^*freŝ/a ^UV

Ne malnova, ĵusa: freŝa modo; freŝdata informo; li eltrovis kun nemalgranda kontenteco tute freŝdatajn skribaĵojn […], kiujn li fervore kaj rapide tralegis [1]; havigi al si la plej freŝajn novaĵojn [2]; ili fosis en la freŝajn tombojn kaj elprenis la viandon de la mortintoj [3]; [kaptita] ĉe l' freŝa faro ^PrV ; ĉu vi ricevis freŝaĵojn (freŝajn sciigojn) pri li?

a)

Pro ĵuseco bonkvalita, bonstata, vigla: mi havas pli freŝan panon, ol vi [4]; freŝa viando, ovo; ĉiujn pordojn malfermadis [ili…] por enlasadi freŝan aeron en la ĉambron [5]; la aero estis trankvila kaj freŝa kaj nenia venteto movis la maron [6]; spirite oni estas plej freŝa matene kaj plej malfreŝa en la frua posttagmezo [7]; grajnaĵo el freŝaj grajnoj [8]; puto kun freŝa akvo [9]; freŝa mielo [10]; freŝa verdaĵo [11]; la freŝa muska supraĵo de la tero estas tre mola sub ili [12]; mi estas oleita per freŝa oleo [13]; lia korpo fariĝas denove freŝa, kiel en la juneco [14]; ni laboru kun freŝa energio por nia komuna afero ^TkI ! vespero lacigas, mateno freŝigas ^PrV ; ĵus mi vidis la sunon, tiel freŝruĝan, tiel belegan, kian mi neniam vidis antaŭe [15]. bonodora

b)

Nedifektita de malĵuseco, de eluziteco: rostitaj grajnoj kaj freŝaj (krudaj) grajnoj [16]; vinberojn freŝajn aŭ sekigitajn li ne devas manĝi [17]; homo ankoraŭ freŝa malgraŭ longa vojaĝo; ili floras ankoraŭ en la maljuneco, estas sukplenaj kaj freŝaj [18]; oni ligos min per sep freŝaj ne sekiĝintaj ŝnuroj [19]; freŝa vesto; ĉiam freŝa estas la memoro pri lia morto; freŝa entuziasmo.

1.

Ĵuse: freŝe falinta neĝo [20].

2.

En freŝa stato: ĉiuj floroj staris freŝe kaj bele en la varma lumo de la suno [21].

Stato de io aŭ iu freŝa: Moseo havis la aĝon de cent dudek jaroj […] kaj ne malaperis lia freŝeco [22]; ŝi estis plena de freŝeco kaj ĉarmo ^IK ; [li] rigardis la tutan floran belecon kaj freŝecon en la ĝardeno [23].

1.

Tute ne freŝa: tiu ĉi malfreŝa pano estas malmola, kiel ŝtono [24]; ilia tuta pano estis malfreŝa kaj ŝimiĝinta [25]; malfreŝa akvo [26]; gasto kiel fiŝo baldaŭ fariĝas malfreŝa ^PrV . arkaika, kaduka, malnova, mucida¹, putra, velka

2.

(figure) Tro konata, eksmoda, mucida²: malfreŝa ŝerco! [27].

Fari ion denove freŝa: fliki kaj refreŝigi vestojn ^B ; refreŝigu min per pomsuko [28]; ili refreŝigis mian spiriton [29]. refreŝigi la kolorojn de pentraĵo, la aeron en la ĉambro, la memoron pri farita promeso; sin refreŝigi (sin meti en bonan, freŝan staton); refreŝiga spirita bano.

Refreŝiga trinkaĵo: sur la ondanta akvo ni prenos iom da refreŝigaĵo [30]; post la unua refreŝigaĵo ni pretigos nin [31].

Loko, kie oni povas refreŝigi sin: ili disponas pri publikaj sportsalonoj kaj arbaraj refreŝigejoj [32]; Toplico […] estas kuracbanejo kaj refreŝigejo [33]. parko, ripozejo¹

(ntr)

Iĝi denove freŝa, bonstata: refreŝiĝo de la vizaĝo [34]; Julio […] permesis al li iri al siaj amikoj kaj refreŝiĝi [35].