^*prepar/i ^UV

(tr)

Plenumi la necesajn taskojn por pretigi ion aŭ iun: ĉevalo estas preparata por la tago de milito [1]; ni preparas el ĝi panon [2]; antaŭ ol semi, ili preparas la grundon kaj ĝin senherbigas [3]; kreis rekordon la pilotoj, kiuj unuafoje surterigis aviadilon ĉe la poluso sur nepreparita loko [4]; por kuracado estas sukcese aplikataj precipe preparaĵoj de antimono [5].

a)

Fari ĉion antaŭe necesan, por ke io efektiviĝu, realiĝu, estiĝu: ŝi prenis paston, knedis ĝin, preparis antaŭ liaj okuloj, kaj bakis la kuketojn [6]; preparu tablon, […] manĝu, trinku [7]; prepari ĉion saĝe [8]; ili rapidas al la murego kaj preparas defendon [9]; en sia koro li preparas malicon [10]; vi preparas vin, por doni al mi mensogan kaj sentaŭgan respondon [11]; li preparas sin al nova krimo [12]; la juĝisto sin preparis eliri [13]; la infanoj preparas siajn lecionojn ^DL ; prepari provajn ekzemplerojn de tiaj vortaroj ^FK .

b)

Fari ĉion necesan, por poste utiligi ion: li hakas por si cedrojn […], preparas al si provizon [14]; diversaj lerte preparitaj ŝmiraĵoj [15]; preĝon faru, sed farunon preparu ^PrV .

c)

Antaŭvidi, antaŭzorgi ion: mi estas preparita por la plej malbona ^FK .

Rim.: „Pretigi“ pli akcentas la celon, ke ĉio estu preta, dum „prepari“ pli akcentas la diversajn necesajn taskojn, kiujn oni devas plenumi.

Servanta por prepari: preparaj ekzercoj, kursoj, lernejoj; la spaco da tero […] estas tre fruktoporta, sed arbara kaj postulanta multe da prepara laborado [16]; ne ĉesas la prepara laborado ^Hamlet ?

(prepoziciaĵo)

Antaŭ³, anticipe al, ĉion pretigante por antaŭvidata okazo: la brusela diskuto okazis prepare al la aperigo en aŭtuno […] de „verda libro” [17]; prepare al planata translokiĝo, mi decidis raciigi mian arĥivon [18]; Dunkan eklevis sian pakaĵon de la trotuaro prepare al eniro en la aŭtobuson [19].

Antaŭaranĝo: ne valoras la faro la koston de l' preparo ^PrV ; li konstruu la konstruaĵon, por kiu mi faris la preparojn [20]; la preparoj por la enterigo […] estis finitaj [21]; okazis preparkonferenco de ĉiuj […] landaj eklezioj [22].

1.

Agado por prepari: preparado al la unua komunio, al ekzameno; mi havas sufiĉe da laboro en la preparado de mia ĉemizo [23]; li pensis nur pri la tempo de semado, pri plugiloj kaj preparado de kampoj [24]; preparado de nia […] kongreso [25].

2.

Posttagmeza tempoperiodo (proksimume de la 3a horo posttagmeze ĝis la la sunsubiro) dum kiu la judismanoj preparas ĉion necesan por sabato aŭ simila festo: estis la Preparado de la Pasko, ĉirkaŭ la sesa horo [26].

3.

La unua parto de la ortodoksa liturgio, dum kiu la substanco por la eŭĥaristio estas preparata.

Rim.: Tiu Preparado iom similas la okcidentan ofertorion², tamen ankaŭ grave de ĝi diferencas.

(ntr)

1.

Sin pretigi por io farota aŭ okazonta: leono prepariĝas al atako; ŝi prepariĝu al akcepto de la estiminda gasto [27]; ŝi prepariĝas iri supren al sia malgranda fratino [28]; mi volas nur diri kelkajn ĝeneralajn vortojn, por instigi vin, bone kaj senpartie prepariĝi por la venontaj diskutoj [29].

2.

Esti preparata: prepariĝas gravaj okazaĵoj; prepariĝas […] la nacia plado [30]; dolĉaĵo, kiu prepariĝas el biskvitoj aŭ pano metitaj en lakton [31].

Ne preparita, aranĝata en la momenta situacio: senprepara tradukado de teksto; deklami versaĵon ĵus senprepare verkitan [32]; amuzan aranĝon ŝi aldonis senprepare post la fino de la kanto [33]. ekstemporalo, improvizi