tradukoj: be ca cs da de en es fi fr he hu it ja nl no pl pt ru sv tp tr vo

^*tru/o

^*truo

1.

Malplenaĵo, kavo en io: truo en la tero, en muro, en vesto; bori truon en tabulo; truo de kudrilo; plenigi truon^B; ŝtopi, fliki truon; la flikaĵo estas pli malbela ol la truo; (frazaĵo) li havas truon en la manplato (estas tute malŝparema) [1]. aperturo, breĉo, fendo, kaverno, kavo, luko, malfermaĵo, poro

2.

(figure) Manko en io: nur en unu punkto ilia informiteco havas truon; truon de l' honoro flikos neniu tajloro [2].

trua, truhava^Z

Truita, truplena: envolvita en trua tuko. aĵura, ĉifono, krada, punta, traborita

trui

Fari truon aŭ truojn: brako truita de kuglo; vesto truita de tineoj.

tratrui

Trui de unu flanko al alia: generalo Mulan ... je unu pafo tratruis la rokegon [3]. bori

babiltruo

(vulgare) buŝo poste fermu vian babiltruon kaj lasu paroli la alian [4].

butontruo

(ĉe vesto) Fendo, en kiun oni enigas butonon: lia ornamo konsistis en bukedo da violoj, kiun li portis en la butontruo [5].

inktruo

(vulgare) inkujo „Malsaĝa inktruo!“ diris la plumo, „Skriba ŝtipo!“ respondis la inkujo [6].

memortruo

Momenta forgeso: Steĉjo rapide faris planon: li ĉiel kaŝu sian nekredeblan memortruon, kaj nun antaŭ ĉio li ruze paroligu la alilandanon [7].

mustruo

Malgranda truo, en kiu loĝas muso: „Sed kiamaniere mi povos trapuŝi min tra la malgranda mustruo en la planko?“ demandis Hjalmar [8]; Sinjoro paroĥestro, sub la katedro estas mustruo, kaj dum vi parolas, ofte eliras muso, kaj kaprioletas antaŭ viaj piedoj [9].

naztruo, nazotruo

Ĉiu el la du malfermaĵoj de la nazo, tra kiu oni spiras: li ŝtopis unu naztruon kaj per la alia ekblovis sur la regimentojn [10]; Mi metos Mian ringon en viajn nazotruojn kaj Mian buŝbridaĵon en vian buŝon (por vin submeti kiel bruton) [11]; tio estis belegaj blankaj ĉevaloj, iliaj ruĝetaj nazotruoj estis en senĉesa moviĝado [12].

nigra truo

Kunpremiĝinta maso tiom koncentrita, ke neniu objekto povas eskapi ĝian intensan gravitan altiron, eĉ ne lumo.

postaĵotruo

(komune) anuso [anuso estas] komunuze nomata postaĵotruo [13]; vi povas ŝovi ĝin en vian postaĵtruon [14].

pugtruo

(vulgare) anuso nur tie genuo kun plena ĝuo povas delikate puŝatingi kojonojn aŭ pugtruon preter la karna valo [15].

serurtruo

Truo, en kiun oni enigas ŝlosilon: de apuda ĉambro mi povis plu observi ilin tra serurtruo [16].

sontruo

1.

Truo, aranĝita en io, por ke la sono povu el tio eliri: la vento bruas al [la preĝeja sonorilo] tra aperturoj kaj sontruoj, tra ĉiu fendo [17].

2.

[18] Sonellasa truo en la resonanca skatolo de akustika instrumento.

ventoltruo

Truo, aranĝita ekzemple en muro por enlasi freŝan aeron: en la 119-an ĉambron estas venigita novulo, senĉese balbutanta ion pri valuto en ventoltruo [19].

      La vorto "malplenajxo", kiu servas por difini "truo" kaj "kavo",
      ne
      havas difinon en REVO.
      [MB]
    

  Plu enkondukindaj: fum~o, okul~o, brul~o, gvato~o
  [MB]