. L. L. Zamenhof: La Malnova Testamento, II. Samuel 24:24
2. trad. L. L. Zamenhof: La Malnova Testamento, II. Reĝoj 6:25
3. Frederiko Schiller, trad. L. L. Zamenhof: La rabistoj, Akto Unua
4. B. Prus, trad. Kazimierz Bein: La Faraono, vol. 3, Ĉapitro V

angle:: price
beloruse:: цана
bulgare:: цена
ĉine:: 价格 [jiàgé], 價格 [jiàgé], 代价 [dàijià], 代價 [dàijià], 价钱 [jiàqian], 價錢 [jiàqian]
france:: prix
germane:: Preis
hispane:: precio
hungare:: ár
itale:: prezzo
japane:: 価格 [かかく], 値段 [ねだん], 定価 [ていか]
nederlande:: prijs
perse:: بها، قیمت
pole:: cena
portugale:: preço
ruse:: цена
tibete:: གོང་
ukraine:: ціна

: Listo de ofertoj (varoj, servoj) kun ilia prezo: mi permesas al mi adresi al vi mian prezaron ĝeneralan kaj samtempe kelkajn specimenojn de la vendobjektoj [5]; firmoj komencis eldonadi prospektojn, prezarojn kaj katalogojn en Esperanto [6]. katalogo, prospekto, tarifo

5. Ludoviko Lazaro Zamenhof: Fundamenta Krestomatio de la lingvo Esperanto, Fundamenta Krestomatio de la lingvo Esperanto
6. Ivo Lapenna, Tazio Carlevaro kaj Ulrich Lins: Esperanto en Perspektivo, Tria Parto

: Havanta relative altan prezon: li alportu por ili […] perlojn kaj altprezajn ŝtonojn [7]; la popolanoj ĝenerale emas aĉeti komercaĵojn bonkvalitajn kaj altprezajn [8]; (figure) la vorto de la Eternulo estis grandpreza en tiu tempo [9]. kara³, multekosta

7. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Cindrulino
8. Monato, Mu Binghua: Konsumado de luksaj varoj kreskas, 2005
9. trad. L. L. Zamenhof: La Malnova Testamento, I. Samuel 3:1

: Havanta favoran prezon (kaj bonan kvaliton); meritanta sian prezon: mi do formarŝos por profiti la favorprezajn glutaĵojn, kiujn ĉi tiu insuleto regalas al soifantoj [10]; tiel nomataj „Civitanaj Institutoj“ en ĉiu vilaĝo kaj urbo, kiuj organizas favorprezajn kursojn por lernemuloj [11]; dum jardeko Germana Esperanto-Junularo ricevis konsiderindan sumon ebligante la favorprezan Internacian Seminarion [12].

10. Cezaro Rossetti: Kredu min, sinjorino!, 22. Per Lerta Admono Alfluas La Mono.
11. Monato, Alproprigi hobion, 2004
12. La Ondo de Esperanto, 2004, № 1 (111)

: Havanta relative malaltan prezon: mi serĉis malaltprezan loĝejon kaj vivis per iom da mono, kiun mi ŝparis [13]; kiam Japanio ekonomie „bolis“, oni hontis eniri malaltprezajn butikojn [14]. ĉipa, malkara², malmultekosta

13. Cezaro Rossetti: Kredu min, sinjorino!, 2. La Ĵeto Estas Farita.
14. Monato, Hori Jasuo/pg: Vendejen!, 2006

: Tiam valora, ke oni ne povas esprimi tion per iu prezo: ĝuste pro la supre menciitaj ecoj, en ilia duobla funkcio interna kaj ekstera eventoj ludas senprezan rolon, kaj indas strebi por ilin organizi kiom eble plej bone [15]. rara¹, unika²

15. Diversaj aŭtoroj: Kontakto 2011-2019, Organizado de eventoj