^*mensog/i ^UV

(x)
Intence diri malveraĵon: ne mensogu, kaj ne trompu unu alian [1]; ŝi sciis, ke la spegulo neniam mensogas [2]; li mensogis, kiam li diris, ke mi estas juna kaj sana ^Marta ; mi mensogis, kion ajn mi diris [3]; li ne certe sciis, ĉu li mensogas, aŭ diras la veron [4]; Boris, mia anĝelo, mi ne povas mensogi, kiam mi vidas vian vizaĝon [5]; falsi deklarojn, trompi havenajn instancojn, mensogi kursojn […] kompare kun ili tradicia marrabisto estas ja nobelo [6]; ni povas mensogi ion al la homoj, mi rakontos pli multe survoje [7]; li mensogas maŝine ^PrV ; mensogas kiel kalendaro, kiel gazeto, kiel funebra parolo ^PrV ; por glate mensogi, oni spriton bezonas ^PrV ; kiu volas mensogi, devas bone memori ^PrV ; espero logas, espero mensogas ^PrV . blagi, blufi, ĉarlatani, falsi, mistifiki, ŝajnigi, trompi

Intence dirita malveraĵo por trompi iun: vi trompas min kaj diras al mi mensogojn [8]; amase dismetataj mensogoj kaj kalumnioj arte kreas teruran malamon inter unuj gentoj kaj aliaj [9]; ŝi volis savi per mensogo la viron, kiun ŝi amas [10]; en la burĝaj gazetoj kaj libroj estas nur mensogoj [11]. por vendisto mensogo estas necesa apogo ^PrV ; mensogo malproksimen ne kondukas ^PrV . blago, kalumnio, mistifiko

Bazita sur mensogo aŭ prezentanta mensogon: mensoga atestanto [12]; ne atentu mensogajn vortojn [13]; [la] profetoj […] faras al ili mensogajn antaŭdirojn [14]; signoj de mensogaj ŝiaj larmoj [15]; nia aserto estas naive-mensoga [16]; sen mensoga rekomendo ne iros la vendo ^PrV . hipokrita, malvera, trompa

Volonte diranta intencajn malveraĵojn: mensogema lango [17]; la homoj ĉiam […] estis mensogemaj, perfidemaj, maldankemaj [18]; finegocistoj, mensogemaj episkopoj, naciemaj generaloj kaj aliaj altranguloj [19]. honesta¹, verema

Homo, kiu ofte diras intencajn malveraĵojn: li estas mensogisto kaj malnoblulo [20]; ili jam en la tuta urbo estas konataj kiel mensogistoj [21]; sorĉistoj kaj idolanoj kaj ĉiuj mensoguloj, ilia lotaĵo estos […] brulanta per fajro kaj sulfuro [22]; gento de mensoguloj! ekkriis la tajloro, unu same sendia kaj malzorga, kiel alia [23]! li hontis, ke li ŝajnis mensogulo, kaj la parencoj priridis lin [24]; Brown kaj Morris salutis sian amikon, kaj repleniginte la glasojn, toastis la sanon de „la plej granda mensogisto en la mondo“ [25]. ĉarlatano, trompisto