tradukoj: be bg ca cs de en es fr hu id nl pl pt ro ru sk sv

*tabul/o

*tabulo  

Plata, ne tre dika, peco el ligno aŭ el alia malmola materialo: tiu homo […] sidis sur la tero, kun la manoj kaj piedoj en kvar truoj de kvadrata tabulo, anstataŭanta katenojn [1]; ŝi kaptis tiun solan kaj laŭ ŝia opinio lastan tabulon (ŝancon) de savo Marta ; sur la ponto nun staras memortabulo omaĝe al inĝeniero Jauković [2].
a)
KON Longa plata lignopeco, uzata por konstruado: faru starantajn tabulojn por la tabernaklo el akacia ligno, dek ulnoj estu la longo de ĉiu tabulo, kaj unu ulno kaj duono la larĝo de ĉiu tabulo [3]; li kovris la domon per traboj kaj tabuloj el cedroj [4]; li konstruis la murojn de la domo interne el cedraj tabuloj […] kaj li kovris la plankon de la domo per cipresaj tabuloj [5]; [ŝi] eknaĝis inter la traboj kaj tabuloj [6]; inter la arboj sur ŝnuroj pendas longa tabulo, tio estas balancilo [7]; la masto rompiĝis, unu ondego trabatis tabulon, la pumpiloj estis senefikaj [8]; raboti tabulojn por la ĉerkoj [9]; metado de tabuloj trans rivereto EE ; tableto el du dikaj, fendiĝintaj tabuloj IK ; ili […] marteladis per la tranĉilo aŭ per osto sur la tabulo de la tablo, tiel ke regis terura bruo [10]; sonis ne nur la kordoj de la violono, sed ankaŭ la ponteto, eĉ la ŝraŭboj kaj la resontabulo [11]; la modeloj de la tabultegaĵo (vd tegolo) kaj fenestroj malkaŝas la konstrutempon [12].
b)
Plato el diversa materialo, uzata en mastrumado kiel submetaĵo; breto: por havi bonan odoron, oni metas [la florojn] sur ardantan feran tabulon [13]; gladotabulo [14]; ili troviĝis apud la kuŝtabulo de la krimuloj, kie ili en longa vico dormis flankon ĉe flanko [15].
c)
PED Skribtabulo: la ĉefpastro-astrologo montris al li oran tabulon, sur kiu estis gravurita karto de la ĉielo [16]; skribi per kreto sur la nigra tabulo FK ; oni povas promenante apud ĝi trovi sur tabuloj la kialojn de la kanalo: provizi la ebenaĵon per akvo [17]; la skribtabuloj de Paskinsulo [18]; KOMP tabulkomputilo [19].
d)
Ŝildo3: ne ŝirmos la limojn arĝentaj tabuloj, kovritaj per traktatoj, se post ili ne stariĝos lancoj kaj glavoj [20]; anonctabulo [21]; homriveroj pasadis sur la stratoj de ambaŭ urboj, tenante supre abundon da afiŝtabuloj kun bunta enhavo: „Rezistu militon”, „Homoj pli ol mono” […] [22].
e)
SPO Ludtabulo: ŝaka tabulo [23]; dam-tabulo [24].
VD:planko, plato

tabulaĵo  

Io farita el tabuloj: la malsupra parto de la muraj tabulaĵoj estis kovrita de vicoj da fajreltenaj kestoj BdV ; riĉaj plafonoj kaj lignaj tabulaĵoj de vandoj en Turkisa, Ruĝa kaj Blua salonoj estas certe vidindaj [25]. SUB:panelo

tabuleto  

1.
Malgranda tabulo por konstruado ks: la kvarjara nepeto kunmetas sur la planko lignajn tabuletojn […] „Mi faras trogeton“ […] [26]; niveli kun helpo de du tabuletoj kaj ortangulilo [27].
2.  
Skribtabuloŝildo3: faru tabuleton el pura oro, kaj gravuru sur ĝi en sigelila maniero: SANKTA AL LA ETERNULO [28]; li petis tabuleton, kaj skribis jene: Lia nomo estas Johano [29]; ardeza tabuleto [30]; li sidiĝis proksime de la lampo kaj eltiris el sub la vesto malgrandan stilon kaj malgrandan tabuleton, kovritan per vakso [31]; sur matoj sidis kelkdeko da nudaj lernantoj kun vaksitaj tabuletoj en la manoj [32]; notanta sur tabuletoj la agojn de l' mortinto [33]; sur la pordo estis malgranda tabuleto, sur kiu per grandaj literoj estis skribita: „tiu ĉi domo estas vendata“ FK .

anonctabulo  

Tabulo, sur kiun oni povas meti skribitajn, publike videblajn anoncojn: anonctabulo por serĉi samĉambranojn, se oni volas mendi lokon en du- kaj plimultloka ĉambro [34]; alveninte en la prizono, ni ĉiuj rapidis al la anonctabulo [35]; litovaj gazetoj kaj anonctabuloj plenas je diversaj laborofertoj [36]. VD:afiŝo

argiltabulo  

TIP Skribtabulo el argila tero, precipe tia, kiajn uzis mezopotamiaj antikvuloj por surpremi la signojn de sia skribo: en 1925 Hrozný elfosis en Malgrandazio ĉirkaŭ mil kojnoskribajn argiltabulojn kun kontraktoj kaj leteroj de asiriaj komercistoj [37].

aviztabulo

Tabulo, kiu vidigas oficialajn skribitajn avizojn: mi ne povis legi aviz-tabulojn ĉar ĉi tie mi estis ankoraŭ analfabeto [38]; la aviztabuloj „Storingen” (Malhelpoj) kaj „Beeldband gebroken” (Bildbendo rompita) furoris en tiu komenca tempo televida [39]; ekzistas pli ol 20 000 retpaĝoj pri sinmortigo kaj facile troveblas „avizotabuloj” por tiuj, kiuj volas sin mortigi [40].

celtabulo

Trafota tabulo, kiu servas en pafekzercoj: du sagoj, siblantaj, eniras la celtabulojn [41]; (figure) iuj personoj estas liaj kutimaj marote alsagataj celtabuloj [42].

gladotabulo  

Tabulo sur kiun oni etendas vestojn por glado: oni ilin amelis, pendigis super seĝo en la sunlumo, kaj poste oni ilin metis sur la gladotabulon [43]; gladotabulo estas longa, mallarĝa, tabulo kun kuseno-surfaco, por gladi vestaĵojn, ili ofte havas klapkrurojn por esti pli facile stokitaj [44].

haktabulo, tranĉtabuloHejmVort

KUI Tabulo sur kiu oni tranĉas, hakas, preparas manĝaĵojn: kuŝigu la duonon de la melongeno kun volba parto supre sur haktabulon [45] haktabulo […] utilas por ne damaĝi la meblojn de la kuirejo [46].

neĝtabulo  

SPO Tabulo kiun oni uzas kiel surneĝan glitilon, sur deklivo aŭ puŝante per unu piedo: neĝtabulo en vintro, ventsurfado en somero [47]; ĉe la klasika skiado la skianto utiligas po unu tabulon por ĉiu piedo, ĉe la neĝtabulado ambaŭ piedoj estas fiksitaj sur la neĝtabulo (aŭ neĝbreto […]) [48]. VD:skio

pastabulo  

Tabulo per kiu oni povas pasi ekzemple trans rojon, trans fosaĵon, al ŝipo aŭ al avio: ŝi sciis ankaŭ kiel supriri la pas-tabulon al la ferdeko sen fali en la akvon [49]. VD:ponto

plonĝtabulo, plonĝotabulo  

SPO Saltotabulo aranĝita ĉe naĝejo por enplonĝado: Guo Jingjing akiris la ĉampionecon en la finalo de la virina 3-metra plonĝtabulo [50].

rultabulo  

SPO Tabulo kun radetoj, kiun oni surstaras, glitante sur glata grundo: ŝia filo ne rajtas uzi rultabulon tie [51]; same kiel rultabulo, [ĉe skutilo] oni devas treti por antaŭeniri, sed estas vertikala stango kun teniloj por pli facile gardi ekvilibron [52]. VD:rulŝuo

saltotabulo  

SPO Alta aŭ elasta tabulo, de sur kiu sportanto povas salti, plonĝi...: gimnastikistoj uzas diversajn […] ilojn inter kiuj troviĝas paralelaj stangoj, malsimetriaj stangoj, trabo, ĉevalo […] kaj saltotabulo [53]; impetinte de sur saltotabulo li laŭvorte flugas, eksaltas, forlasas la grundon [54].

savtabulo

1.
MED Tabulo kapabla subporti homon por savado el akvo.
2.
(frazaĵo) Rimedo de elsaviĝo el granda danĝero — kiel flosa tabulo, kiun ŝippereulo kaptas: Silvana klopodis, kiel ekdronanta homo, kia ŝi fakte sentis sin, trovi savtabulon [55]; kroĉiĝante al mi kiel ŝippereulo al sia savtabulo [56].

skribtabulo  

Tabulo el malmola materialo por skribi, ekz. en antaŭpapera tempo el ligno, argilo aŭ ŝtono, en lernejo por lernantoj el ardezo aŭ granda ĉemura por instruisto: mi desegnas arbon en la skribtabulo; prenu al vi grandan skribtabulon, kaj skribu sur ĝi [57]; [sur] skribtabulo el ardezo oni povas skribi per […] grifelo, […] facile forviŝi la skribitaĵon per spongo post kio oni denove povas uzi la skribardezon [58]; skribo, sola indiĝena en Oceanio, ĉizita sur lignaj tabuletoj trovitaj sur Paskinsulo […] el tiuj nur 21 skribtabuloj [transvivis] [59].

surftabulo, surfotabulo SPV  

SPO Tabulo, kiun oni surstaras, rajdante maran surfon: José ofertas al vi grandan glason da limonado kaj surftabulon por uzi dum via restado [60]; surfotabulo aŭ surfobreto estas akvorezista, naĝkapabla tabulo, servanta kiel sportilo por „rajdi” sur la maraj ondoj [61].

vakstabulo  

TIP Maldika skribtabuleto kovrita per vakso, sur kiu la antikvuloj de Okcidentazio ĝis Eŭropo notis, uzante skrapstrekilon: frazoj, kiujn ni rapide notis sur niaj vakstabuloj [62]; skribsurfacoj: argiltabulo, vakstabulo, ŝtofo: lino, silko... [63].

veltabulo

SPO Tabulo provizita per velo, por gliti sur akvejo: la eblecoj sportumi estas multaj: submara plonĝado, naĝado, veltabulo [64]; krom sportoj pli malpli kutimaj aliloke, ekzistas eblecoj por […] surmaraj sportoj, surfado, veltabulo [65].

tradukoj

anglaj

~o : plank; neĝ~o: snow board.

belorusaj

~o : дошка, планка; ~aĵo: дашчаны выраб; anonc~o: дошка аб’яваў; argil~o: гліняная таблічка; aviz~o: дошка аб’яваў; cel~o: мішэнь; glado~o: прасавальная дошка; neĝ~o: сноўбард; salto~o: трамплін. nigra ~o: дошка (клясная).

bulgaraj

~o : дъска.

ĉeĥaj

~o: deska, prkno, tabule; ~eto: seznam, tabulka; anonc~o: oznamovací tabule; cel~o: terč; glado~o: žehlící prkno; pas~o: prkno jako lávka; rul~o: vál na těsto; salto~o: trampolína; vel~o: plovák windsurfingu, surfové prkno s plachtou.

francaj

~o : panneau, planche; ~eto: tablette; anonc~o: tableau d'affichage; argil~o: tablette d'argile; aviz~o: tableau d'affichage; cel~o: cible; glado~o: planche à repasser; hak~o, tranĉ~o: planche à découper; neĝ~o: snow board; pas~o: passerelle; plonĝ~o, plonĝo~o: plongeoir; rul~o: planche à roulettes, skate-board; salto~o: plongeoir, tremplin; sav~o 2.: planche de salut; skrib~o: tableau noir; surf~o, surfo~o : surf-board; vaks~o: tablette de cire; vel~o: planche à voile. nigra ~o: tableau.

germanaj

~o : ; ~o: Tafel, Brett, Schindel (flache); ~aĵo : Täfelung, Paneel, Verkleidung (Wand); ~eto 1.: Brettchen; ~eto 2.: Schreibtafel, Schildchen; anonc~o : Anzeigenbrett, Schwarzes Brett, Wandzeitung, Pinnwand; argil~o : Tontafel; aviz~o : Anzeigetafel, Informationstafel, Werbeanzeige, Anzeige; cel~o: Zielscheibe; glado~o: Bügelbrett; hak~o, tranĉ~o: Schneidebrett; neĝ~o: Snowboard; pas~o : Steg; plonĝ~o, plonĝo~o: Sprungbrett; rul~o: Skateboard; salto~o: Sprungbrett; sav~o 1.: Rettungsbrett; skrib~o : Schreibtafel, Wandtafel; surf~o, surfo~o : Surfbrett; vaks~o: Wachstafel; vel~o: Surfbrett (zum Windsurfen). ~komputilo: Tabletcomputer.

hispanaj

~o : tabla; salto~o: trampolín; skrib~o: encerado, pizarra. nigra ~o: pizarrón.

hungaraj

~o : deszka, tábla; ~aĵo: deszkázat, táblaburkolat, faburkolat; ~eto 1.: írótábla, táblácska; anonc~o: hirdetőtábla; argil~o: agyagtábla; aviz~o: figyelmeztető tábla; cel~o: céltábla; glado~o: vasalódeszka; hak~o, tranĉ~o: húsvágó deszka, vágódeszka; neĝ~o: hódeszka; plonĝ~o, plonĝo~o: ugródeszka (víz mellett) , trambulin; rul~o: gördeszka; salto~o: ugródeszka; surf~o, surfo~o : szörfdeszka, hullámdeszka; vaks~o: viasztábla; vel~o: vitorlásdeszka. muraj ~aĵoj: falburkolat, falborítás, lambéria.

indoneziaj

~o : papan; ~eto: tablet; anonc~o: papan pengumuman; argil~o: tablet tanah liat; aviz~o: papan pengumuman; cel~o: papan target; glado~o: papan setrika; hak~o, tranĉ~o: talenan; neĝ~o: papan salju; plonĝ~o, plonĝo~o: papan loncatan; rul~o: papan luncur; salto~o: papan loncatan; sav~o 2.: [lampung] pelampung; surf~o, surfo~o : papan selancar. nigra ~o: papan tulis.

katalunaj

~o : taula, tauler, post; ~aĵo: entaulat; ~eto 1.: tauleta, llista; anonc~o: panell publicitari, cartell; argil~o: tauleta d'argila; aviz~o: tauler d'anuncis; cel~o: rodella; glado~o: post de planxar; hak~o, tranĉ~o: tauler de tallar; neĝ~o: planxa de neu; pas~o: passarel·la; plonĝ~o, plonĝo~o: trampolí; rul~o: monopatí; salto~o: trampolí; sav~o 2.: salvavides (planxa); surf~o, surfo~o : planxa de surf; vaks~o: tauleta de cera; vel~o: planxa de vela. nigra ~o: pissarra.

nederlandaj

~o : plank, bord; ~eto: plankje; anonc~o: mededelingenbord, ad valvas; aviz~o: prikbord, mededelingenbord; cel~o: schietschijf; glado~o: strijkplank; hak~o, tranĉ~o: hakbord, keukenplank, snijplank; neĝ~o: snowboard; pas~o: valreep, loopbrug, gangway; plonĝ~o, plonĝo~o: springplank; rul~o: skateboard; salto~o: springplank; surf~o, surfo~o : surfplank; vel~o: surfplank. nigra ~o: schoolbord.

polaj

~o : deska; ~aĵo: deskowanie; ~eto: deseczka, szczapa; anonc~o: tablica ogłoszeń, tablo; argil~o: gliniana tabliczka; aviz~o: tablica ogłoszeń, słup ogłoszeniowy; cel~o: tarcza strzelecka; glado~o: deska do prasowania; hak~o, tranĉ~o: deska do krojenia, deseczka do krojenia, deska kuchenna; neĝ~o: snowboard; pas~o: kładka; plonĝ~o, plonĝo~o: trampolina; rul~o: skateboard; salto~o: trampolina, skocznia; sav~o 2.: ostatnia deska ratunku; skrib~o: tablica; surf~o, surfo~o : deska do surfowania, deska surfingowa; vaks~o: tabliczka woskowa; vel~o: windsurfing, deska windsurfingowa, deska do windsurfingu, deska z żaglem. nigra ~o: tablica szkolna.

portugalaj

~o : tábua, tabuleiro, quadro, prancha; ~aĵo: entabuamento; ~eto: tabuinha, tabuleta; anonc~o: quadro de anúncios; argil~o: tábua de argila, tabuleta de argila; aviz~o: quadro de avisos; cel~o: alvo (tábua de alvo); glado~o: tábua de passar roupa; hak~o, tranĉ~o: tábua de cozinha; neĝ~o: snowboard; plonĝ~o, plonĝo~o: trampolim; rul~o: esqueite, skate, skateboard; salto~o: trampolim; surf~o, surfo~o : prancha, prancha de surfe; vaks~o: tábua de cera, tabuinha de cera; vel~o: prancha a vela, windsurfe.

rumanaj

skrib~o: tabel.

rusaj

~o : доска, планка; ~eto: дощечка; anonc~o: доска объявлений ; aviz~o: доска объявлений; cel~o: мишень; glado~o: гладильная доска; hak~o, tranĉ~o: разделочная доска; neĝ~o: сноуборд; plonĝ~o, plonĝo~o: трамплин (для прыжков в воду); rul~o: скейтборд, роликовая доска ; salto~o: трамплин; vaks~o: восковая дощечка.

slovakaj

~o: malá tabuľa, vosková tabuľa (na písanie) (hist.); ~eto: malá tabuľa, vosková tabuľa (na písanie) (hist.); anonc~o: oznamovacia tabuľa; cel~o: terč; glado~o: žehliaca doska; pas~o: doska ako lávka; rul~o: doska na cesto; salto~o: trampolína; vel~o: surfovacia doska s plachtou.

svedaj

~o : bräda, skiva, tavla.

fontoj

1. B. Prus, trad. Kazimierz Bein: La Faraono, vol. 1, Ĉapitro XI
2. Monato, Dimitrije Janičić: Vidinda ponto
3. trad. L. L. Zamenhof: La Malnova Testamento, Eliro 26:15
4. trad. L. L. Zamenhof: La Malnova Testamento, I. Reĝoj 6:9
5. trad. L. L. Zamenhof: La Malnova Testamento, I. Reĝoj 6:15
6. H. C. Andersen, trad. L. L. Zamenhof: Fabeloj, vol. 1, La virineto de maro
7. H. C. Andersen, trad. L. L. Zamenhof: Fabeloj, vol. 2, Neĝa reĝino
8. H. C. Andersen, trad. L. L. Zamenhof: Fabeloj, vol. 3, Kolo de botelo
9. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Haĉjo kaj Grenjo
10. H. C. Andersen, trad. L. L. Zamenhof: Fabeloj, vol. 4, Filino de la marĉa reĝo
11. H. C. Andersen, trad. L. L. Zamenhof: Fabeloj, vol. 4, Plumo kaj inkujo
12. Monato, Saliko: Tammisaari, urbeto ĉe Balta Maro
13. H. C. Andersen, trad. L. L. Zamenhof: Fabeloj, vol. 2, Najbaraj familioj
14. H. C. Andersen, trad. L. L. Zamenhof: Fabeloj, vol. 3, Kolumo
15. H. C. Andersen, trad. L. L. Zamenhof: Fabeloj, vol. 3, Historio
16. B. Prus, trad. Kazimierz Bein: La Faraono, vol. 3, Ĉapitro IX
17. Monato, Aŭstrio: Ĉu ri-vere kanalo?
18. Monato, Deĉifrado de la paskinsula skribo
19. Monato, Edmund Grimley Evans: Distra kaj kleriga vortaro
20. B. Prus, trad. Kazimierz Bein: La Faraono, vol. 2, Ĉapitro X
21. Monato, Lena Karpunina: Tiu tago
22. Monato, Claude Piron: Francio invitas, Svislando suferas
23. B. Prus, trad. Kazimierz Bein: La Faraono, vol. 1, Ĉapitro I
24. Monato, S. Maul: Laŭ ritmo de la rizejoj
25. Vikipedio, Lednice
26. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Maljuna avo kaj nepo
27. B. Prus, trad. Kazimierz Bein: La Faraono, vol. 2, Ĉapitro I
28. trad. L. L. Zamenhof: La Malnova Testamento, Eliro 28:36
29. La Nova Testamento, Luko 1:63
30. H. C. Andersen, trad. L. L. Zamenhof: Fabeloj, vol. 2, Dio de dormo
31. B. Prus, trad. Kazimierz Bein: La Faraono, vol. 1, Ĉapitro XX
32. B. Prus, trad. Kazimierz Bein: La Faraono, vol. 2, Ĉapitro I
33. B. Prus, trad. Kazimierz Bein: La Faraono, vol. 3, Ĉapitro IV
34. A. Grigorjevskij: La informoj de la dua bulteno en la reto, soc.culture.esperanto, 2004-02-26
35. Monato, Lena Karpunina: Tiu tago
36. Monato, last: Laborforto mankas
37. Vikipedio, artikolo „Bedřich Hrozný“, 2006-04-29
38. B. Henry: Vojaĝo al Rusio, soc.culture.esperanto, 1994-01-04
39. Monato, Jean Pierre VandenDaele: De analogo al cifereco: evoluo de persona historio
40. Monato, HORI Yasuo/pg: Forpaso-forumo
41. Monato, Judit Felszeghy: Ne nur sporto, ankaŭ vivoformo
42. Monato, Carlo Minnaja: Du vivpoemaroj
43. H. C. Andersen, trad. L. L. Zamenhof: Fabeloj, vol. 3, kolumo
44. Vikipedio, Gladotabulo
45. Bian Ji: Frititaj melongenpecoj farĉitaj, El Popola Ĉinio, [vidita en 2006]
46. Vikipedio, Haktabulo
47. S. Halimi, trad. V. Lutermano: La ordinara popolo de George W. Bush, Le Monde diplomatique, 2004-10
48. Vikipedio, Neĝtabulado
49. G. García Márquez, trad. F. de Diego: Cent Jaroj da Soleco, Fonto, 1992
50. Ĉina Radio Internacia: Guo Jingjing: ĉampioneco..., 2004-08-27
51. russ: damne, mi ne rajtas rulgliti sur bona strato, russtaglibro, 2005-05-20
52. Vikipedio, Skutilo
53. Vikipedio, Gimnastiko
54. R. Frison-Roche, trad. Roger Bernard: La neĝo estas ĝojo!, Nica Literatura Revuo, numero 3-4, p. 140a-142a
55. S. Larbar: Karuseloj, 1987
56. Gejaj rakontoj en Esperanto: Petveturado suden (dua parto)
57. trad. L. L. Zamenhof: La Malnova Testamento, Jesaja 8:1
58. Vikipedio, Skribardezo
59. Monato, Deĉifrado de la paskinsula skribo
60. CouchSurfing: oftaj demandoj, 2006
61. Vikipedio, Surfotabulo
62. Sándor Szathmári: Satiraj rakontoj, Logos
63. Vikipedio, Skribilo
64. B. Bouron: Festo 97, soc.culture.esperanto, 1997-06-24
65. Vikipedio, Les Sables-d'Olonne

argil~o: Mankas dua fontindiko.
pas~o: Mankas dua fontindiko.
plonĝ~o, plonĝo~o: Mankas dua fontindiko.


ℛevo | datumprotekto | tabul.xml | redakti... | traduki... | artikolversio: 1.44 2018/08/09 07:10:14