tradukoj: be ca cs de en es fr hu nl pt ru sk zh

*sekv/i

*sekvi  

(tr)
1.  
Iri post moviĝanta objekto aŭ persono, postiri: ŝi sekvis la senditojn de David kaj fariĝis lia edzino [1]; [Marta] iris tiel rapide, ke Klaro apenaŭ povis ŝin sekvi Marta; (figure) la laboristinoj sekvis ŝin per siaj rigardoj, la pli junaj kun simpatio […], la pli maljunaj kun kompato (vd akompani); Marta ; la knabino sekvis ĝin per la okuloj [2]; (figure) sekvi iun per la pensoB; nur bono kaj favoro sekvas min en la daŭro de mia tuta vivo [3]. VD:postveni
2.
Agi konforme al, depende je...
a)
(figure) Mense atenti pri io okazanta; fari la saman rezonadon, kiel iu alia, kapti la signifon de ties vortoj aŭ pensoj: sekvi (konstante viziti kaj praktiki) kurson; ĉiu sekvas kun intereso la malfacilan bataladon [4]; estas malfacile sekvi viajn pensojn [5].
b)
(figure) Dividi ies opinion, morojn, konduton; alpreni kiel modelon, mastron: kaj Barak vokis la Zebulunidojn kaj la Naftaliidojn al Kedeŝ, kaj lin sekvis dek mil viroj [6]; ne sekvu aliajn diojn el la dioj de la popoloj, kiuj estas ĉirkaŭ vi [7]; ne sekvu malbonajn homojn, kaj ne deziru esti kun ili [8].
c)
(figure) Iri laŭ io aŭ agi konforme al io, kio gvidas: sekvi vojon; vi ne sekvis la konsilon Ifigenio ; laŭ lia ekzemplo sekvis generalo Lohan en 1885 FK ; sekvi kutimon, metodon; sekvu la paŝosignojn de piuloj [9]; ili sekvu Miajn leĝojn kaj observu Miajn decidojn kaj plenumu ilin [10]; [ili] sekvas la obstinecon de sia koro [11]; egale kiel la sekvado de gustoj personaj aŭ naciaj, estas senfrukta kaj danĝera, ankaŭ la sekvado de teoriaj principoj, se ni ne demandas nin, kian praktikan signifon ili havas [12].
3.  
Okazi post io: post somero sekvas aŭtuno; tago tagon sekvas, sed ne similas PrV; el la diritaĵo ni povas eltiri la sekvantan (jenan) regulon [13]; la diferencon vi komprenos plej bone el la sekvantaj ekzemploj [14].
4.  
Okazi post io, rezulte de ĝi, esti motivita aŭ kaŭzita de ĝi: el tio sekvas, ke […] [15] FK [16]; nun ni rigardu, kio sekvas el ĉio, kion ni supre diris FK .

sekvo  

1.  
Io, kio sekvas4, konsekvenco: tio estas tute natura sekvo [17]; vi ne […] pensis pri la sekvoj [18]; li ne povis distingi, ĉu [la varmego] estas sekvo de la efektiva fajro, ĉu de lia tro granda ardo de amo [19]; sekvoriĉa sukceso.
2.  
Vico: tio fakto restos dum sekvo de cent jaroj [20]; televida bildosekvo [21].

sekve  

Kiel sekvo, do, konsekvence: la surtuto estas aĉetita de mi, sekve ĝi apartenas al mi [22]; ĉiuj parencoj de mia edzino estas miaj boparencoj, sekve ŝia frato estas mia bofrato […] [23]; ĝis nun ne estis, sekve ne povas esti EE ; ili ne estis en granda nombro, ilia ordigo sekve daŭris mallonge Marta.

sekve de, sekve al  

(prepoziciaĵo)
En la sekvo de, post, pro...: la servistoj, siavice, sekve de geedziĝoj […] pliigos la laborkapablojn [24]; studento rajtas plenumi antaŭe aprobitan esplorlaboron kaj gajni kvin poentojn sekve al la pozitiva juĝo de la esplorraporto [25].

sekvaĵo

1.
Tio, kio sekvas: ŝia sekvaĵo estas maldolĉa kiel absinto […] [26]; el kaŭzo nekompleta ne povas naskiĝi sekvaĵo kompleta Marta; antaŭaĵo kaj sekvaĵo [27]; forĵetaĵoj, […] industriaj aŭ komercaj rubaĵoj, sekvaĵoj de privata agado [28].
a)  
MED Pli-malpli fruaj kaj daŭraj komplikaĵoj, aperantaj aŭ restantaj post malsano aŭ operacio.
b)  
BELA Daŭrigo: „Trans la spegulo kaj kion Alico trovis tie“ […] estas sekvaĵo de „Alico en Mirlando“ [29].
2.  
MAT[30](arkaismo) =vico.

sekvigi

1.
Fari aŭ zorgi, ke iu aŭ io estu sekvanta aŭ sekvata: la policestro sekvigis la suspektatajn fremdulojn; sekvigi leteron (ŝanĝinte la adreson, redoni leteron al la poŝto por ke ĝi atingu la forestantan adresulon); (ĉe ĵonglado) triobjekta duŝo 51 estas ekscitata sekvo, ĉar ne eblas sekvigi 3 kaj 51 [31].
2.  
Rezultigi aŭ konsekvencigi; kaŭzi: tia aliĝo certe sekvigos aliajn; produktado malpli kara sekvigas plian vendadon kaj produktadon; mi estas malsana sed tio ne sekvigas, ke mi ne povas manĝi (kuntreni); la vakcino […] sekvigis la kreadon de antikorpoj, kiuj plejparte neniigis la virusojn [32]; administraj reformoj, malcentrigoj kaj privatigoj, kiuj povas sekvigi intereskonfliktojn kaj mankhavajn kontrolojn [33].

sekvulo  

Tiu, kiu sekvas alian, space aŭ tempe; posteulo: Oto la 1-a, la sekvulo de Henriko la 1-a [34]; kiu, post la morto de la vokisto Mäkelä, fariĝis lia sekvulo [35]?

sinsekvo, intersekvo  

1.  
Aro da aĵoj regule metitaj unu post la alia: laŭ la ŝtuparo staris sinsekvo da soldatoj. sinsekvo de tri nukleotidoj, pro la ordo de la bazoj (adenino, citosino, guanino aŭ uracilo), donas la kodon por unu aminoacido en proteina molekulo [36].
2.
Aro da okazaĵoj estiĝintaj unu post la alia: sinsekvo da aventurojB; tabelo de intersekvado [37] (de reĝoj). konsonant-sinsekvoj [38]; sinsekvo de subjektivaj asertoj kaj de historiaj falsaĵoj [39]; la arboj estas hakitaj laŭ antaŭe elpensita kaj decidita intersekvo [40]; [en la] afrikansa [lingvo] en pli longaj frazoj kun pli da helpverboj la intersekvo de la vortoj estas tute malsama ol en la nederlanda [41].

sinsekva, intersekva

Sekvantaj unu la alian, prezentanta sinsekvon: aperis vento, ĝi venis en formo de sinsekvaj puŝoj [42]; li ne manĝus tion eĉ tri tagojn intersekvajn [43].

sekvi per la okuloj, sekvi okule, okulsekvi

(tr)
(frazaĵo)
Malgraŭ ĝia moviĝo konstante rigardi al...: sorĉite ŝi aŭskultetis liajn vortojn, sekvis okule liajn elegantajn moviĝojn [44]; [li] streĉis la tendenon kaj pafis la sagon supren en la ĉielon, pli alten ol oni povis sekvi ĝin per la okuloj [45]; Han Xizai […] staras meze por okulsekvi la forirantajn gastojn [46].

postsekvi  

(evitinde) (tr)
Sekvi1, 3, 4: Anna Petrovna postsekvis lin [el la dormoĉambro] kaj helpis alivestiĝi [47]; mi havas nek la inklinon, nek la rimedojn por teni [la studotajn bestojn] en kaptiteco, ankaŭ ne la bezonatan lertecon por postsekvi ilin en iliaj iroj [48]; unu nokton lia 9-jara filo postsekvis sian patron kaj vidis la strangan, bruan presmaŝinon [49]; (figure) per lacaj okuloj li postsekvis trakurantajn preter li vagonojn [50].
Rim.: Ĉi tiu vorto ne aperas en PIV-oj, eble ĉar la prefikso post estas konsiderebla pleonasmo kaj ĝia participa formo ne akordas kun la Zamenhofa senco, sed la vorto tamen aperas.

postsekvanta

1.
(evitinde) Kiu postsekvas.
2.
Estanta post la sekvanta: la sekvanta tago pasis tre bone, la postsekvanta pasis jam pli malrapide [51]; la postsekvantan tagon, nelonge antaŭ la vespero, Lemuel kaj Adaha alvenis en la tendon de Peor kaj Ŝalmana [52].

postsekvo

Sekvo aperanta iom distance de la gvidaĵo, de la kaŭzo: ni havis tiajn rendevuojn, kiam la knabinoj fordonas sin la tutajn, forgesante pri la moralo, pri postsekvoj, pri honto, pri ĉio en la mondo [53]; post serioza observado sur [la kapo] estis bone videbla postsekvo de tiu bato [54]; la administrado kun sia postsekvo de paperaĵoj malhelpas la liberan kuron [55].

tradukoj

anglaj

~i: follow.

belorusaj

~i 1.: сьледаваць, ісьці (за кім); ~i c: прытрымлівацца (чаго), сьледаваць (чаму); ~i 3.: сьледаваць; ~i 4.: вынікаць, сьледаваць; ~aĵo a: наступства; ~igi: выклікаць, паўплываць; sin~o, inter~o: пасьлядоўнасьць; sin~a, inter~a: пасьлядоўны.

ĉeĥaj

~i: následovat, sledovat, vyplývat; ~o: dohra, dopad, důsledek, následek, vliv; ~e: následkem (něčeho); ~igi: vyvolat, způsobit; sin~o, inter~o: návaznost; sin~a, inter~a: návazný.

ĉinaj

~i 1.: 跟随.

francaj

~i 2.: adopter, comprendre, se conformer, obéir, se soumettre; ~i 4.: découler de; ~i: suivre; ~o: conséquence, répercussion, suite; ~e: par conséquent, donc; ~e de, ~e al: en conséquence de, par suite de; ~aĵo a: suite, séquelle; ~aĵo 1.: suite; ~ulo: successeur (subst.); sin~o, inter~o: série, succession; sin~a, inter~a: successif; ~i per la okuloj, ~i okule, okul~i: suivre des yeux; post~anta 2.: ultérieur; post~o: conséquence, séquelle, répercussion, suite. ~i vojon: emprunter un chemin, prendre un chemin; ~oriĉa: riche de conséquences.

germanaj

~i c: befolgen; ~i: folgen; ~o 2.: Reihe; ~o: Folge; ~e : folglich; ~e de, ~e al: in Folge von, durch, unter der Bedingung, dass; ~aĵo a: Komplikation; ~aĵo 1.: Folgeerscheinung, Folge, Fortsetzung; ~igi 1.: folgen lassen; ~igi 2.: verursachen; ~ulo: Nachfolger; sin~o, inter~o: Reihe, Folge (Reihe); sin~a, inter~a: nacheinander folgend; ~i per la okuloj, ~i okule, okul~i: mit den Augen folgen; post~i: nachfolgen; post~anta 2.: übernächster; post~o: Spätfolge. ~igi leteron: einen Brief nachsenden.

hispanaj

~i 1.: seguir; ~i a: captar, seguir, comprender, agarrar la onda [en sv]; ~i b: seguir una idea o creencia, profesar, imitar; ~i c: seguir un camino o consejo, proseguir; ~i 3.: ir después de; ~i 4.: seguirse de, resultar de; ~i: seguir; ~o: consecuencia, repercusión; ~e: consecuentemente, por consecuencia, por lo tanto; ~e de, ~e al: en consecuencia de, a consecuencia de; ~aĵo a: complicaciones (médicas); ~aĵo 1.: la siguiente parte; ~aĵo 2.: sucesión; ~igi 1.: vigilar, hacer seguir; ~igi 2.: producir, causar, implicar; ~ulo: sucesor (subst.); sin~o, inter~o 1.: hilera, fila; sin~o, inter~o 2.: sucesión, consecución; sin~o, inter~o: secuencia, serie; sin~a, inter~a: sucesivo, continuado; ~i per la okuloj, ~i okule, okul~i: seguir con la mirada; post~i: seguir; post~anta 2.: ulterior, posterior al siguiente; post~o: consecuencia, secuela, repercusión, resultado.

hungaraj

~i: követ, következik; ~o: következmény, okozat, eredmény; ~e: következésképpen, tehát; ~aĵo a: szövődmény; ~aĵo 1.: folytatás; ~igi 1.: követtet; ~igi: maga után von, okoz, kivált; sin~o, inter~o 1.: sor; sin~o, inter~o 2.: sorozat; sin~a, inter~a: egymást követő, sorozatos; post~i: követ; post~anta 1.: követő; post~anta 2.: utána következő; post~o: következmény. ~i vojon: utat követ; ~igi leteron: levelet utánaküld.

katalunaj

~i 1.: empaitar; ~i 3.: seguir-se, continuar; ~i: seguir; ~o: conseqüència, resultat; ~e: per tant, com a conseqüència, tot seguit; ~e de, ~e al: com a conseqüència de; ~aĵo a: xacra, alifac; ~aĵo 1.: continuació; ~aĵo 2.: successió; ~igi 1.: fer seguir, vigilar; ~igi 2.: produir, causar, implicar; sin~o, inter~o 1.: renglera, rastellera; sin~o, inter~o 2.: successió, encadenament; sin~a, inter~a: successiu, continuat; post~i: encalçar; post~anta 2.: posterior al següent; post~anta: encalçador. tabelo de inter~ado: taula successòria; la post~antan tagon: al cap de dos dies.

nederlandaj

~i: volgen; ~igi: doen volgen; sin~o, inter~o: opeenvolging, volgorde; sin~a, inter~a: opeenvolgend.

portugalaj

~i 1.: seguir.

rusaj

~i 1.: следовать (за кем-л., чем-л.), идти (за кем-л.., чем-л.); ~i c: следовать (чему-л.), придерживаться (чего-л.), соблюдать; ~i 3.: следовать; ~i 4.: следовать, проистекать; ~o: следствие, последствие; ~e: следовательно; ~igi: повлечь за собой; sin~o, inter~o: последовательность; sin~a, inter~a: последовательный. ~anta: следующий.

slovakaj

~i: nasledovať, sledovať; ~o: dôsledok, následok; ~e: následkom (niečoho); ~igi: spôsobiť, vyvolať; ~ulo: nohosled; sin~o, inter~o: nadväznosť; sin~a, inter~a: nadväzný; post~i: sledovať; post~o: následok.

fontoj

1. trad. L. L. Zamenhof: La Malnova Testamento, I. Samuel 25:42
2. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Reĝo rano aŭ fera Henriko
3. trad. L. L. Zamenhof: La Malnova Testamento, Psalmaro 23:6
4. L. L. Zamenhof: Paroloj, Parolado antaŭ la Dua Kongreso Esperantista en Genève en la 28a de aŭgusto 1906
5. H. C. Andersen, trad. L. L. Zamenhof: Fabeloj, vol. 4, „Bela“
6. trad. L. L. Zamenhof: La Malnova Testamento, Juĝistoj 4:10
7. trad. L. L. Zamenhof: La Malnova Testamento, Readmono 6:14
8. trad. L. L. Zamenhof: La Malnova Testamento, Sentencoj 24:1
9. trad. L. L. Zamenhof: La Malnova Testamento, Sentencoj 2:20
10. trad. L. L. Zamenhof: La Malnova Testamento, Jeĥezkel 11:20
11. trad. L. L. Zamenhof: La Malnova Testamento, Jeremia 23:17
12. L. L. Zamenhof: Lingvaj Respondoj, 4. Fonetiko
13. L. L. Zamenhof: Lingvaj Respondoj, 4. Vortaroj
14. L. L. Zamenhof: Lingvaj Respondoj, 10. Ceteraj pronomoj
15. L. L. Zamenhof: Fundamento de Esperanto, Ekzercaro, § 29
16. L. L. Zamenhof: Lingvaj Respondoj, 2. Vortuzo
17. L. L. Zamenhof: Lingvaj Respondoj, 8. Personaj pronomoj
18. trad. L. L. Zamenhof: La Malnova Testamento, Jesaja 47:7
19. H. C. Andersen, trad. L. L. Zamenhof: Fabeloj, vol. 1, Persista stana soldato
20. Raymond Schwartz: La Stranga Butiko
21. Monato, Radio
22. L. L. Zamenhof: Fundamento de Esperanto, Ekzercaro, § 25
23. L. L. Zamenhof: Fundamento de Esperanto, Ekzercaro, § 36
24. N. Covelli: Vivo, historio kaj legendo de la etruska familio, 2005
25. R. Moerbeek: La Katedro pri Interlingvistiko..., [2005]
26. trad. L. L. Zamenhof: La Malnova Testamento, Sentencoj 5:4
27. Vikipedio, Sistemo L
28. Monato, Bardhyl Selimi: Rubaĵtrafiko
29. Vikipedio, Trans la spegulo
30. Raoul Bricard: Matematika Terminaro kaj Krestomatio, p. 10
31. Vikipedio, Ĵongla skribsistemo
32. Monato, Vladimir Lemelev: Batalo kontraŭ mortiga malsano
33. Vikipedio, Administra etiko
34. Vikipedio, Boleslao la 1-a (Bohemio)
35. A. Kivi, trad. I. Ekström: Sep fratoj, 1947
36. Monato, Vivo: Riboj
37. E. Millidge: The Esperanto-English dictionary, 1912-1924
38. Monato, Christian Declerck: Kiun vojon?
39. Monato, Reago: Eks-Jugoslavio: kiu kiun mistifikas?
40. Vikipedio, Arbarekspluatado
41. Vikipedio, Afrikansa lingvo
42. H. C. Andersen, trad. L. L. Zamenhof: Fabeloj, vol. 3, Historio de la jaro
43. B. Prus, trad. Kazimierz Bein: La Faraono, vol. 1, Ĉapitro XII
44. Monato, Franz-Georg rössler: La unua nokto
45. Michael Ende, trad. Wolfram Diestel: La Senĉesa Rakonto, La Arĝenta Urbo Amarganto
46. -: Kiu estis Han Xizai?, Ĉina Radio Internacia, 2004-10-29
47. V. Varankin: Metropoliteno, ĉap. 4
48. Jean-Jacques Rousseau, trad. André Gilles: La revadoj de soleca promenanto, Sepa promenado
49. Monato, Laimius Stražnickas: Sekretaj vortoj de kuraĝa presisto
50. V. Varankin: Metropoliteno, ĉap. 1
51. H. C. Andersen, trad. L. L. Zamenhof: Fabeloj, vol. 4, Sterkskarabo
52. H. A. Luyken: Pro Iŝtar, ĉap. 12
53. V. Varankin: Metropoliteno, ĉap. 8
54. Monato, Dmitrij Cibulevskij: Ĉu sorto ...
55. Deck Dorval: Urd Hadda murdita!, p. 16

~i: Mankas verkindiko en fonto.
sin~o, inter~o: Mankas verkindiko en fonto.


ℛevo | datumprotekto | sekv.xml | redakti... | traduki... | artikolversio: 1.38 2018/06/02 12:10:13