tradukoj: be ca cs de en es fr hu id nl oc pl pt ru sk uk

^*brul/i ^PV

^*bruli

1.

Konsumiĝi per fajro: la ligno, la kandelo brulas; fajro bruletas sub la cindro; (figure) la afero ne brulas (ne urĝas) ^PrV.

2.

Esti varmega kiel fajro: via mano brulas de febro; brule varmega fero [1].

3.

(figure) Esti en forta eksciteco: bruli de scivolo; mi brulas de amo [2]; la virineto de maro brulis de deziro vidi ŝian belecon [3]; ĉashundoj, kiuj brulis de deziro kuri al la ĉaso [4]; mi brulas de senpacienco [5]. ardi, flagri, flami.

brulo

Stato de brulantaĵo: kia granda brulo [6]! ne ekzistas fumo sen brulo ^Prv ; li [...] rimarkas brulon komenciĝantan en la kvartalo [7]; ĝi anoncadis [...] alarmon pri brulo [8]; mi lasus mian korpon por forbrulo [9]; savita el brulo [10]; la fraŭlinoj [...] rapide estingis la brulon [11]; la gardisto fajfis, ― estis brulo, la tuta strato estis hele lumita [12].

brula

1.

Brulanta: brula kiel lafo [13]; la brula suno [14].

2.

Bruligebla: ligno estas bona brula materialo [15].

brulego

Granda brulo, kaŭzanta difektojn kaj perdojn: ve, la granda urbo, en unu horo pereis [...] kaj ĉiuj [...] staris malproksime kaj kriis, vidante la fumon de ŝia brulego [16]. incendio

brulema

Facile brulanta: bedaŭrinde la planko estis kovrita per brulema plasto; [li] ekzamenis la estiĝintan gason kaj realigis la eksperimenton nomatan nuntempe teston de oksihidrogeno, kiu bruligis la gason, li tial nomis ĝin brulema aero [17].

bruligi

1.

Konsumigi per fajro: bruligi lignon, paperon, herezulon, domon; post infekta malsano oni ofte bruligas la vestojn de la malsanulo [18]. cindrigi

2.

Brulvundi: ne estingu la fajron, kiu vin ne bruligas^PrV.

bruligaĵo

Substanco, uzata hejme aŭ industrie por produkti varmon aŭ peli motoron per bruligo: torfo estas spongeca substanco, samnatura kiel karbo, estiĝanta en marĉoj pro malkomponiĝo de vegetaĵoj, loke uzata kiel bruligaĵo [19]; generatoro nutrata per bruligaĵo [20]; depende de la kvanto de bruligaĵo necesa por ĝustigi ĉiun orbiton, la ĉefa misio de la sondilo ĉesos en 2008, post 74 orbitoj ĉirkaŭ Saturno [21]. brulgaso, karbo, nafto, petrolo, uranio

bruligebla

Povanta bruli: la tri sinjoroj en la ĉirkaŭaĵo serĉis bruligeblajn branĉetojn [22].

bruliĝema

Facile ekbrulanta: metano estas bruliĝema; kiam vegetaĵo ne plu povas ĉerpi akvon el la grundo [...] ĝi sekiĝas kaj iĝas pli bruliĝema [23].

brulilo

Parto de lumigilo aŭ varmigilo, el kiu eliĝas la flamo: malgranda gasbrulilo, uzata por varmigi en laboratorio [24].

^*brulumo

Inflamo: personoj, kiuj rigardis la eklipson sen speciala protekto ..., estas enhospitaligitaj kun pli malpli gravaj retinbrulumoj [25]; La infano havas brulumon de la spira kanalo, tiel nomatan bronkiton ^Marta.

albruli

Brulgluiĝi: la terpomoj albrulis en la kaserolo.

ĉirkaŭbruli

Bruli ĉe la ĉirkaŭo: miaj ostoj ĉirkaŭbrulis kiel en forno [26]; [ŝi] komencis kolekti kaj glatigi la ĉirkaŭbrulintajn foliojn [27].

ekbruligi

Ekflamigi ion: ekbruligi fajron, kandelon; mi ekbruligis fajron, kaj tuj estos al vi pli varme kaj pli lume ^Marta ; la pastroj ekbruligis la torĉojn [28]; oni ekbruligis la lumojn (vd eklumigi) [29]; oni ekbruligis la kristnaskan arbon (la kandelojn sur ĝi) [30].

bruldifekti

Difekti per fajro aŭ varmego: bruldifekto; [donu] bruldifekton pro bruldifekto, vundon pro vundo, kontuzon pro kontuzo [31]; la blovilo bruldifektiĝis [32].

brulimuna, brulrezista

Ne brulema, kapabla rezisti al brulo.

    Kontrastigi rilate al "flamingo".
    [MB]