^*pel/i ^PV

(tr)

1.  ↝

Irigi rapide antaŭen, eksciti al rapida kurado aŭ simple al foriro: peli brutojn sur herbejon^B ; peli bovojn plue; li pelis min eksteren; kvin el vi pelos centon^Z ; peli siajn piedojn^Z (kiel eble plej rapide forkuri); la stratoj bolis per vivo kaj pelado^Z (sinpelado); kiu tro pelas, nur malakcelas ^PrV ; lacepeli, konsumpeli ĉevalon; (figure) la sorto pelis min en fremdlandon^Z ; (figure) ne la espero de ia komerca akiro pelis min al via bordo^Z ; la fluo pelas la boaton al la tero^Z ; (figure) malvarma pluvo pelata (forblovata) de la ventego; (figure) pelos ilin brueto de falanta folio^Z ; (figure) ŝi volis iri, kien ŝia kaprico ŝin pelos^Z ; (figure) peli tagojn sen afero de mateno al vespero ^PrV .

a)

Alkuri por atingi, persekuti: kaj vi kuros, kiam neniu pelos vin; plej juna katido musojn jam pelas ^PrV ; la sorto pelas (turmentas) lin kruele^Z ; pli efike ol bato pelas malsato ^PrV ; mortepeli cervon.

b)  ↝

Movi³, funkciigi, provizi per energio: [la maŝinon] antaŭenigas brilaj ŝtalaj kruroj nomataj piŝtoj; ĉi tiujn pelas la vaporo [1].

puŝi¹

2.  ↝

Alvenigi iun al iu stato aŭ ago; instigi: la pastroj pelas tiun amason de altranguloj, kien ili volas kaj kiam ili volas^B ; volupto ŝin pelis al la krimo^Z ; peli iun en malesperon; enpeli iun en teruron per bruado^Z .. puŝi².

3.

Intensigi ian senton ĝis ia punkto: peli ĝis ekstremo la malamon^Z ; peladi la singardemon tro malproksimen^Z .

Programo, peranta inter la operaciumo aŭ ĉefprogramo kaj disponaĵo (ekzemple klavaro); interalie ĝi traktas la interrompojn de la disponaĵo, envicigas la mendojn, tradukas la ordonojn en komandojn de la disponaĵo: plej grava farendaĵo post instalado de Linukso Minto estas esplori, ĉu peliloj por la aparataro haveblas [2].

Ĉashelpanto, kiu pelas bestojn al la kaptantoj: La arbaro de Hvidding enhavis pli ol tricent pelistojn, ĉar ili venis de Viskum kaj Fussingø kun ĉiuj siaj ĉashundoj [3].

(tr)

Peli ĉiuflanken: kiam venis la dek-kvara nokto, kaj ni estis ĉirkaŭpelataj en la Adria maro, la maristoj eksentis ĉirkaŭ noktomezo, ke ili alproksimiĝas al ia lando [4]; (figure) ni jam ne estu infanoj, onde ĵetataj kaj ĉirkaŭpelataj de ĉiu vento de doktrino [5].

(tr)

Disigi pelante: dispeli la muŝojn; kantu por dispeli mian ĉagrenon^B .

Rapide disiri: dispeliĝas fumo [6].

(tr)

Elirigi pelante: estis tia vetero, ke oni eĉ hundon ne elpelus^Z ; elpeli iun el la mondo de la vivuloj ^PrV ; la elpelitoj (ekzilitoj); (figure) Malsaĝeco forte sidas en la koro de knabo; Sed vergo punanta ĝin elpelas el ĝi [7].

Gardisto de drinkejo aŭ amuzejo, kiu okaze de bezono elpelas malbonkondutajn klientojn: [li] la karieron komencis kiel elpelisto en mondfamaj amuzejoj [8].

(tr)

Forigi pelante; igi malaperi: forpeli la muŝojn; forpelu blasfemulon^Z ; la suno forpelas la ombrojn; prunto amikon forpelas ^PrV ; la faktoj forpelis la belan iluzion.

Malfacile, pene, malglate, ne bonorde: vivi iele-trapele ^PrV ; ĉio okazis kaj plue okazadas iele-trapele, hazarde kaj senplane, laŭ momentaj emoj kaj kapricoj [9].

Iaspeca vipo aŭ ventumilo, per kiu oni forpelas muŝojn: la du aliaj, per bovvostaj muŝpeliloj, ĉasadis la muŝojn [10].

Peli malantaŭen, retroirigi, malakcepti: ili estis el ... nedetruebla plasta materialo kiu repelas preskaŭ ĉiun alian substancon [11].

Rapide iri, sub premo, en hasto.