9kod/o PV

9kodo

1.
SCI Sistemo da signoj aŭ signaloj por prezenti mesaĝojn aŭ ordonojn: MAR internacia marista signalkodo; krei specon de kodo, kiun nur ili ambaŭ povis kompreni [1]; BIO en 1998 estis deĉifrita la gena kodo de tuberkulozaj mikobakterioj [2]; QR-kodo estas du-dimensia kodo origine uzata en la japana aŭtomobilindustrio [3]; KOMP sepbita kodo; [li] klarigas, kio estas signokodoj, Askio, kodpaĝoj […] kaj donas praktikajn konsilojn, kiel uzi Unikodon [4]. SUB:alfabeto, ĉifro, signaro
2.
Grupo da signoj, identiganta ion laŭ iu kodo1: komizoj portos porteblajn skanilojn por legi strikodon, kiuj poste interŝanĝos informojn kun la poŝtelefono de la butikumanto pere de sekura kodo [5]; International Standard Book Number ISBN-kodo de libro; ESP UEA-kodo de samideano; serurkodo; enmeti rajtigan kodon, kiun oni ricevas per karto antaŭe aĉetita [6]; iom post iom la subskribon anstataŭas persona kodo [7]; el la plurcentoj da artefaritaj planlingvoj nur kvin havas duliteran kodon en la internacia ISO-normaro [8]. VD:marko, numero, signaturo
3.
KOMP Programo en maŝina lingvo: libere havebla fontkodo [...] eble malpli frape interesas neprogramistajn uzantojn [9].
HOM:kodo (kodekso)
Rim.: La vorto „kodo“ estas uzata kaj por la koda sistemo, kaj por la kodita mesaĝo aŭ programo, kaj por apartaj elementoj de la koda sistemo („la kodo de litero“ ktp); iam tio estas ĝena, kaj imitante la anglan iuj diras „kodigo“ por la kodosistemo; tio estas evitinda, ĉar laŭ la gramatiko „kodigo“ havas alian sencon (la ago igi iun aŭ ion kodi).
1. Monato, Garvan Makaj': Komunikaĵo de Ikaro, 2015
2. Monato, Vladimir Lemelev: Danĝera malamiko revenas, 2011
3. Monato, QR-kodo, 2012
4. Monato, Anna kaj Mati Pentus: Lingvo, Interreto kaj ... alio, 2008
5. Monato, Lenio Marobin: Monujoj, adiaŭ!, 2013
6. Monato, Alberto García Fumero: Vifio - ankoraŭ defio, 2015
7. Monato, Roland Rotsaert: SEPA: la fina fazo de la enkonduko de eŭro, 2006
8. Monato, Carlo Minnaja: Interlingvo: komparo inter du solvoj, 2010
9. Monato, Franck Arnaud: Mikrosofto ektimas Linukson, 2004
angle:
code, encryption
beloruse:
код, кадоўка
ĉine:
2. 加密 [jiāmì] 3. 代码 [dàimǎ]
france:
1. code, alphabet, codage, encodage internacia marista signal~o: code international de signaux. gena ~o: code génétique. 2. code, identifiant International Standard Book Number ISBN-~o: code ISBN. 3. code
germane:
1. System, Alphabet, Kode, Code 2. Kennung, Geheimtext, Kode, Code 3. Text, Kode, Code
hispane:
1. código, alfabeto , codificación internacia marista signal~o: código internacional de señales marítimas. gena ~o: código genético. 2. código, identificación International Standard Book Number ISBN-~o: código ISBN. serur~o: clave. 3. código fuente
hungare:
internacia marista signal~o: nemzetközi jelkódex. gena ~o: genetikai kód. International Standard Book Number ISBN-~o: ISBN-kód. serur~o: zárkód.
japane:
法典 [ほうてん], 符号 [ふごう], 暗号 [あんごう], コード
katalune:
1. codi (sistema de signes) gena ~o: codi genètic. 2. codi International Standard Book Number ISBN-~o: codi ISBN. 3. codi (programa)
nederlande:
1. code gena ~o: genetische code. 2. code International Standard Book Number ISBN-~o: ISBN-code. serur~o: cijfercode, lettercode. 3. code
pole:
1. kod, kodowanie internacia marista signal~o: kod sygnałowy. gena ~o: kod genetyczny. 2. kod, identyfikator, numer 3. kod programu
portugale:
código
ruse:
1. код, кодировка 2. код 3. код
ukraine:
кодекс

9kodi PIV1

(tr)
Prezenti per kodo1: kodita mesaĝo; askie kodita ĉeno; niaj genoj, koditaj per blokoj da DNA […] sin trovas ene de ĉiu ĉelo de nia korpo [10]; oni volas disponigi kaj skanaĵon, bitbildon de la presita paĝo, kiu estas fidinda kopio de la originalo, kaj tekston konsistantan el koditaj signoj, kiu taŭgas almenaŭ por serĉado, eĉ se ĝi enhavas multajn erarojn [11]. SUB:ĉifri
10. Monato, Jorge Montanari: Telomero: ĉu rimedo kontraŭ kancero?, 2013
11. Monato, Paŭl Peeraerts: Parto 1: Survoje al iu libro-normo, 2010
angle:
code, encode, encrypt
beloruse:
кадаваць, шыфраваць
ĉine:
編碼 [biānmǎ]
france:
coder, encoder
germane:
kodieren, verschlüsseln
hispane:
codificar
hungare:
kódol
japane:
符号化する [ふごうかする], エンコードする, 暗号化する [あんごうかする]
katalune:
codificar, xifrar
nederlande:
coderen
pole:
kodować, zakodowywać
ruse:
кодировать

kodado

SCI La ago kodi: Verkante retpaĝon, uzu tiun eblecon por kontroli la rezultojn de via kodado [12]; Por kodado de Esperanto-literoj estas tri eblecoj: askiigo (estas disponebla por ĉiuj, sed nekontentiga); Latina-3 (estas bona provizora solvo …); Unikodo estos la perfekta solvo … [13];
12. John Wells: Hiperteksto kaj la Tut-Tera Teksaĵo, Internacia Kongresa Universitato 1997, Adelajdo
13. Josef Vojáček: Komputiloj, Interreto, edukado, Esperanto, KAEST-1998. Terminologiaj problemoj de aplikoj de Esperanto en scienco kaj tekniko.
france:
codage, encodage
hispane:
codificación
hungare:
kódolás
katalune:
cofificación (acció)
ruse:
кодирование

9kodaĵo

SCI Grupo da signoj, prezentanta koditan informon: En serĉesprimoj vi povas uzi diversajn specialajn kodaĵojn [14].
14. Tekstaro de Esperanto (Instrukcio)
angle:
code, encoded message
beloruse:
код
germane:
Code (Text), codierter Text
japane:
コード, 符号 [ふごう]
katalune:
codi, símbol
pole:
zakodowana wiadomość
ruse:
код

kodero

SCIPIV2
En kodo1, ĉeno da signoj el kodanta alfabeto (ekz-e punktoj kaj strekoj en Morsa kodo, bitoj en komputilo) prezentanta signon el kodata alfabeto (ekz-e literon, signon interpunkcian ktp): dum jaroj kodoj kun nur 256 koderoj — do koderoj de 0 ĝis 255 — estis kutimaj [15]; la Morsa kodo baziĝas sur la anglaj literoftecoj, pro tio la plej mallongdaŭra kodero — unusola punkto — estas uzata por la ege ofta litero E [16]. SUB:signonumero
Rim.: „Kodero“ estas iom misgvida, ĉar la sufikso -er kutime indikas la plej simplan, atoman komponenton. Tial rilate al la Morsa kodo ĝi devus esti punkto aŭ streko, kaj rilate al komputiloj, biton 0 aŭ 1; dum fakte temas pri kombino da tiaj eroj: 'A' = ".-" = '1000001'. [Sergio Pokrovskij]
15. PEJNO Simono: Sidiĝu kaj tajpu!Monato
16. Vikipedio, Literofteco
angle:
code element, code point
beloruse:
элемэнт коду, кадон
ĉeĥe:
jednotlivý znak kódu
france:
élément de code, mot-code, codet
germane:
Zeichen, Codepoint
hispane:
elemento de código
hungare:
kódelem, kódszó
katalune:
punt de codi
nederlande:
codewoord
pole:
element kodu
ruse:
кодовая комбинация, кодон
slovake:
jednotlivý znak kódu
ukraine:
частина коду, кодон, триплет

kodigi

1.
Igi iun aŭ ion kodi (informojn, korespondadon ktp).
2.
(evitinde) =kodi „Enigmo“ estas portebla elektromeĥanika maŝino uzata por kodigi kaj malkodigi (t.e. „por kodi kaj malkodi“) la informon MD17 ; kodigi (t.e. kodi, esprimi, prezenti) pensmanierojn en Esperanto estas multe pli facile ol en etnaj lingvoj: La fonetika klareco de Esperanto estas granda avantaĝo [17].
Rim.: Ne konfuzu ĉi tiun vorton kun ĝia jura homonimo kodigi (leĝojn), sinonimo de kodeksigi.
17. Monato, Marko Naoki Lins: Bruselo-Babelo: lingvo-kulturo en Eŭropa Unio, 2003
angle:
2. codify
beloruse:
кадыфікаваць, прадстаўляць у выглядзе коду
ĉeĥe:
1. nechat zakódovat
france:
2. codifier
germane:
2. kodifizieren
hispane:
2. cifrar, codificar
hungare:
2. törvénybe foglal, kodifikál
japane:
法典にまとめる [ほうてんにまとめる], 電信符号にする [でんしんふごうにする]
katalune:
codificar
nederlande:
2. codificeren
pole:
2. kodyfikować
ruse:
1. заставить кодировать
slovake:
kodifikovať
ukraine:
кодифікувати, кодувати

9malkodi PIV1

(tr)
Analizi koditaĵon por ĝin kompreni aŭ malĉifri: sciencistoj de la universitato de Vieno malkodis la „sekretan lingvon” de elefantoj [18].
18. Monato, Evgeni Georgiev: Elefanta komunikado malkodita, 2013
angle:
decode, decipher, decrypt
beloruse:
раскадоўваць
ĉine:
解讀 [jiědú], 破譯 [pòyì], 解码 [jiěmǎ]
france:
décoder
germane:
entkodieren, entschlüsseln
hispane:
descifrar
hungare:
dekódol, kódot megfejt
japane:
複号する [ふくごうする], デコードする, 解読する [かいどくする]
katalune:
descodificar, desxifrar
nederlande:
decoderen
pole:
odkodowywać, rozkodowywać
ruse:
раскодировать, декодировать
ukraine:
розкодовувати, розшифровувати

kodoprezento

KOMPKompLeks
Maniero plukodi datumon, koditan per iu kodo, uzante alian kodon, konvenan por datumtransmeto aŭ alia celo. Rezulte la datumo estas kodita per kompono de kodoj: por transmeti aŭ konservi tekstojn koditajn en Unikodo oni plej ofte uzas la kodoprezenton UTF-8; jen kiel aspektas „Eĥoŝanĝo ĉiuĵaŭde“ en la 64-uma kodoprezento: RcSlb8WdYW7EnW8gxIlpdcS1YcWtZGU= [19]; la egalsigna askiigo estas do per-askia kodoprezento de 8-bitaj kodoj [20].
Rim.: Oni nepre ne diru „kodigo“ tiusence, ĉar tia naiva paŭsado de la angla termino ne donas la bezonatan sencon en Esperanto...
19. Vikipedio, MIME
20. Vikipedio, Egalsigna askiigo
angle:
encoding
beloruse:
кадоўка
ĉeĥe:
zakódování
france:
forme de codage, encodage
germane:
Kodierung, Kodrepräsentation
hispane:
codificación
hungare:
kódolás
katalune:
codificació de caràcters
nederlande:
codering
pole:
reprezentacja kodowa, kodowanie
ruse:
кодировка
slovake:
zakódovanie

kodrompisto

KOMP Iu, kiu misuzas malfortaĵojn de komputila kodo, por ŝteli informojn, monon, damaĝi enhavon de komputiloj, aparatojn k.s.: aresto de rusa kodrompisto suspektata pri komputilaj atakoj kontraŭ usonaj retejoj [21].
21. Vikipedio, Oktobro de 2016
angle:
codebreaker, hacker cracker
beloruse:
узломшчык коду
ĉine:
黑客 [hēikè], 駭客 [hàikè]
france:
cracker, hacker, pirate
germane:
Kodebrecher, Codebrecher, Hacker, Cracker
hispane:
cracker, hacker, pirata
hungare:
kódfeltörő, cracker, krekker, számítógépes kalóz
japane:
クラッカー
katalune:
pirata (informàtic), hacker
nederlande:
kraker
pole:
haker
ruse:
взломщик (компьютерный)

fontokodo, fontkodo

KOMP Baza kodo3 de programo, en programlingvo legebla de homo: la datumoj kaj la fontokodo ofte ne estas malfermitaj por esti analizataj sub lupeo [22]. SIN:fontprogramo
22. F. Gobbo: AI necesigis interpretadon al Esperanto, libera folio, 2025-03-18
beloruse:
зыходны код, зыходная праграма
france:
code source, programme source
germane:
Quellcode
katalune:
codi font

morsa kodo, morskodo

TEL Kodo, en kiu la signoj estas prezentataj per diversaj kaj diverslongaj kombinaĵoj de nur du bazaj signoj, ekz-e punkto kaj streko, longa kaj mallonga ekbriloj ks.: la informo atingis Aŭstralion telegrafe per la morsa kodo el Britio [23]. VD:Morso
23. Monato, Henry Broadbent: La unua pafo okazis en Aŭstralio, 2014
angle:
morse code
beloruse:
азбука Морзэ, марзянка
ĉine:
摩斯密码 [Mósīmìmǎ], 摩斯电码 [Mósīdiànmǎ], 摩尔斯电码 [Móěrsīdiànmǎ], 莫尔斯电码 [Mòěrsīdiànmǎ], 摩斯电码 [mósīdiànmǎ]
france:
code Morse, morse
germane:
Morsecode
hispane:
código morse
hungare:
morzeábécé
japane:
モールス符号 [モールスふごう]
katalune:
codi Morse
nederlande:
morsealfabet
pole:
alfabet Morse'a
ruse:
азбука Морзе, морзянка

poŝtkodo, poŝtokodo

POSX Literoj aŭ ciferoj sisteme aranĝitaj por indiki sur poŝtaĵoj la adresan areon: oni tute ŝanĝis la sistemon de poŝtkodoj en germanujo je la 1a de ĉi tiu monato [24].
24. G. W. Partlow: Germanaj poŝtkodoj, soc.culture.esperanto, 1993-07-19
angle:
postal code, zip code
beloruse:
паштовы індэкс
ĉine:
邮政编码 [yóuzhèngbiānmǎ], 邮编 [yóubiān], 邮递区号 [yóudìqūhào]
france:
code postal
germane:
Postleitzahl, PLZ
hispane:
código postal
hungare:
(postai) irányítószám
katalune:
codi postal
nederlande:
postcode
pole:
kod pocztowy
ruse:
почтовый индекс
svede:
postkod

signokodo

TEL Kodo1 uzata por kodi la signojn2 de iu signaro: en la plej simpla okazo ĉiu signo de signokodo havas numeron inter 0 kaj 255, kaj oni prezentas ĉiun signon per unu bitoko, kiu havas ĝuste tiun valoron [25].
25. Bertilo Wennergren: Signokodoj
angle:
character encoding, coded character set
france:
codage des caractères, jeu de caractères codés
germane:
Zeichenkodierung
ruse:
код, кодировка

strikodo PIV2 , strekkodo KompLeks

TEK Kodo kodanta skribsignojn per paralelaj strekoj (strioj) pli aŭ malpli dikaj, diverse interspacigataj, legebla per kamerao kaj aparatoj: ... strikodoj presitaj sur ĉiu varo vendita en la butikoj [26]; strekkodoj reduktas homan eraron dum enigo aŭ registrado de informoj, kun eraroprocento de proksimume 1 el 3 milionoj, kaj ebligas realtempan informan aliron kaj aŭtomatigitan datumkolektadon [27].
26. -: semajnfino en Aylesford, EAB Update, 2008-01 ĝis 03
27. Strekkodteknologio kaj ĝia evoluhistorio
angle:
barcode
beloruse:
штрых-код
ĉeĥe:
čárkový kód
ĉine:
条形码 [tiáoxíngmǎ], 条码 [tiáomǎ]
france:
code-barre
germane:
Strichcode, Barcode
hispane:
código de barras
hungare:
vonalkód
katalune:
codi de barres
nederlande:
streepjescode
pole:
kod paskowy
ruse:
штрихкод
slovake:
čiarový kód
ukraine:
штрихкод (на етикетках товарів і т.п.)

telefonkodo

TEL Telefona antaŭkodo por indiki la telefonan reton de certa lando aŭ urbo: telefona landokodo estas telefona antaŭkodo por indiki la telefonan reton de certa lando, tiuj kodoj kutime komenciĝas per du nuloj („00“), en pluraj telefonoj nun eblas uzi specialan signon por tiuj du nuloj — pluson („+“) ‐ kiu esence estas tute la sama [28].
28. Vikipedio, Telefona landokodo
angle:
calling code
beloruse:
тэлефонны код
bulgare:
код
germane:
Vorwahl
hispane:
prefijo
katalune:
codi telefònic
nederlande:
kengetal
pole:
numer kierunkowy
ruse:
телефонный код

administraj notoj

pri ~ero: 
    KompLeks vastigas la biologian terminon "kodono" (SPIV) por ĝin uzi ĉi-sence.
    [MB]
pri ~oprezento: 
    Mi ne komprenas, kial la difino aludas al "plukodado": oni ja foje
    bezonas plukodi (kodi koditajxon), sed oni por tio tutsimple uzas
    duan kodon. La eventuala distingo inter "kodoprezento" kaj "kodo 1",
    same kiel inter la anglaj "code" kaj "encoding" (se oni ekskluzivas
    ties agan sencon: kodado), estas tre malgranda: la unua aludas al la
    maniero kodi, dum la dua prezentas la sistemon, laux kiu oni kodas...
    Sxajnas al mi, ke oni povus diri "kodo"
    preskaux cxie, aux "kodadmaniero", se ial necesus emfazi la nuancon.
    [MB]
    PS: "Kompono" en la difino ne estas difinita. Por cxi tiu matematika
    senco REVO uzas "kunligo". "Transmeti" kaj "transmeto" ekzistas en
    KompLeks, sed ne en REVO.