tradukoj: be bg cs de en es fr hu nl pt ru sk tr vo

^*sci/i ^PV

^*scii

1.

Koni certe kaj precize: mi scias, ke vi estas honesta; ŝi sciis, ke ŝi mem kantus pli bele^Z; mi ne sciis, kion fari^Z, kiel min savi, kiun el la ambaŭ elekti^Z; ŝi ne scias, kien ŝi iras^Z; vi ne scias, ĉu ne estos malfeliĉo^Z; poloj, kiuj ne scias alian lingvon krom sia propra [1]; se la lernanto scius bone sian lecionon [2]... neniu scias ĉion^Z; ne scii la detalojn de la regularo; neniu scias lian tombon^B (kie estas lia tombo); la venĝo ne devas scii (havi) limojn^Z; (frazaĵo) kiom mi scias (laŭ tio, kion mi scias) ^Z.

2.

scipovi scii naĝi^B; scii ludi ŝakojn; sciu (estu kapabla) elokventi, sciu ankaŭ silenti ^PrV; vi sciis bone ekspluati mian situacion^Z.

scio

1.

sciado scio de kelkaj ĝeneralaj principoj povas anstataŭi la scion de multaj faktoj; tio fariĝis sen mia scio ; laŭ mia scio .

2.

sciaĵo akiri multajn sciojn^Z; plimultigi sian scion^Z; via buŝo tenu scion^Z.

sciado

Stato de tiu, kiu scias: sciado pri higieno estas ĉiam utila; nesciado de leĝo neniun pravigas ^PrV.

sciaĵo

Tio, kion oni scias, informo, fakto...: nia nuna komunismo (...) estas bazita sur scienca fundamento, ekipita per ĉiuflankaj teoriaj kaj praktikaj sciaĵoj [3]; simile vi devas akcepti ke sciaĵoj ne nur ŝuldas sian sciiĝon al la Bono, sed ankaŭ siajn ekziston kaj realecon [4].

sciero

Elemento de sci, nekompleta scio; informero: legita Korano alportas scierojn, dum recitata Korano komunikas sian sekreton [5].

^*sciigi

Igi, ke iu sciu pri io: mi sciigas, ke de nun la ŝuldoj de mia filo ne estos pagataj de mi [6]; sciigu Johanon pri tio [7]; paĝio ... sciigis al li la komploton [8]; oni sciigis al la princo, ke malsupre atendas liaj infanoj [9].

sciigo

Tio, kion oni sciigas: hodiaŭ mi ricevis bonan sciigon; la sciigo pri mobilizado disportiĝis kiel fulmotondro. avizo, informo, novaĵo

sciiĝi

Ekscii, ricevi scion pri...: la Reĝo, almetinte la okulvitrojn, ĉirkaŭrigardis por sciiĝi kiu parolas [10].

antaŭscii

Anticipe scii: ĉi tion antaŭsciante, gardu vin, por ke vi ne forlogiĝu per la eraro de la pekuloj [11]; la nomarĥo kun ĝemo sin ĵetis sur la plankon, kaj antaŭsciigis Mefreson, ke li estas grave malsana [12]; la unua parto [de la historio] povus resti nerakontita, ‐ ĝi tamen donos al ni antaŭsciigojn, kaj tiaj ĉiam estas utilaj [13].

ĉioscia

Kiu scias ĉion, aŭ tia ŝajnas pro tre vasta kompreno: homo ne povus esti tiel saĝa kaj ĉioscia [14].

ekscii

1.

Ricevi aŭ akiri informon, iĝi scianta ion: ekscii la veron; ekscii pri ies intrigoj; ekscii gravan novaĵon; kaj ili eksciis, ke la kesto de la Eternulo venis en la tendaron [15]; kiam David eksciis, ke Saul intencas malbonon kontraŭ li, li diris al la pastro Ebjatar: Donu la efodon [16].

2.

Per sperto aŭ travivaĵo bone, ĝisfunde kompreni: sed kiam mi dediĉis mian koron, por ekkoni la saĝecon kaj ekkoni la malsaĝecon kaj sensencecon, mi eksciis, ke ankaŭ ĉi tio estas ventaĵo [17].

multescia

Havanta multajn sciojn vaste pri diversaj temoj aŭ profunde pri unu temo: Valdemaro Doe estis malhumila kaj fiera, sed ankaŭ multescia kaj sperta [18].

malscio

Plena senscio: ili tre miris pro nia malscio [19].

scipovi

Kapabli fari ion danke al akiritaj scioj kaj praktika ekzercado: scipovi la hispanan lingvon; la kvinjara Ludoviko jam scipovis legi kaj skribi ruse [20]; ili scipovis konservi sufiĉe liberan komunuman aranĝon^Z.

scivola

Tre deziranta scii: la mastro ... scivola sekvis lin senbrue [21].

scivolo, scivoleco

Deziro sciiĝi: la enketjuĝisto, male, rigardis min kun scivolo [22].

povoscii

scipovi li povosciis naĝi [23]; povoscii paroli jude^Z, povoscii ludi harpon^Z; fari bonon ili ne povoscias^Z; ili ne hontas, eĉ ne povoscias ruĝiĝi^Z; povoscii pretigi vinberan saŭcon^Z; oni devas povoscii porti kaj gardi sian personan dignon^Z.