¹format/o

1.

La dimensioj de io, precipe de dokumento aŭ ties prezenta prezenta rimedo.

a)

Dimensioj de libro aŭ bildo laŭ alteco kaj larĝeco: duonfolia formato, kvaronfolia, okonfolia (kies tipa paperfoliego estas faldita laŭ du, kvar aŭ ok folioj); granda dika libro, kies folioj konsistis el griza papero en plej granda formato [1]; lenso […] grandigis la bildon al la dezirata formato [2]; paperaj folioj, havanta[j] la formaton de ordinara letera papero [3]; formato iom sub A4 [4]; la formato de la skanita dokumento kutime ne egalas al la formato de la skanilo [5]; [ili] ne povis trovi filmojn taŭgajn por la maŝinoj, diable! la filmoj havis specialan formaton [6]!

b)

La dimensioj de alia, precipe rektangula, afero: ĝis la mezo de la 19a jarcento ĉiu urbo aŭ monaĥejo preferis alian formaton por brikoj [7]; tekokomputilo […] en faciluza formato [8]; la formato de la ekranoj daŭre pligrandiĝas [9]; Intel difinis novan kartetan formaton kaj konektilon [10]; ĉu viŝtuko de tia formato kaj tia kvalito utilas al vi [11]? mi avide kolektas ilin, elefantojn de ĉiuj formatoj kaj koloroj [12]. grando, proporcio

c)

(figure) (pri eminentulo) Alta nivelo, kompetento, karaktero: Abraham Lincoln, […] kiu, kvankam certe ne povas esti konsiderata kiel oratoro de monda formato, tamen faris kelkajn tre bonajn paroladojn [13]. staturo³

2.

Ŝabloneca aranĝo de informoj konforme al iu konvencio.

a)

Aranĝo laŭ kiu estas produktita serio de samspecaj elsendoj: la produktistoj devis spici la formaton: steluletoj, nur kvazaŭ famaj, aŭ politikistoj, kiuj farus eĉ ion pli teruran por levi sian popularecon, aperis por kelkaj horoj en la domo por diskuti kun la loĝantoj [14]. ĝenro

b)

^KompLeks Aranĝo de tekstero, dokumento aŭ datumoj konforme al iu aparta konvencio: la reviviĝanta revuo […] aperos ne nur papere sed ankaŭ en komputila formato [15]; [li] priskribas malfacilaĵojn, kiujn devas atenti la tradukisto: ekzemple, la formaton de datoj kaj nombroj [16]; formato multpaĝa TIFF [17]; vi povas jam nun sendi viajn filmojn en VHS-formato [18]; mendi la revuon en unu el la elektronikaj formatoj oportuna por ili: HTML, simpla teksto aŭ PDF [19]. fasono, kodo, ŝablono²

Rim.: En la komputila fako la termino „skemo“ estas limigita al la logika, abstrakta, aranĝo de informoj (ekz-e de objektspecoj kaj ties eblaj atributoj kaj rilatoj), dum por la fizika aranĝo de datumoj en dosiero aŭ sur datumportilo oni preferas la terminon „formato“.

formo, skemo