^*flos/o

1.

Kunaĵo, aro da arbaj trunkoj ĵetitaj en riveron, por ke la fluo ilin transportu: ni hakos lignon de Lebanon, kiom vi bezonas, kaj ni sendos ĝin al vi per flosoj sur la maro ĝis Jafo [1]; mi laboris sur grandaj […] flosoj, sur kiuj ni mem ĉarpentis iaspecan kabaneton ^KKr .

2.

Similspeca trabaro, konstruita por transporti homojn aŭ diversajn materialojn: ŝipetoj […] diskuradis en ĉiujn direktojn por tralasi grandegan floson, kiu portis el Supra Egipto malsupren grandegajn ŝtonojn [2]; de Teboj veturis al la maro multenombraj flosoj kun la tritiko [3]; supren malsupren […] balancis sin malbona netaŭga floso kun kvar, kvin malfeliĉuloj, kiuj senĉese dronadis en [la] akvamasoj por en la sekvanta momento denove elnaĝi ^VojaĝImp ; ĉar en la ŝipo troviĝis kelke da ekstraj velstangoj, tri aŭ kvar grandaj traboj el ligno, kaj unu ekstra masto aŭ du, mi komencis fari floson ^Rob .

1.

(tr)
Transporti arbotrunkojn kiel floso: mi plenumos vian tutan deziron pri la arboj cedraj […] mi flosos ilin sur la maro ĝis la loko, pri kiu vi sciigos al mi [5].

2.

(ntr)
Resti surface de fluaĵo pro malpezeco en maniero de floso, sekvante la fluon: galeroj […] flosis ĉe la sabla bordo ^DKM ; bajdaro (kajako de aleutoj) flosas sur la maro, sen veloj, sen remiloj, sen ia direktilo ^Ĉukĉoj ; oni trovis la remboaton renversita, sed ĝi flosis surmare ^VRA ; li surdorse […] flosas sur la maro ^Rsp ; tia moderna kargoŝipo verdire ne plu estas ŝipo, ĝi estas flosanta maŝino ^MortulŜip ; (figure) konsiderinte […] la situacion, en kiu ŝi sin trovis […], ŝi ne volis lasi la aferojn flosi laŭflue ^Iŝtar . droni², mergiĝidrivi¹, flui, naĝi, ŝvebi.

3.

(figure) Ŝvebi, glisi: la falombrelo […] malvolviĝas, flugŝvebas belege en la aero kaj flosas (glisas) milde al la tero ^KrM ; sur la alia flanko de la golfo […] levas sin la urbodomo, […] la malhelruĝa domego kvazaŭ kviete flosas sur la matenbrila akvo ^ViV ; inter la okulgloboj kaj la fermitaj palpebroj flosis brunaj makuloj kun fajre verda bordero ^MkM .

1.

Flosi¹: ni segis la arbojn kaj flosigis ilin malsupren sur la rivero [6]; flosigado estis en Karintio grava transportmaniero inter 1200 kaj 1940 [7].

2.

Fari ke io flosu², meti en flosan staton: ambaŭ knabojn la servistoj metis en korbon, kiun flosigis en superbordiĝinta Tibero kaj raportis al la reĝo plenumon de la tasko [8].

1.

Perflosa transportado: la flosado laŭ Tara estas turisma allogaĵo [9]; tiuj, kiuj partoprenos en la flosado, venu la 7-an de aŭgusto matene [10]; post 70-kilometra surrivera flosado, li volis atingi la kreolan vilaĝon [11].

2.

Stato de tio, kio flosas: pro la buntaj koloroj kaj gracia flosado de balono, multaj grandaj entreprenoj prenis balonon kiel sian propagandilon [12].

Tiu, kiu kondukas floson: ofte sur floso staris kabano kun forno, kvar aŭ kvin flosistoj stiris [13]; la arbohakisto intense kunlaboris ĝis en la komenco de la 20-a jarcento kun la […] flosisto kaj karbigisto [14].

Objekto aŭ ilo, kiu flosas, servanta por montri nivelon aŭ rapidecon de fluo, aŭ por subteni ion en akvo: flanka flosilo de kanuo; fiŝo kaptis la hokon de Anne, la flosilo sinkis en la akvon, kaj Anne levis perkon aeren [15]; flugil-flosilo kaj benzinujo el la franca flugboato de Amundsen […] estis trovitaj ĉe la marbordo [16]; boato: tia flosilo, kia estas kutime pelata per maŝino ^MortulŜip ; la fizalio, alinomata de la britoj „portugala militŝipo“, posedas flosilon plenan je gaso, kiu elstaras el la marsurfaco [17]. buo, pontonoareometro, naĝilo, naĝoveziko, stabiligilo

Nivelo, ĝis kiu enakviĝas ŝipo: la fiŝista skuno […] estis 33 metrojn longa, 7,6 m larĝa kaj 3,4 m profunda sub la floslinio [18].