¹specimen/o

Unu aŭ kelkaj provekzempleroj; eta kvanto da vendaĵoj aŭ konindaĵoj montrataj por veki scivolon, informi, reklami, ebligi takson, studon: mi permesas al mi adresi al vi […] kelkajn specimenojn de la vendobjektoj paperaj kaj kartonaj, kiujn mi havas ordinare en mia magazeno [1]; mielkuko[j…] kuŝis kiel specimenoj sur la tablo [2]; mi sendos al vi specimenojn de tieaj teksaĵoj [3]; li estus bonega specimeno de bonvivanto [4]; la edziĝo, kvankam nature ne vere kortuŝanta specimeno de „La Granda Pasio“, ŝajne kontentigis ambaŭ [5]; vi mem prezentis al ŝi hodiaŭ specimenon de via gusto kaj poezia talento [6]; Petro la Granda komencis kolektadi specimenojn de diversaj lingvoj sur la teritorio de la Rusa Imperio [7]; li forportis la sangospecimenon [8]; tiaj kolektoj pruvas kiel la kolektantoj de naturaj specimenoj stimulis la botanikon, kiu dum la renesanco apartigis sin de la medicino [9]. ekzemplo, ekzemplero, prototipo, provaĵo, tipo

Kolektitaj specimenoj de diversaj rilataj aĵoj kune konservataj por komparo, studo, ĝuo: eksterordinara specimenaro pri stiloj, dialogaj metodoj, ĝenraj teknikoj [10]; ĉie konataj estis liaj botanikaj ĝardenoj kaj naturaj specimenaroj [11]. kabineto^1.b, kolekto^2.a, muzeo²

Rim.: Por la statistike esplorita ono de populacio iuj uzas la neologismojn samplo resp. muestro.