tradukoj: be ca cs de en es fr hu nl pl pt ru sk

*produkt/i

*produkti  

(tr)
1.  
Estigi per natura evoluado vivaĵojn aŭ senvivaĵojn: marĉa tero, kiu produktas nur malmulte da beroj kaj kelke da kriplaj arboj [1]; la grenon, […] la moston, […] la oleon, […] kion produktas la tero [2]; la pluvo […] malsoifigas la teron kaj […] produktigas ĝin [3]; dum li semis, iuj semoj […] falis en la bonan teron, kaj donis frukton, kreskante kaj multobliĝante, kaj produktis tridekoble kaj sesdekoble [4]; [ili] produktas sonon, ĉu fluto, ĉu harpo [5]; ventumiloj konstruitaj tiamaniere, ke ili produktas malpli da bruo [6]. VD:elkreskigi, naski
2.  
Fari el krudaj materialoj substancojn aŭ objektojn utilajn por la homo: batado de lakto produktas buteron [7] (oni ne devas miri pri la neeviteblaj konsekvencoj de siaj faroj); produkti komercaĵojn; la fabriko produktas bonan tolonB; produktejo de sukero; la ses plej gravaj bierfabrikoj […] pasintjare produktis 166 milionojn da litroj [8]; la lignoŝuojn ja oni produktas el poploligno [9]; en la regiono oni produktas multe da vino [10]; necesas nur lanĉi la lastajn programojn, kiuj produktas ĉiajn eblajn tabelojn kaj diagramojn [11]; la nuklea centralo ne plu produktas elektroenergion [12]. VD:eligi, eltiri, fabriki

produkto

1.  
La rezulto de la ago produkti: ili manĝis el la produktoj de la tero en la sekvanta tago [13]; produkto de justeco estos paco, kaj akiro de justeco estos trankvileco [14]; ĉiuj produktoj de la homa spirito fariĝus akireblaj por ĉiu el ni [15]; ĉu […] nur produkto de mia ekscitita fantazio [16]? tiuj konkludoj prezentas produkton de la simpla kaj severa logiko FK ; la produktoj de unu literaturo estu aligitaj al ĉiuj aliaj literaturoj [17]; konsumproduktoj [18].
2.
La tuto de produktaĵoj: malneta enlanda produkto (MEP); malneta nacia produkto (MNP); la komparo de la malneta enlanda produkto (MEP) de diversaj landoj inter 1989 kaj 1999 restas la sola plej certa indikaĵo de progreso aŭ de ties manko [19]; laŭ sia nacia produkto Slovenio jam superas Grekion [20].

produktado  

Natura aŭ arta estigo: stimuli la produktadon per doganimpostoj; laŭ la kalkulo de la jaroj de produktado li vendu al vi [21]; la plejmulto da laboro devas esti uzata por produktado de manĝo por la bruto FK ; litovaj bierfarejoj lastatempe transiris al produktado de pli fortaj bieroj [22]; la alkemiistoj sensukcese strebis al la produktado de oro el malmultekostaj materialoj [23]; energiproduktado [24]; elektroproduktado [25]; militproduktado [26].

produktaĵo  

Io produktita: terproduktaĵoj [27]; dum ses jaroj prisemu vian teron kaj rikoltu ĝiajn produktaĵojn [28]; li ricevos la dekonon de ĉiuj multekostaj produktaĵoj, kiuj estos akiritaj en tiuj ĉi landoj [29]; la romano estis tre interesa […] sinjorino Anneto nur kun granda malfacileco povis kompreni […] tiun ĉi mirindan produktaĵon de la genia aŭtoro FK ; produktaĵo de lokaj manlaboristoj [30]; reklamataj produktaĵoj de tabakfirmao [31]; la beroj, aŭ la produktaĵoj, faritaj el ili, estas eksportataj, ekzemple mirtelekstrakto [32]. VD:frukto3

produktema  

Multe produktanta: produktema tero; li […] al iliaj insuloj lokigis aliajn, konfideblajn, produktemajn gentojn, kiuj ne malpliigis, sed pliigis la jaran imposton [33]; sensaci-produktema ĵurnalistaro [34]. VD:fekunda, fruktoporta

plusprodukto

Kvanto plusa, produktita trans la bezonata aŭ planita kvanto: ĉeesto de la konstanta plusprodukto en la socio klare videblas en la monumenta arkitekturo de Ĝurkutan [35].

reprodukti  

(tr)
1.
Produkti novajn estaĵojn similajn al la antaŭaj: tiu vegetaĵo facile reproduktas sin; reprodukti rozujon per branĉplanto; reproduktiĝi [per] partenogenezo [36]; ĉe birdoj la gripvirusoj reproduktiĝas en la intestaro [37].
2.  
Produkti objekton similan al alia: reprodukti pentraĵon per gravurado, per fotografado; reprodukti en sia revuo interesan artikolon; la pentristo reproduktas la naturon; reprodukti la sonojn de la influa angla estas aparte malfacile [38]; en la centro de la libro estas reproduktitaj kelkaj fotoj de reale vivintaj esperantistoj [39]; pentraĵoj, reproduktitaj en la 21 bildopaĝoj ĉe la fino de la libro [40]. VD:imiti, kopii, reprezenti

subprodukto

Produkto farata el alia produkto per ia procedo, ekzemple per rafinado: la subproduktoj povas ebligi pli grandan profiton ol la esencaj produktoj [41]; ureata acido […] formiĝas en la vivantaj superaj organismoj kiel subprodukto en la metabolo de aminoacido kaj de purinoj [42]; metil-benzoato ankaŭ estas subprodukto en la produktado de kokaina klorido [43].

tradukoj

anglaj

~i: produce; ~o 1.: product; ~ado: production; ~aĵo: product; ~ema: productive; re~i: reproduce. malneta enlanda ~o: gross domestic product, GDP; malneta nacia ~o: gross national product, GNP.

belorusaj

~i: вырабляць, прадукаваць, ствараць; ~o 1.: прадукт, выраб; ~ado: прадукаваньне, вытворчасьць; ~aĵo: прадукт, выраб; ~ema: прадукцыйны, прадуктыўны. malneta enlanda ~o: валавы ўнутраны прадукт, ВУП; malneta nacia ~o: валавы нацыянальны прадукт, ВНП.

ĉeĥaj

~i: plodit, produkovat, rodit, vyrábět; ~o: produkt, výrobek, výtvor, zplodina; ~ado: produkce, provoz, výroba; re~i: množit, reprodukovat, zplodit novou generaci; sub~o: vedlejší výrobek.

francaj

~i: produire; ~o 1.: produit; ~ado: production; ~aĵo: produit; ~ema: productif; plus~o: surplus; re~i: reproduire; sub~o: produit dérivé, sous-produit. malneta enlanda ~o: produit intérieur brut, PIB; malneta nacia ~o: produit national brut, PNB.

germanaj

~i 1.: hervorbringen; ~i: produzieren; ~o 1.: Produkt; ~ado: Produktion; ~aĵo: Produkt; ~ema: produktiv; re~i 1.: reproduzieren; re~i 2.: reproduzieren, nachbilden, kopieren, abdrucken; sub~o : Nebenprodukt.

hispanaj

~i: producir; ~o 1.: producto; ~ado: producción; ~aĵo: producto; ~ema: productivo; re~i: reproducir; sub~o: subproducto. malneta enlanda ~o: producto; malneta nacia ~o: producto.

hungaraj

~i 1.: szül, terem ; ~i 2.: termel, gyárt; ~o 1.: termény, termék, gyártmány; ~ado: termelés, gyártás; ~aĵo: termény, termék, gyártmány; ~ema: termelékeny, termékeny, produktív; re~i 1.: szaporít; re~i 2.: reprodukál, újrateremt, újratermel. malneta enlanda ~o: bruttó hazai termék, GDP; malneta nacia ~o: bruttó nemzeti termék, GNP.

katalunaj

~i 1.: criar, donar; ~i 2.: fabricar; ~i: produir; ~ado: producció; ~aĵo: producte; ~ema: productiu; re~i: reproduir; sub~o: subproducte. malneta enlanda ~o: PIB; malneta nacia ~o: PNB (producte nacional brut).

nederlandaj

~i: produceren; ~o 1.: product; ~ado: productie; ~aĵo: product; ~ema: productief; re~i: reproduceren; sub~o: bijproduct. malneta enlanda ~o: bruto binnenlands product, BBP; malneta nacia ~o: bruto nationaal product, BNP.

polaj

~i: produkować; ~o 1.: produkt; ~ado: produkcja; ~aĵo: produkt; ~ema: płodny, żyzny, produktywny; re~i 1.: reprodukować, rozmnażać; re~i 2.: reprodukować, odtwarzać. malneta enlanda ~o: produkt krajowy brutto, PKB; malneta nacia ~o: produkt narodowy brutto, PNB.

portugalaj

~i: produzir; ~o 1.: produção (coisa produzida); ~ado: produção (atividade); ~aĵo: produção (coisa produzida); ~ema: produtivo; re~i 1.: reproduzir; re~i 2.: reproduzir, copiar; sub~o: subproduto. malneta enlanda ~o: produto interno bruto, PIB; malneta nacia ~o: produto nacional bruto, PNB.

rusaj

~i: производить; ~o 1.: продукт; ~ado: производство; ~aĵo: продукт; ~ema: производительный, продуктивный; re~i: воспроизводить, воспроизвести, репродуцировать; sub~o: производный продукт, субпродукт. malneta enlanda ~o: валовой внутренний продукт, ВВП; malneta nacia ~o: валовой национальный продукт, ВНП.

slovakaj

~i: dorábať, produkovať, vyrábať; ~o: produkt, splodina, výrobok, výtvor; ~ado: produkcia, výroba; re~i: množiť, reprodukovať; sub~o: vedľajší výrobok.

fontoj

1. H. C. Andersen, trad. L. L. Zamenhof: Fabeloj, vol. 4, filino de la marĉa reĝo
2. trad. L. L. Zamenhof: La Malnova Testamento, Ĥagaj 1:11
3. trad. L. L. Zamenhof: La Malnova Testamento, Jesaja 55:10
4. La Nova Testamento, Marko 4:8
5. La Nova Testamento, I. Korintanoj 14:7
6. Monato, Franck Arnaud: Kvietigu tiun komputilon!
7. trad. L. L. Zamenhof: La Malnova Testamento, Sentencoj 30:33
8. Monato, Last: Litovio: Biero populariĝas
9. Monato, Belgio: Fama karnavalo en Binche
10. Monato, William Simcock: Impresoj pri Portugalio
11. Monato, Hektor Alos I Font: Spektantoj spektataj
12. Monato, last: Adiaŭ al la nuklea ŝtato
13. trad. L. L. Zamenhof: La Malnova Testamento, Josuo 5:11
14. trad. L. L. Zamenhof: La Malnova Testamento, Jesaja 32:17
15. L. L. Zamenhof: Esenco kaj Estonteco, ĉap. 2
16. Valdemar Vinař: La skandalo pro Jozefo, plendoj de Jozefo arestita
17. Ludoviko Lazaro Zamenhof: Fundamenta Krestomatio de la lingvo Esperanto, 6, artikoloj pri esperanto, el la unua libro de la lingvo esperanto
18. Monato, Marteno Ecott: Invadas la angla
19. Monato, Evgeni Georgiev: Kiu sukcesis, kiu postrestis?
20. Monato, P. Gubbins: Slovenio: Ordo tordita ‐ dekstren maldekstren
21. trad. L. L. Zamenhof: La Malnova Testamento, Levidoj 25:15
22. Monato, Litovio: Fulma kolero
23. Monato, Yamasaki Seikô: Pruntoj: Arabaj vortoj en la germana kaj esperanta lingvoj
24. Monato, Roland Rotsaert: Verda nature, science, socie
25. Monato, Roland Rotsaert: Petrolo: Nehaltigeblaj prezaltiĝoj
26. Monato, Evgeni Georgiev: Kiu sukcesis, kiu postrestis?
27. trad. L. L. Zamenhof: La Malnova Testamento, Levidoj 2:14
28. trad. L. L. Zamenhof: La Malnova Testamento, Eliro 23:10
29. Ludoviko Lazaro Zamenhof: Fundamenta Krestomatio de la lingvo Esperanto, 4, rakontoj, nokto, (de Eube el Odeso)
30. Monato, Belgio: Fama karnavalo en Binche
31. MonatoLast
32. Monato, Saliko: Laboro kaj la bero
33. Sándor Szathmári: Satiraj rakontoj, Pythagoras, 6
34. Monato, Franz-Georg Rössler: Ne kulpas la kulpanto
35. V. I. Ionesov: Kulturo kaj socio de Norda Baktrio, Scienca Revuo, 1992:1 (43), p. 3a-8a
36. Monato, Genroj En La Franca: Sinjorino „Le secrétaire“ (la sekretario)
37. Monato, Vladimir Lemelev: Birda gripo, ĉu danĝera por la homo?
38. Monato, Garbhan Macaoidh: Internacia fonetika alfabeto
39. Monato, Nikolao Gudskov: Reveno de heroo
40. Monato, Donald Broadribb: Taglibroj de murdita infano
41. B. Traven, trad. Hans Georg Kaiser: Mortula Ŝipo, Rakonto de usona maristo, enkonduko 2, „mia romano – la mortula ŝipo”
42. Vikipedio, Ureata acido
43. Vikipedio, Metila benzoato

~i: Mankas verkindiko en fonto.
plus~o: Mankas dua fontindiko.


ℛevo | datumprotekto | produk.xml | redakti... | traduki... | artikolversio: 1.31 2018/04/04 10:10:18