gru/o

^*gruo

1.: Migra birdo kun longaj, maldikaj kruroj, kolo kaj beko, simbolo de longviveco en Orientazio; genro el familio gruedoj kaj el la ordo gruformaj (Grus): turto, hirundo, kaj gruo observas la tempon, kiam ili devas veni [1]; la cignoj flugas en oblikva direkto, la gruoj triangule [2]; etendinte la kolon, kiel gruo [li] flustris mistere ^QuV; ŝi decidis iri labori en tre fora naturrezervejo, por prizorgi la ruĝvertajn gruojn ^Kon11; gruo manĝas fiŝojn kaj vivas en marĉo [3].

du gruoj (Grus carunculata), Nacia Parko Moremi, Botsvano
CC BY-SA 2.0 [4]
2.: Levmaŝino konsistanta ĝenerale el oblikva brako, kies supra parto portas pulion; oni levas ŝarĝon per ŝnurego aŭ ĉeno suriranta tiun pulion kaj tirata per malsupra vinĉo: ĉirkaŭ ĉiuj ĉi insuloj krakis gruoj kun siteloj [5]; [la] ĝirafoj […] similas arganojn, aŭ longajn levilegojn super putoj en rusaj vilaĝoj, nomatajn tie gruoj ^Metrop; oni povis vidi malnovajn marajn ŝipojn sur la kanalo aŭ historian havenan gruon ^Kon11; kolosa svelta pikilo, el brila korod-imuna ŝtalo kaj nomita „The Spike“ […] per la plej alta gruo en Irlando estis alfiksita [6]. argano, takelo

1. trad. L. L. Zamenhof: La Malnova Testamento, Jeremia 8:7
2. H. C. Andersen, trad. L. L. Zamenhof: Fabeloj, vol. 4, Filino de la marĉa reĝo
3. Ĉina Radio Internacia: Vivo de Li Binsheng..., 2010-03-05
4. Fiver Löcker from Wellington, New Zealand, Moremi - 14: https://commons.wikimedia.org/wiki/File:Grus_carunculata_Moremi.jpg
5. B. Prus, trad. Kazimierz Bein: La Faraono, vol. 1, ĉap. 14
6. Garbhan MacAoidh: Pinte!, Monato, 2003/12, p. 16

: Sud-hemisfera stelfiguro (Grus): NGC 7117 estas galaksio en konstelacio Gruo [8].

7. D. Galadí-Enríquez, A. Wandel: La kosmo kaj ni. Galaksioj, planedoj kaj vivo en la universo, 2005
8. Vikipedio, NGC 7117

: Ordo el la klaso birdoj (Gruiformes): la Aŭstralia otido […] estas granda surtera birdo de […] ordo gruformaj [9].

9. Vikipedio, Aŭstralia otido