¹nerv/o ^PV

Histo, konsistanta el fibreca strukturo de aksono-faskoj, ĉirkaŭita de blankeca tegaĵo, servanta por transporti elektroĥemiajn impulsojn inter korpaj organoj: transkondukanta al la cerbo la impresojn ricevitajn de sentorganoj kaj al la muskoloj la impulsojn de la cerbo: ĉu la dentdoloro ne mordis viajn nervojn [1]? (figure) narkotaĵo, kiu streĉas la nervojn (plisentigas sentumojn), blindigas la penson, surdigas la konsciencon ^Marta ; la nervofibroj elretinaj, fakte, interplektiĝas tiel, ke la dekstra cerba hemisfero ricevas la maldekstran duonon de la bildo, kaj la maldekstra hemisfero la duonon dekstran [2]; por „herpes zoster“-infekto estas tipaj tre dolorigaj veziketoj sur la haŭto de la torako kaj dorso en interripaj interspacoj, ĉar estas trafitaj interripaj nervoj [3]; intertempe la ĥirurgoj disponis jam pri okul-mikroskopoj, tiel ke la risko difekti tendenojn kaj nervojn estis jam multe malpli granda [4]; li rigardis tra la fenestro eksteren kaj estis, kvazaŭ la bildo devus trakuri kilometrojn longajn nervofibrojn ĝis lia cerbo, kie la fragmentigitaj impulsoj unu post alia denove devis rekombiniĝi en bildon [5]; (figure) oni trafas la „nervocentron” de UEA en speciala okazo [6].

1.

Rilata al nervoj: nerva sistemo [7]; neŭronoj (nervaj ĉeloj) [8]; li estas paralizita pro grava nerva malsano, nomata amiotrofa lateralsklerozo, mallonge ALS [9]; la viruso antaŭenmoviĝas laŭ nervaj fibroj en la cerbon, kie ĝi frapas la sensajn kaj movajn centrojn de la kortiko kaj same la cerebelon [10].

2.

Kaŭzanta streĉon aŭ malagrablajn sentojn; ĝena: silento, interrompata nur de la nerva rido de l' virinoj [11]; Mateo suferis pro nerva streĉiteco kaj perdis salajron kaj asekuron [12]; nerva matĉo kontraŭ Sud-Koreio [13].

3.

Nervema, malpacienca: mi fariĝis nerva ĉe tiu penso; liaj manoj nerve pugniĝis; ŝia tuta persono radiis de ĝojo, ŝiaj movoj fariĝis graciaj, nervaj ^IK ; per rapida, nerva movo ŝi enŝovis la monpaperetojn en la poŝon ^Marta ; mi fariĝis nerva ĉe la penso havi sub mia flego kaj respondeco tiel multajn centojn da personoj ^FK .

Loka grupo aŭ tuto de nervoj en la korpo: la efiko sur mian taŭzitan nervaron estis terura [14]; post [inkubacia tempo ĉe rabio] pli kaj pli fortiĝas la simptomoj en la centra nervaro: paralizoj, timo, konfuzo, ekscito,en plia ŝtupo deliro [15].

Kies nervoj estas facile inciteblaj, nerva³, nervoza: li efektivigis kelkajn mirindajn resanigojn de nervecaj personoj [16]; nervemulojn oni petas ne rigardi [17].

Stato de maltrankvilo, animstreĉo, incitiĝo: kontrolata spirado montriĝis utila kontraŭ nervemo, alta sangpremo kaj kronikaj doloroj [18]; ŝi konstatis pli grandan nervecon en la du viroj kiuj al ŝi plej proksimas [19].

streso.