tradukoj: cs de en es fr id ms nl pl pt ru sk

*konsil/i PV

*konsili  

(tr)
Indiki al iu tion, kion oni opinias, ke li devus fari: la kuracisto konsilis al mi iri en ŝvitbanejon [1]; la montritajn naŭ vortojn mi konsilas bone ellerni [2]; oni konsilas kaj konsolas sed helpi ne volasPrV; nekonsilebla karakteroZ (kiu ne volas esti konsilata); nek helpeble, nek konsileble PrV (pp tute embarasita situacio, pri kiu oni povas nek helpi, nek konsili); kie ne estas konsileble, tie ne estas helpeble (necesas konsili por helpi) PrV .
SIN:rekomendiSUP:instigi

konsilo  

1.  
Indiko donita al iu pri tio, kion oni opinias, ke li devus fari: saĝulo aŭskultas konsilon [3]; montroj kaj konsiloj estas facilaj PrV; post dorma trankvilo venas bona konsilo PrV; peti konsilon de iu [4] [5]. VD:admono, averto, avizo, instruo
2.
(arkaismo) Proponita agmaniero, rimedo: kontraŭ ĉiu malfacilo ekzistas konsilo PrV; ni ne scias alian konsilon ol prokrasti la aferon; ne ekzistas saĝo, ne ekzistas prudento, ne ekzistas konsilo kontraŭ la Eternulo [6].
3.  
(evitinde) Konsilistaro: kunvoki la konsilon.

konsilanaro  

(evitinde)
=konsilistaro

konsilanto

Tiu, kiu donas konsilojn: li […] rigardis siajn trankvilanimajn konsilantojn kun rideto BdV ; kortega konsilanto [7]; kortegano-konsilanto Hamlet ; venko venas per multe da konsilantoj [8].

konsilantaro  

Konsilistaro: li povas pli bone klarigi ĉion al mia sinjoro, ĉar li estas saĝulo kaj membro de la plej alta konsilantaro de niaj urboj [9]; sidanta en la konsilantaro de la saĝuloj [10].

konsilisto

1.
Titolo de ŝtata aŭ komunuma oficisto: grandimperiestra noktotabla kantisto kun la rango de konsilisto de la unua klaso [11]; la jura konsilisto […] havis tre bone en la memoro la okazintaĵojn de la jaro 1801 [12].
2.
Persono, kiu profesie donas konsilojn: la reĝo kunvokis siajn konsilistojn, por ke, ĉiu el ili eldirante sian opinion, li povu fari decidon [13]; ni vokos ĉiujn saĝajn konsilistojn Hamlet ; li estis la konsilisto de la milita ministro [14].

konsilistaro  

Aro da personoj komisiitaj por konsili estron de regno, armeo, distrikto ktp: la konsilistaro de la Ligo de Nacioj; la reĝo kunvokis la konsilistaron [15]. VD:komisiono, komitato.

konsiliĝi

(ntr)
Peti de iu, ke li konsilu, konsulti: la reĝo […] konsiliĝis kun siaj servantoj [16]; li konsiliĝis kun siaj eminentuloj kaj fortuloj [17]; mi devas […] interkonsiliĝi kun miaj servistoj [18].

dekonsili, malkonsili  

(tr)
Konsili iun, ke li ne faru ian agon: kial la prudento devas malkonsili al vi vizitadi nin? Marta . VD:averti 3, deadmoni

senkonsila

Ne scianta kiel agi kaj ne ricevanta konsilojn pri tio: ili staris senkonsilaj, rigardante sin reciproke per necertaj rigardoj [19].

senkonsileco

Stato de tiu, kiu agas sen memcerto, ne sciante ĉu bone aŭ malbone: liaj problemoj ligiĝas ... al la senkonsileco de patrino devanta lin eduki sola [20].

tradukoj

anglaj

~i: to advise, counsel; ~o 1.: advice, counsel, opinion; ~o 2.: counsel; ~o: council, counsel (legal advocate(s)); ~anaro: council; ~anto: adviser, advisor; ~antaro: council; ~isto: counselor, adviser, advisor, consultant; ~istaro: council; ~iĝi: to seek advice, consult (with someone); de~i, : to advise against, caution against.

ĉeĥaj

~i: radit; ~i: radit, poradit; ~o: rada (udělovaná); ~anaro: konsilium, rada (sbor); ~anto: konzultant, poradce, rádce; ~antaro: konsilium, rada (sbor); ~isto: konzultant, poradce, rádce; sen~a: bezradný.

francaj

~i: conseiller; ~o: conseil; ~anaro: conseil (groupe de conseillers); ~anto: conseiller; ~antaro: conseil (groupe de conseillers); ~isto 2.: consultant; ~isto: conseiller; ~istaro: conseil (groupe de conseillers); ~iĝi: demander conseil; de~i, : déconseiller; sen~a: décontenancé, désemparé, éperdu; sen~eco: détresse, trouble.

germanaj

~i: raten, anraten, beraten; ~o 1.: Rat, Ratschlag; ~o 2.: Empfehlung, Rat; ~anto: Berater, Ratgeber; ~isto 1.: Rat; ~isto 2.: Berater; ~istaro: Rat, Ratsversammlung; ~iĝi: um Rat fragen, um Rat bitten, sich beraten; de~i, : abraten; sen~a: ratlos; sen~eco: Ratlosigkeit.

hispanaj

~i: aconsejar; ~o 1.: consejo; ~anto: consejero; ~isto 1.: consejero (cargo, puesto); ~istaro: consejo (grupo de consejeros); de~i, : desaconsejar.

indoneziaj

~i: [anjur] menganjurkan, [nasihat] menasihati, [saran] menyarankan; ~o: advis, anjur anjuran, nasihat, saran; ~anaro: dewan; ~anto: konselor, [nasihat] penasihat; ~antaro: dewan; ~isto 2.: konsultan; ~istaro: dewan; ~iĝi: [konsultasi] berkonsultasi; sen~a: putus asa; sen~eco: [putus asa] keputusasaan.

malajaj

~i: menasihat; ~o 1.: nashihat.

nederlandaj

~i: aanraden; ~o 1.: raad, raadgeving; ~o 2.: raad, aanbeveling; ~anaro: raad; ~anto: raadgever, consulent; ~antaro: raad; ~isto 1.: raadsman; ~isto 2.: consulent; ~istaro: raad; ~iĝi: beraadslagen; de~i, : afraden.

polaj

~i: radzić, doradzać, polecać, konsultować; ~o 1.: rada, porada, konsultacja; ~o 2.: rada; ~anaro: rada; ~anto: doradca, konsultant; ~antaro: rada (organ doradczy); ~isto 1.: radca; ~isto 2.: konsultant; ~istaro: rada; ~iĝi: radzić się, konsultować się; de~i, : odradzać; sen~a: bezradny; sen~eco: bezradność.

portugalaj

~i: aconselhar, persuadir.

rusaj

~i: советовать; ~o: совет; ~anaro: совет; ~anto: советник, советчик; ~antaro: совет; ~isto 1.: советник; ~isto 2.: советник, советчик, консультант; ~istaro: совет; ~iĝi: советоваться, консультироваться; de~i, : отсоветовать.

slovakaj

~i: radiť; ~o: rada; ~anaro: poradný zbor; ~anto: poradca, radca; ~antaro: poradný zbor; ~isto: poradca, radca; sen~a: bezradný; sen~eco: bezradnosť.

fontoj

1. L. L. Zamenhof: Fundamento de Esperanto, Ekzercaro, § 40
2. L. L. Zamenhof: Fundamento de Esperanto, Ekzercaro, § 30
3. trad. L. L. Zamenhof: La Malnova Testamento, Sentencoj 12:15
4. trad. L. L. Zamenhof: La Malnova Testamento, Jesaja 40:14
5. B. Prus, trad. Kazimierz Bein: La Faraono, vol. 2, Ĉapitro XXIII
6. trad. L. L. Zamenhof: La Malnova Testamento, Sentencoj 21:30
7. N. V. Gogol, trad. L. L. Zamenhof: La Revizoro, Akto kvara
8. trad. L. L. Zamenhof: La Malnova Testamento, Sentencoj 24:6
9. B. Prus, trad. Kazimierz Bein: La Faraono, vol. 3, Ĉapitro V
10. trad. L. L. Zamenhof: La Malnova Testamento, II. Samuel 23:8
11. H. C. Andersen, trad. L. L. Zamenhof: Fabeloj, vol. 2, La najtingalo
12. H. C. Andersen, trad. L. L. Zamenhof: Fabeloj, vol. 1, Galoŝoj de feliĉo
13. L. L. Zamenhof: Lingvaj Respondoj, 11. Verboj
14. B. Prus, trad. Kazimierz Bein: La Faraono, vol. 2, Ĉapitro II
15. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, La ora birdo
16. trad. L. L. Zamenhof: La Malnova Testamento, II. Reĝoj 6:8
17. trad. L. L. Zamenhof: La Malnova Testamento, II. Kroniko 32:3
18. B. Prus, trad. Kazimierz Bein: La Faraono, vol. 3, Ĉapitro XII
19. H. Sienkiewicz, trad. M. Sygnarski: Tra dezerto kaj praarbaro, 1978
20. C. Piron: Tien, 1997

~i: Mankas verkindiko en fonto.
~anaro: Mankas dua fontindiko.
~anaro: Mankas fonto, kiu estas nek vortaro nek terminaro.


ℛevo | datumprotekto | konsil.xml | redakti... | traduki... | artikolversio: 1.30 2018/04/28 05:10:16