^*tren/i ^UV

(tr)

Pene tiri post si: treni sakojn da greno en la muelejon [1]; [evitu] ke li trenu vin al la juĝisto [2]; altrenu benkojn [3]! oni trenis ŝin en malluman, malsekan malliberejon [4]; mi sukcesis eliri el la lito kaj altreni min ĝis la fenestro [5]; du viroj […] iris sur la trotuaro, trenante inter si trian viron, kiu ŝajnis esti malsana [6]; [meteoro] falis malsupren kaj trenis post si tra la ĉielo longan strion da fajro [7]; (figure) [tiuj] estaĵoj […] trenis sian malluman, pezan kaj senesperan ekzistadon ^Marta ; miloj trene portis plu sian pezan kaj apatian vivon [8]; ni trenas veturilon kiel bovoj [9]; en la urbo sin trenas oficiroj kaj popolamaso [10]; (figure) arĝentaj incensujoj […] distrenis en la salono nebulojn de ekscitanta odoro ^FdO ; ne volas kokin' al festeno, sed oni ĝin trenas perforte ^PrV ; (figure) treni sian vivon de mizero al mizero ^PrV . haŭli

1.

Io trenita aŭ treniĝanta: nebulaj trenaĵoj; ni do aĉetis du tiajn longajn, senmotorajn ŝiptrenaĵojn [11]; ŝia praonklo malrapide alproksimiĝis al la domo, tirante post si la trenaĵon de gastoj [12].

2.

Longa pendanta parto de vesto etendiĝanta sur grundo aŭ planko: [la] reĝino [havis] longajn trenaĵojn ĉe la vestoj [13]; la ĉambelanoj, kiuj devis porti la trenaĵon de la vesto, eltiris siajn manojn al la planko, kvazaŭ ili levas la trenaĵon [14]; la longa trenaĵo de ŝia vesto susuris sur la pargeto ^Marta . basko, vosto³

1.

Esti trenata: ruĝa ŝalo […] longe treniĝas post ŝi [15]; mi klare sentis, kiel mi treniĝas de tago al tago al la rando de la abismo [16].

2.

Pene antaŭen iri; sin treni: Kandid, tute frostite, treniĝis al proksima urbo [17]; la tempo treniĝas, kiel veturiloj en la dezerto [18].

Pene eltiri: eltreni uron el ĝia kaŝejo [19]; ili eltrenis la [kristnaskarbon] el la ĉambro, supren laŭ la ŝtuparo [20]; la mastro eltrenis min je la haroj korten [21].

Pene fortiri; trene forigi: kio estos, se li efektive fortrenos min en la malliberejon [22]? oni fortrenis ŝian amanton al ekzekuto [23]; el la militakiritaj urboj li fortrenis kun si oron [24].

(tr)

1.

Treni kun si: ezoko […] baraktas, subakviĝas […] sed ĉie la feraĵon kaj ŝnuron kuntrenas [25]; ĉu vi kuntrenis kun vi en tiun mondon ian pekon, kiu baras al vi la eniron en la paradizon [26]? (figure) La ŝtona urbo kuntrenas la leganton [27].

2.

(figure) Nepre sekvigi: amo kuntrenas respondecon [28]; mi ne klopodus por influi vian determinon, se ĝi ne posttrenus gravajn konsekvencojn [29]; uzo de specifa lingvo neeviteble kuntrenas la tutan vidpunktaron de la indiĝenaj parolantoj de tiu lingvo [30]; malfeliĉo venas, malfeliĉon kuntrenas ^PrV .

(ntr)

Pene, malfacile aŭ malrapide antaŭeniri: li sin trenis tra la neĝo [31]; malsata kaj tremanta de frosto la kompatinda knabineto trenadis sin pluen [32]; maljunuloj, trenantaj sin kun helpo de bastonoj [33]; bela estis la festeno: la viroj kaj virinoj sin trenis sur la planko, surverŝita per vino [34]; bona famo sin trenas testude, malbona kuras rapide ^PrV . rampi