tradukoj: be bg cs de en es fr hu nl pl pt ru sk

^*tavol/o ^PV

^*tavolo  ↝

1.  ↝

Maldika etenditaĵo da iu substanco sur io alia: dika tavolo da fojno, da neĝo, da nuboj; maldika tavolo da akvo, da butero; (figure) glacia tavolo da antaŭjuĝoj kontraŭstaris al ni^Z. sternaĵo, sedimento, tapiŝo, tego.

2.  ↝

Parto de la socio konsiderata kompare kun pli superaj kaj pli malsuperaj partoj: la diversaj tavoloj de la socio; la registaro subpremas la laborulajn tavolojn. klaso^1.a.

tavoligi

Aranĝi, dividi laŭ tavoloj.

globtavolo  ↝

Parto de sfero ^1.b, situanta inter du paralelaj ebenoj, sekcantaj la sferon. sferdisko.
Rim.: Kiam unu el la ebenoj tanĝas la sferon, oni ricevas segmenton (de sfero). Tial globtavolo en iuj naciaj lingvoj nomiĝas „dubaza sfera segmento“.

tertavolo  ↝

Horizontala tavolo da tero; speciale tia strio kun unuecaj aspekto, konsisto kaj deveno, stratumo: estis frapiloj, splitoj kaj ŝtonkernoj ... en tertavolo, kiu certe formiĝis antaŭ la lasta glacia epoko [1].

subtavolo

1.

Suba, malsupra tavolo: gazeto servis kiel subtavolo por tapeto [2]

2.  ↝

(figure) Antaŭa bazo de io postveninta: la plej influa subtavola lingvo estas kutime la lingvo parolata kun la samklasanoj kaj kunludantoj dum la jaroj lernejaj [3]. substrato