tradukoj: be bg br cs de el en es fr hu nl pl pt ru sv tr

^*naz/o

^*nazo

1.

Flarorgano elstaranta el la kapo inter frunto kaj buŝo: rekta, kurba nazo; naztruoj; nazloboj; nazkataro; purigi la nazon; naze, tra la nazo paroli; nazasona voĉo^Z; nazaj sonoj, vokaloj (nazalo); (figure) ne ŝovu la nazon en fremdan vazon (ne enmiksu vin en aferoj, kiuj ne koncernas vin. eniĝi, zorgi) [1]; (figure) vidi nur ĝis la pinto de sia nazo (esti tute nekapabla antaŭvidi kaj antaŭzorgi. miopa) ^Z; (figure) rigardu la faktojn, kiuj sin trovas antaŭ via nazo^Z; (figure) mi havis bonan nazon^Z (mi ĝuste divenis, konjektis, antaŭsuspektis); (figure) fari longan nazon^Z, foriri kun longa nazo^Z (montri konsternitan mienon pro elreviĝo, ne atinginte la esperitan rezultaton); (figure) teni la nazon supren (esti arogante fiera) ^Z; (figure) konduki iun per^B, ĉe, je la nazo^Z (laŭ sia arbitro. laŭ ²).

2.

Sama organo ĉe besto: nazo de hundo, rato. muzelo

3.

(figure) Antaŭa, elstara parto de objekto pli malpli simila al nazo: ŝipnazo (antaŭaĵo, pruo); nazo de plugilo; nazeto de kruĉo.

nazumo

Okulvitroj fiksitaj sur la nazo per pinĉa risorto: li elprenis nazumon el ora ingo, viŝis ĝin per neĝblanka naztuko, metis ĝin sur la nazon kaj kun vigle memkontenta rideto ĉirkaŭrigardis ĉiujn sidantojn [2].