^*somer/o ^UV

(ekster la tropika zono) Plej varma sezono de la jaro, inter printempo kaj aŭtuno: en somero ni veturas per diversaj veturiloj, kaj en vintro ni veturas per glitveturilo [1]; la rozoj en tiu somero floris eksterordinare bele [2]; la norda somero okazas samtempe kun la suda vintro; al tiuj, kiuj ferias dum norda somero, mi deziras tagojn pli agrablajn, ol havas homoj en Irako [3]; estis la tago de la sankta Johano, la mezo de la somero [4]; krutaj ravinoj kun sekaj restaĵoj de saloj […] aperas dum la marsa somero [5]; kiu kolektas dum la somero, tiu estas filo saĝa [6]; kio taŭgas por somero, ne taŭgas por vintro ^PrV . vintro

Rilata al somero: someraj fruktoj [7]; somera domo (vd somerdomo) [8]; varmeta somera nokto [9]; la tago de la somera tagnoktegaleco [10]; morgaŭ li komencos sian someran vojaĝon [11].

Dum somero: somere li administradis la malgrandan terposedaĵon [12]; estas ankoraŭ somere varme [13]; post la kunesto kun vi pasintsomere mi fariĝis ankoraŭ pli sola [14]; nenio estas tiel nekredeble jubila kiel somere [15]; venontsomere okazos aranĝo simila al la ĵus pasinta [16].

(ntr)

Ferii dum somero, en multaj landoj oportuna tempo por ripozo: somerumado ĉe la kroata marbordo [17]; mia kolego kaj lia familio iris somerumi kaj oni ne permesis, ke ili enportu hundon en la hotelon [18]; ĉe ni oni konas la enuon nur el malsukcesaj somerumoj, kiam la grandurba civitano „ripozigas“ siajn nervojn en malgranda, polva vilaĝaĉo [19].

Loko ŝatata por somera feriado, por somerumado: somerumejo por infanoj [20]; Esperanto-somerumejoj troviĝas en Primoŝten, Bela Palanka kaj Volparia [21]; la urbo Chengde de la provinco Hebei iam estis somerumejo, kien iris imperiestroj de la dinastio Qing (1616-1911) por eviti la varmegon de somero en Pekino [22].