tradukoj: ca cs de en es fr hu it nl pl ru sk

2segment/o PV

segmento

1.  
MAT Iu parto de geometria figuro.
a)  
(de linio) Parto de ĝi, entenata inter du ĝiaj punktoj: segmento de hiperbolo; la du punktojn, limantajn segmenton, oni nomas ĝiaj randoj.
Rim.: La vorto „inter“ en la difino supozigas, ke oni difinis iun ordon, ekz-e la manieron trairi la linion, sed la segmento mem ne dependas de ĝi.
b)  
[1] (de rekto) =streko.
c)  
[2] (de cirklo 2) Parto de ĝi, entenata inter segmento 1.a de ĝia rando kaj la responda ŝnuro.
Rim.: Eble pro la eventuala konfuzo kun arko ĉi-sence troviĝas „diskosegmento“ en MatVort.
d)  
[3] (de sfero 1.b) Ĉiu el ĝiaj partoj situantaj ambaŭflanke de ĝin sekcanta ebeno. SUP:globtavolo.
Rim.: Ĉi-sence aperas ankaŭ „globsegmento“ en MatVort.
2.  
MAT Fermita reela intervalo.
3.  
Nete aparta parto de tuto, komparebla kun aliaj.
a)
ZOO Iu el la sinsekvaj, inter si tre similaj korpopartoj de diversaj artikuloj, ringovermoj kaj ceteraj: la artropoda korpoformo konsistas el segmentoj, kiuj havas po paron de membroj [4].
b)
POL En sociologio, demografio, merkatiko, subparto de studata homgrupo distingita laŭ geografia, aĝa, profesia aŭ alia karakterizo: oni dividas merkaton en segmentoj [5].
c)
BELE Seninterrompa, apartigita parto de parolado, de teksto: skriba segmento [6].

segmenti

(tr)
Dividi en segmentojn: ni povas la kontinuan kampon de koloroj en Esperanto segmenti tiel ĉi: UV - viola - blua - verda - flava - oranĝa - ruĝa - IR [7].

tradukoj

anglaj

~o a: segment (of a curve); ~o b: line segment; ~o c: circular segment; ~o d: spherical segment; ~o 2.: closed interval, segment.

ĉeĥaj

~o: rozdělení, rozčlenění, segment, úsek, část.

francaj

~o a: segment (de courbe); ~o b: segment de droite; ~o c: segment (de cercle); ~o d: segment (sphérique); ~o 2.: intervalle fermé, segment; ~o a: segment (biol.); ~o: segment; ~i: segmenter.

germanaj

~o a: Kurvenstück; ~o b: Strecke; ~o c: Kreisabschnitt; ~o d: Kugelabschnitt; ~o 2.: abgeschlossenes Intervall, Segment.

hispanaj

~o a: segmento; ~o b: segmento de recta; ~o 2.: intervalo cerrado.

hungaraj

~o a: szakasz (görbéé); ~o b: szakasz (egyenesé); ~o c: körszelet; ~o d: gömbszelet; ~o 2.: zárt intervallum.

italaj

~o a: segmento; ~o b: segmento; ~o c: segmento circolare; ~o d: segmento sferico; ~o 2.: segmento (intervallo).

katalunaj

~o a: segment.

nederlandaj

~o: segment.

polaj

~o a: odcinek (krzywej); ~o b: odcinek; ~o c: odcinek; ~o d: odcinek kulisty, odcinek kuli; ~o 2.: przedział domkniętny.

rusaj

~o a: кусок (кривой); ~o b: отрезок; ~o c: круговой сегмент; ~o d: шаровой сегмент; ~o 2.: замкнутый интервал, отрезок; ~o: сегмент.

slovakaj

~o: rozdelenie, rozčlenenie, segment, časť.

fontoj

1. Raoul Bricard: Matematika Terminaro kaj Krestomatio, p. 22
2. Raoul Bricard: Matematika Terminaro kaj Krestomatio, p. 28
3. Jan Werner: Matematika Vortaro, Esperanta-Ĉeĥa-Germana, 3065
4. Vikipedio, artropodoj, 2017-06-25
5. D. Keefe: La subfakoj de merkatiko, aplikataj al la Esperanto-movadoj, La Ondo de Esperanto, 2014:4-7
6. P. Dasgupta: Loĝi en homaj lingvoj: la substancisma perspektivo, 2011
7. J. Werner: Terminologiaj konsideroj, 2003


administraj notoj

pri ~o a:
        Fonto trovenda. [MB]
      
pri ~o 2.:
      Fonto trovenda. [MB]
    

ℛevo | datumprotekto | segmen.xml | redakti... | traduki... | artikolversio: 1.27 2018/02/14 16:10:17