^*17aktiv/a

1.  ↝

Agema: aktiva membro [1]; aktiva propagando; aktivaj eksplodoj de pasio; la eminenta angla aŭtorino estas unu el la plej aktivaj aŭtoroj en la lingvo, aperiganta poeziaĵojn, dramojn, kaj eseojn [2].

2.

Aganta, rilata al aganto, manifestiĝanta per sia ago: sep glaĉeroj kirasas la ne-aktivan vulkanon [3]; tio estis donaco de la kompatema libristo, kiu, forrifuzante la netaŭgan laboron de la virino, deziris tamen doni al ŝi aktivan pruvon de sia kompato ^Marta ; mi estas aktiva kompanianino de mia edzo en industria entrepreno ^Marta ; neaktiva firmaano (ano de komerca societo, kiu prunte donas kapitalon, ne partoprenante en la administrado de la afero); aktiva lingvoposedo (kapablo paroli ‐ kontraste al la pasiva lingvoposedo, t.e. kapablo kompreni);

3.  ↝

Esprimanta agon, la fonton de ago, rilata al aganto: „amata“ estas pasiva, „amanta“ aktiva participo; „komuniki“ estas verbo aktiva [4]. transitiva

(ntr)

Havi konstantajn agadojn, celojn, efikojn: en Esperantujo mi aktivis precipe ĵurnaliste [5]; ekde dudeko da jaroj eblas aktivi en la movado per aliaj manieroj, interalie retaj [6]; Jean […] aktivis en Franca Rezistado dum manpleneto da semajnoj en 1944 [7]; pli aktivis la siluroj unu tagon antaŭ la tertremo [8].

1.

Posedataj aŭ ricevotaj sumoj: la aktivo de tiu banko malsuperas ĝian pasivon; en la jaro 2000 fremdlandaj bankoj konsistigis 53 % de la aktivoj de ĉiuj bankoj en la regiono [9]; la direktorejo de civila aviado suspendis la aktivojn de Albatros [10].

2.  ↝

Aktiva voĉo³: tre ofte povas esti rekomendinde elekti aktivan formon, ĉar aktivo ordinare estas pli simpla kaj pli rekta ^PMEG .

Tio kion aganto faras: laboro mensa kaj artista ne prezentas ja la tutan amplekson de la aktiveco de homo ^Marta ; ekzemple „kuri“ per si mem povus esti nur aktiveco, sed „kuri kilometron“ estas plenumo [11].

(tr)

1.

Igi aktiva, aganta, funkcianta: aktiviga principo de interna konkuro [12]; kion vi proponas fari por aktivigi la komitaton [13]?

2.

ni povas tute bone kaj regule aktivigi aŭ pasivigi la verbon, dirante „manĝantigi“ kaj „manĝatigi“ [14].

(ntr)

Iĝi aktiva, ekagi, ekfunkcii: mi aktiviĝis en Nederlanda Esperanta Junularo [15]; aktiviĝis prokurorejo […] al defendo de la kuraĝa virino [16]; sekve de imunodifekto aktiviĝas en pulmoj antaŭaj aŭ iamaj tuberkulozaj restaĵoj [17].

Planata, celkonscia agado en la socio: [ŝi] komentis, ke unu el la plej maltrankviligaj aspektoj de tiu aktivismo estas ĝia kerna netoleremo [18]; la ateismo […] estas la fono kaj soklo de la […] socia aktivismo ĉe Sartro [19]; [li] laŭdis la energian aktivismon de la dekmiloj da homoj [20];

Homo, kiu regule agas en societo, por iu celo...: kunvenoj de aktivuloj dum la universalaj kongresoj [21]; publikaj protestoj de mediaktivistoj en la usona urbo San-Francisko [22]; infanoj de aktivistoj en la sindikata movado neniam estas akceptitaj [23].

Tuto de aktivuloj kune agantaj: la Deklaracio de Tyresö respegulas la modan lingvaĵon de la studenta aktivularo [24].

(ntr)

Ne agadi, ne aŭ ne plu plenumi taskojn: pro diversaj kialoj ni sufiĉe malaktivis en la lastaj monatoj [25].

Neagado, senfareco, neplenumo de taskoj: la senaktiveco turmentis lin [26]; de kelkaj jaroj estiĝis en la Komitato plendoj pri la malaktiveco de kelkaj komitatanoj [27].

(tr)

Igi ne aktiva, ne aganta, ne funkcianta: se vi malaktivigas Flash vi ne povos spekti videojn en la plimulto de retejoj [28]. malŝalti

(ntr)

Ne plu agadi, ĉesigi sian funkciadon: dum milito senaktiviĝas ĉiuj leĝoj [29].