^*kaĉ/o ^UV

1.

Manĝaĵo simila al mola pasto, farita precipe el faruno miksita kun likvaĵo aŭ el legomoj longe kuiritaj kaj duonfluecigitaj per akvo: kaĉo da fazeoloj, terpomoj; fratino kuiris kaĉon el akvo kaj sekalfaruno kaj ni manĝis [1]; funto da tritiko estas sufiĉa, […] ni preparas el ĝi panon, kukon kaj kaĉon [2]; venis la Kristnaska kaĉo kun granda peco da butero [3]; [ili] manĝis prunojn en blua amela kaĉo [4]; poriĝo estas kaĉo el aveno [5]; la stomako enhavas […] kaĉon ankoraŭ ne tute digestitan, eble el salikokoj, porka viando kaj rizo [6]; virina rezonado, sinjoro! […] kutiminte dozi la kaĉon, ili ĉie vidas kaĉerojn [7]; tro da kuiristoj kaĉon difektas (malbona rezulto pro tro multaj kunlaborintoj) ^PrV . buljono, griaĵo, kompoto, supo

2.

(figure) Io konfuza, ĥaosa, senorda miksaĵo, en kiu oni ne plu vidas la strukturon de la konsistigaj partoj; ĝena situacio rezultanta el konfuzo aŭ miskompreno: virino hastis respondi, per sia tro densa kaĉo de provincismoj [8]; ĉu estas kaĉo en via kapo [9]? mi ne emas al iu kaĉo kun la polico aŭ la konsuloj [10]; do, mi diris al mi: „jen vi sidas en la kaĉo! ĉi tie vi mortos sur ĉi tiu malbenita insulo“ [11]; ni devis tiri ilin el la kaĉo kaj perdis nian monon [12]; tiu ĉi kaĉo da problemoj, mankoj kaj absurdaĵoj fine kondukis al pereo de la ŝtatkapitalisma Sovetio [13]; (frazaĵo) kiu kaĉon kuiris, tiu ĝin manĝu (oni responsu pri siaj faroj) ^PrV ; el faraĉo fariĝis kaĉo ^PrV . ĥaoso ²

3.

(figure) Io simila al kaĉo: kota, sanga kaĉo; [jen] kaĉo pro malseka neĝo [14]; al mi donu la plezuregon, ke mi faru el li kaĉon [15]! ŝlimo

Dispremi je kaĉo: ĉi tiu kuirilo kuiras ĝuste, ĝi ne […] kaĉigas la manĝon aŭ detruas la vitaminojn [16]; mi preferas fritadon de la maco, kiun mi poste kaĉigos [17]; [tia kamparano] nur de tempo al tempo enĵetus kelkajn pajlotigojn kaj ne aŭ nur malofte elprenus la malnovan kaĉigitan pajlon [18].

Kaĉo el maizfaruno: foje okazis, ke el la maizkaĉo restis ero sur la tablo, kaj tiom da muŝoj flugis sur ĝin, ke ili estus povintaj manĝi la tutan maizkaĉon [19].

Teksto fuŝita sekve de apliko de alia malkodilo ol tiu, kiun celis la enkodanto: foliumilo aplikanta la kodon Latina-1ª al la mesaĝo „Eĥoŝanĝo ĉiuĵaŭde“ kodita en la Latina-3ª, surekranigos la signokaĉon „E¶oþanøo æiu¼aýde“.