^*sezon/o ^PV

1.

Parto de la jaro karakterizata per sia vetero, naturaj kondiĉoj, homaj okupoj: ĉiu sezono kun sia bono ^PrV .

a)

En mezvarmaj landoj ĉiu el la kvar partoj de jaro kun tipa temperaturo, nome printempo (varmiĝo), somero (varmo), aŭtuno (malvarmiĝo), vintro (malvarmo): komenciĝis la plej bela sezono por Egipto ― la vintro [1]; la kampoj aliigis siajn kolorojn laŭ la sezonoj, la garbujoj pleniĝis kaj malpleniĝis, [ĝis] l’ reveno de l’ vintro [2]; arbo maldormas en la daŭro de tri sezonoj, kaj nur en la komenco de la vintro ĝi endormiĝas [3].

b)

En tropikaj landoj ĉiu parto de jaro kun tipa sekeco, nome pluvsezono (malseka), seka sezono: kamplaborojn en Togolando influas du gravaj sesmonataj sezonoj: la pluva kaj la senpluva [4]; ne plaĉas la pluva sezono […] ĉie tro humidas, en domoj kreskas ŝimo kaj nepras zorgi pri manĝaĵoj [5]; la everestaj glaciejoj fakte havas la econ havigi akvon alvale dum la sekaj sezonoj [6]. musono

c)

Jarparto speciale taŭga por ia faro: kiam alproksimiĝis la sezono de fruktoj, li sendis siajn sklavojn [7]; la fiŝsezono proksimiĝis [8]; la unua kurso okazis en la vintra sezono en 1952-53 (vd semestro) [9]; igas nin bedaŭri, ke lia poezia sezono (fazo, periodo) daŭris tiel mallonge [10]; regule okazas tie diversaj kulturaj aranĝoj, dividitaj en pluraj periodoj, la sezono kutime komenciĝas en aprilo kaj daŭras ĝis la fino de septembro [11]; la rikolta sezono [12]; la festa sezono ^Sol ; miloj da turistoj vizitas Kornvalon dum la feria sezono [13]; ankoraŭ ne estas la libertempa sezono [14]; la ski-sezono [15]; por ĉio estas sezono (taŭga tempo) [16].

2.

Vico de filmoj laŭplane kaj regule publikigitaj kiel parto de serio: jen nova antaŭrigardo al la debuta epizodo el la kvina sezono de „Lost“ [17]; kun 10 sezonoj kaj 214 epizodoj, „Stargate SG-1“ estas la plej longa sciencfikcia televidserio [18].

1.

Periodo inter sezonoj^1.c: politika, teatra, turisma intersezono; intersezonaj tempoj, kiam la montro de lastsezonaj roboj estas tro malfrua kaj la tempo estas tro frua por tiuj de la venonta sezono [19]; mi vere ne ĝenus vin, sed altaj estas funkciadaj kostoj, la luprezo de la vendejo, krome estas intersezono... [20]. malsezono

2.

Supernocio por aŭtuno kaj printempo, periodo inter somero kaj vintro (kiujn oni rigardas „ĉefaj“ sezonoj^1.a): ni ankaŭ vidas, ke printempo kaj aŭtuno estas respektive intersezonoj (transiraj sezonoj) inter vintro kaj somero kaj somero kaj inter somero kaj vintro [21].

La malo de sezono^1.c, tempoperiodo malfavora por ia agado, ekz-e kiam ne okazas kultivado, turismo ks: Se oni ne faris tiajn mendojn dum la somero, certe neniu volos pentrigi sian domon dum la nuna malsezono [22]; Ne naĝu sur la Okcidenta marbordo (Andamana Maro) en la malalta sezono (malsezono; majo – novembro) [23].

malsezono en la morta sezono de agrikulturaj laboroj li ankoraŭ serĉis kromokupojn [24].

Sezono de abunda pluvado, karaktera de tropika klimato: en la somera pluvsezono, kiam kotiĝis la vojo, mi devis […] rajdi blankan, forkureman ĉevalon [25].

Parto de la jaro, kiam iuj bestoj seksardas kaj reproduktiĝas: dum la reprodukta sezono la tigroj kolektiĝas kaj unuiĝas [26].

Sezono de senpluveco, karaktera de tropika klimato: dum la seka sezono, eĉ je la naŭa matene, ŝvitas kaj la infanoj kaj la instruistoj [27]; la seka sezono estas tiu de malaltaj akvaroj, la riveroj malaltiĝas ĝis sia plej malgranda fluejo, el kie elmergiĝas sablaĵoj [28].

Sezono favora por turismo, ĝenerale mildavetera: meze en la turisma sezono [29]; la kongreso okazas dum la turisma sezono [30]. feritempo