^*nun^PV

(adverbo)

En plej proksima tempo:

a)

En la momento mem, dum kiu ni parolas: li ronkas nun kiel mil diabloj [1]; li nun kuŝis kaj pensis kaj pensis, kaj subite li havis la impreson, kvazaŭ iu kisas lin [2]; nun mi diras al vi adiaŭ [3]! nun mi foriras [4]; nun, kiam […] restas fari nur kelkajn paŝojn […] li estos devigita ekiri returnen [5]; vi estas ankoraŭ nun ĉiam mensoganto [6]; riĉigadi la lingvon per novaj vortoj oni povas jam nun [7]. ĉi-momente, momente²

b)

En la estanta tempo, epoko: uzado de aŭtomobiloj nun pli kaj pli oftiĝas; io granda nun naskiĝas [8]; nun la unuan fojon la revo de miljaroj komencas realiĝi [9]; iam ĝi pendis en la preĝeja turo, sed nun ekzistas plu nenia postsigno de la turo nek de la preĝejo [10]. nuntempe

c)

Sekve post io, daŭrigante post tio: ŝi nun fartas iom pli bone [11]; nun ni transiros al la dua demando ^EE ; kaj nun ni ĉion forgesu [12]; nun ni rigardu, kio sekvas ^EE . nu

jam¹, jen, ĵus, tuj¹

Estanta nun, okazanta nun, kontraste al venonta aŭ pasinta: mia nuna farto estas bona; nuna tekniko; la nuna paco espereble daŭros; eldoni ĉiujn kvin partojn de la verko en la nuna tempo estas malfacile ^PrV ; tial la Izraelidoj ne manĝas ĝis la nuna tempo la tendenon, kiu estas sur la artiko de la femuro, ĉar tiu tuŝis la femuran artikon de Jakob ĉe la tendeno [13]; [li] paŝtis min de mia naskiĝo ĝis la nuna tago [14]; la nuna kajero estas la lasta, kaj la aŭtoro nun ĉesigas je eterne sian laboradon ^DL ; mi en la nuna tempo ne povas plenumi la promeson, kiun mi donis al vi [15]; la tuta demando pri la estonteco de la lingvo internacia alkondukiĝas nur al tio, ĉu Esperanto estos akceptita senŝanĝe en ĝia nuna formo ^EE ; ho ve! al mi, mi, kiu vidis lin antaŭe kaj vidas lin en lia nuna stato ^Hamlet !

1.

Nun (emfaze): nune ja ^Z ; tia legado ebligas ne forgesi la krimojn de Stalin, eĉ nune, post tiom da tempo [16]; antaŭe li mezuradis homojn kaj aferojn nur per la propra egoismo, dum nune iom post iom li alkutimiĝadis al la penso, ke aliaj okuloj povas alie rigardi [17].

2.

Nun (rekte modifas adjektivon): kiel spertas la nune juna generacio tiujn ŝanĝiĝojn apenaŭ imageblajn por la antaŭaj generacioj? [18]; kelkajn monatojn antaŭe, kiam nia prezidanto havis diplomatajn baraktojn kun la kolombia (nune eksa) prezidanto [19]; PS4, Xbox One kaj Vindozo estas la nune subtenataj platformoj [20].

Vere nun, senprokraste: ŝi telefonu nun-nune [21]. tuj

Io, kio estas nun: ion pli bonan ol la nunaĵo deziras mia koro [22]; kompreneble estus tre malsaĝe kaj nepardoneble de la flanko de la komitato, se ĝi pro la problema estontaĵo rifuzus la faktan kaj en ĉiuj rilatoj finitan kaj elprovitan nunaĵon ^EE .

Ekde la tuja tempo kaj plue: mi sciigas, ke de nun la ŝuldoj de mia filo ne estos pagataj de mi [23]; denun la mallumo denove premados sen interrompo; li travivis sian luman horeton, kaj nun ĝi estas finita [24].

De antaŭe ĝis la nuna: pro sia ĝisnuna kutimiĝo [25]; en nia ĝisnuna vivo [26]; „ĝojo en la ĉambroj kaj sub la verdaj branĉoj!“ diris la ĝisnuna reganto de la jaro [27]; laŭ la ĝisnuna normo [28]; severa netuŝebleco de nia fundamento estas la plej grava kaŭzo de nia ĝisnuna progresado [29]; fine mortis nia plej kara samideano kaj amiko, kiu estis la animo de niaj ĝisnunaj kongresoj [30].

En la nuna, iom daŭranta tempo, en la nuna epoko: nuntempe oni klarigas tiaspecajn aerajn fenomenojn per norda lumo [31]; en tiu tempo oni povis kapti ankoraŭ pli da fiŝoj ol nuntempe [32]; li […] kore benis la feliĉan nuntempecon, la nunan epokon [33].