tradukoj: bg cs de en es fr hu id it nl pl pt ru sk tr

*sankt/a

*sankta  

1.
REL Respekteginda pro speciala religia karaktero: la Sankta Skribo; faru sanktajn vestojn por via frato Aaron [1]; observu la sabaton ĉar ĝi estas sankta por vi [2]; prenu la sanktan oleon kaj […] sanktoleu la altaron [3]; sanktolei reĝon [4]; en la sepa tago faru al vi sanktan kunvenon, nenia laboro estu farata en tiuj tagoj [5]; la Sankta Kruco Marta ; sankta devo Ifigenio ; katenoj sanktaj, tamen sklavaj Ifigenio ; rompi sian sanktan promeson Hamlet ; KAT POL la sankta seĝo, trono, katedro (papa registaro); latino estas ankoraŭ la oficiala lingvo de la Sankta Seĝo [6].
a)
KRI Epiteto de sanktulo aŭ sanktulino: sankta Petro [7]; sankta Johano PrV ; la Sankta Virgulino FK ; la monaĥejo de la Sankta Stefano FK .
b)  
KRI La epiteto de la tagoj de la Sankta Semajno: Sankta Ĵaŭdo; Sankta Vendredo; kaj ili venas ĉiujn fastajn tagojn ĝis la Sankta Sabato, kiu estas la tago antaŭ Pasko [8].sankta
2.
(figure) Kvazaŭreligie soleninda; plej respekteginda: amiko de la sankta ideo DL ; sub la sankta signo de l' espero, kolektiĝas pacaj batalantoj [9]; ho sankta Kabe, helpu [10]! sankta estas por ni la hodiaŭa tago [11]; en via buŝo la sankta vorto „amo“ malpuriĝas [12]; ho patriotismo, kiam fine via sankta nomo ĉesos esti armilo en la manoj de malhonestuloj [13]? la celo sanktigas la rimedojn.

sanktega

Eminente, eksterordinare sankta: inter la sanktaj libroj de la judoj, la plej sanktega estas la Torao [14]; laŭdon kaj gloron al Vi, Sanktega Triunuo, unika kaj supera Dio! [15]; En Esperanto li (Johano Paŭlo la Dua) diras: „... Sanktega Maria akompanu Vin!“ [16].

sanktigi  

(tr)
Fari sankta: per ĉi tiu tuko, kiu estas sanktigita, mi forpelos malproksimen de vi la malbonajn spiritojn [17]; Moseo malsupreniris de la monto al la popolo kaj sanktigis la popolon, kaj ili lavis siajn vestojn [18]; kiu malsanktigos la sabaton, tiu mortu [19]. VD:konsekri, malprofanigi, beni, bapti

*sanktejo  

REL Loko aŭ domo de kulto: kvardek ses jarojn ĉi tiu sanktejo estis konstruata [20]. tabernaklo estis pretigita: la unua, en kiu estis la kandelabro kaj la t ablo kaj la panoj de propono; ĝi estas nomata la Sanktejo [21]; ne permesu al viaj soldatoj sakrilegi la sanktejojn kaj ataki la pastrojn [22]; purigita kaj incensita, li iris en malgrandan kapelon, forŝiris de la pordo la argilan sigelon kaj eniris sola en la sanktejon, kie sur ebura lito ripozis la mirakla statuo de la dio Oziriso [23]; (figure) en la riĉan magazenon eniris virino ‐ en tiun sanktejon de riĉeco ŝi enŝoviĝis kiel fantomo Marta ; sur ilia standardo estas pentrita la kruco, kiu estas same la insigno de dio Kecalkoatl kaj staras skulptite el ŝtono en la sanktejo en Ĉolula [24]; Uluru, rokego en la centro de la kontinento kaj sanktejo por aborigena kulturo [25]; por la nepalanoj la religio estas parto de la ĉiutaga vivo: etaj sanktejoj estas en ĉiu strato kaj vilaĝo [26]. SUB:plejsanktejo, templo, preĝejo, kapelo, altaro

sanktulo  

REL En diversaj religioj (kristanismo, islamo), mita aŭ historia persono al kiu la kredantoj atribuas piecon, favoron de dio(j) kaj rolon de peranto inter dio(j) kaj la homoj: se Dio ne volas, sanktulo ne helpos PrV; KRI loke honorata sanktulo (en la antikva eklezio kaj en ortodoksismo: persono kies publikan honoradon en sia episkopujo sankciis episkopo); li rememoris, kiel la sankta Elisabeto, kiam ŝi vivis ankoraŭ sur la tero, ŝi, la sanktulino de lia hejmo kaj de lia infaneco, la nobla dukino de Turingio, la alte eminenta sinjorino, mem iradis en la plej malriĉajn lokojn, kaj alportadis al la malsanuloj konsolon kaj refreŝigon [27]; festo de ĉiuj sanktuloj (vd Haloveno).

sanktuligi  

KRI Agnoski iun sanktulo (ago de eklezio): la papo Siksto la 5-a konsideris la monaĥon kiel martiron kaj pripensis sanktuligi lin [28]. VD:enkanonigi

malsankta  

Religie malbona, malutila, malpia, diabla: la leĝo ekzistas ne por justulo, sed por homoj senleĝaj kaj malobeemaj, malpiaj kaj pekemaj, malsanktaj kaj profanaj [29]; sciu, ke la dogmaro, kiun vi deklaras, estas dogmaro de la malsankta spirito [30].

kolonosanktulo  

REL Asketo kiu konstante vivas sur la supro de kolona konstruaĵo: Ramajun estas nia plej fama kolonosanktulo [31].

plejsanktejo  

BIB Plej sankta loko ene de preĝejo, templo, kiu ofte estas malpermesita por aliro de publiko; aparte la plej sankta parto de la jerusalema templo: la kurteno faru por vi apartigon inter la sanktejo kaj la plejsanktejo [32]; li aranĝis ĉe la muro de la domo galeriojn ĉirkaŭ la muroj de la domo, ĉirkaŭ la templo kaj la plejsanktejo [33]; la tuta spaco sur la supro de la monto ĉirkaŭe estas plejsanktejo [34]; la plejsanktejon li aranĝis en la domo por tio, ke oni starigu tie la keston de interligo de la Eternulo [35].

Sankta Semajno  

KRI La semajno kiu komenciĝas de la Palma Dimanĉo kaj antaŭas la kristanan Paskon: la Sankta Semajno en Sevilo estas katolika festo kiu rememoras, per gravaj artaj skulptaĵoj, ĉefe en strata eksposicio, la pasio kaj morto de Jesuo Kristo [36]; post la karnavalo, la katolika eklezio festas karesmon, kiu estas kvardek-taga periodo de spirita preparo por la Sankta Semajno [37].

tradukoj

anglaj

~a: sacred; ~ejo: sanctuary; S~a Semajno: Holy Week. S~a Ĵaŭdo: Maundy Thursday; S~a Vendredo: Good Friday.

bulgaraj

~a: свети.

ĉeĥaj

~a: posvátný, svatý; ~igi: posvětit (něco| někoho); ~ejo: chrám, svatyně; ~ulo: světec; ~uligi: kanonizovat; plej~ejo: nejsvětější místo chrámu.

francaj

~a: saint (adj.); ~ega: très saint; ~igi: sanctifier; ~ejo: sanctuaire; ~ulo: saint (subst.); ~uligi: canoniser; mal~a: impie; kolono~ulo: stylite; plej~ejo: saint des saints; S~a Semajno: semaine sainte.

germanaj

~a: heilig; ~ega: allerheiligst; ~igi: heiligen; ~ejo: Heiligtum; ~ulo: Heiliger, Heilige; ~uligi: heilig sprechen; mal~a: unheilig, ketzerisch, heidnisch, profan; kolono~ulo: Säulenheiliger; plej~ejo: Allerheiligstes; S~a Semajno: Karwoche. ~a seĝo: Heiliger Stuhl; S~a Ĵaŭdo: Gründonnerstag; S~a Vendredo: Karfreitag.

hispanaj

~a: santo, santa; ~ega: santísimo, santísima; ~igi: santificar; ~ejo: santuario; ~ulo: santo (persona); ~uligi: santificar (a una persona); mal~a: impío, diabólico; kolono~ulo: estilita; plej~ejo: Sanctasantórum (lugar más sagrado del Templo de Jerusalén), Santo de los Santos (lugar más sagrado del Templo de Jerusalén); S~a Semajno: Semana Santa.

hungaraj

~a: szent; ~igi: megszentel; ~uligi: szentté avat; S~a Semajno: nagyhét. S~a Skribo: Szentírás; ~a seĝo: Szentszék; S~a Ĵaŭdo: nagycsütörtök; S~a Vendredo: nagypéntek; S~a Sabato: nagyszombat.

indoneziaj

~a: kudus, sakral, suci; ~ega: mahasuci; ~igi: [suci] menyucikan; ~ulo: santa, santo.

italaj

~a: santo (agg.); ~ega: santissimo; ~igi: santificare (rendere santo); ~ejo: santuario; ~ulo: santo (sost.); ~uligi: canonizzare; plej~ejo: sancta santorum; S~a Semajno: Settimana Santa. S~a Ĵaŭdo: Giovedì Santo; S~a Vendredo: Venerdì Santo.

nederlandaj

~a: heilig; ~ega: allerheiligst; ~igi: heiligen; ~ejo: heiligdom; ~ulo: heilige; ~uligi: heilig verklaren; plej~ejo: allerheiligste; S~a Semajno: Goede Week. ~a seĝo: Heilige Stoel; S~a Ĵaŭdo: Witte Donderdag; S~a Vendredo: Goede Vrijdag; S~a Sabato: paaszaterdag.

polaj

~a: święty; ~ega: przenajświętszy; ~igi: święcić, uświęcać; ~ejo: świątynia, sanktuarium; ~ulo: święty; S~a Semajno: Wielki Tydzień. S~a Skribo: Pismo Święte; ~a seĝo: Tron Piotrowy; S~a Ĵaŭdo: Wielki Czwartek; S~a Vendredo: Wielki Piątek; S~a Sabato: Wielka Sobota.

portugalaj

~a: santo, são, sagrado, sacro.

rusaj

~a a: святой; ~a b: великий, страстной; ~a 1.: священный, святой; ~a 2.: священный, святой; ~ega: пресвятой ; ~igi: освятить; ~ejo: святилище ; ~ulo: святой (в знач. сущ.); ~uligi: причислить к лику святых; plej~ejo: святая святых ; S~a Semajno: страстная неделя, великая седмица. S~a Skribo: священное писание ; ~a seĝo: святой престол; S~a Ĵaŭdo: великий четверг, чистый четверг; S~a Vendredo: великий пяток, страстная пятница; S~a Sabato: великая суббота, страстная суббота; loke honorata ~ulo: местночтимый святой .

slovakaj

~a: posvätný; ~igi: posväcovať, zasvätiť; ~ejo: chrám, svätyňa; ~ulo: svätec; ~uligi: kanonizovať, vyhlásiť za svätého; plej~ejo: najsvätejšie miesto v chráme.

turkaj

~ulo: aziz, veli.

fontoj

1. trad. L. L. Zamenhof: La Malnova Testamento, Eliro 28:2
2. trad. L. L. Zamenhof: La Malnova Testamento, Eliro 31:14
3. trad. L. L. Zamenhof: La Malnova Testamento, Eliro 40:9
4. trad. L. L. Zamenhof: La Malnova Testamento, Juĝistoj 9:8
5. trad. L. L. Zamenhof: La Malnova Testamento, Eliro 12:16
6. Monato, Garbhan Macaoidh: La angla, ĉu troja ĉevalo?
7. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Kamarado Gaja
8. M. Polo, trad. D. Moirand: La libro de la mirindaĵoj, 2001
9. L. L. Zamenhof: La Espero
10. Raymond Schwartz: La Stranga Butiko
11. L. L. Zamenhof: Paroloj, Parolado antaŭ la Unua Kongreso Esperantista en Boulogne sur Mer en la 5a de aŭgusto 1905
12. L. L. Zamenhof: Paroloj, Parolado en la Guildhall (Londono) en la 21a de aŭgusto 1907
13. L. L. Zamenhof: Paroloj, Parolado en la Guildhall (Londono) en la 21a de aŭgusto 1907
14. Monato, La influo de la hebrea lingvo sur Esperanto
15. -: Dio benu, 2000:10, N-ro 4:40
16. La papoj kaj Esperanto, Paĝoj en Esperanto por la Esperantistaj Katolikaj Geskoltoj
17. B. Prus, trad. Kazimierz Bein: La Faraono, vol. 1, ĉap. 12
18. trad. L. L. Zamenhof: La Malnova Testamento, Eliro 19:14
19. trad. L. L. Zamenhof: La Malnova Testamento, Eliro 31:14
20. La Nova Testamento, S. Johano 2:20.
21. La Nova Testamento, Hebreoj 9:2
22. B. Prus, trad. Kazimierz Bein: La Faraono, vol. 3, Ĉapitro XV
23. B. Prus, trad. Kazimierz Bein: La Faraono, vol. 2, Ĉapitro XXIII
24. Sándor Szathmári: Satiraj rakontoj, la guarbo
25. Monato, Ralph Harry: Paŝoj al amikeco
26. Monato, Vera Barandovská-frank: Nepalo tra eŭropaj okuloj
27. H. C. Andersen, trad. L. L. Zamenhof: Fabeloj, vol. 3, Nokta ĉapo de fraŭlo
28. Vikipedio, Jacques Clément
29. La Nova Testamento, I. timoteo 1:9
30. A. Kivi, trad. I. Ekström: Sep fratoj, 1947
31. Hevesi L., trad. Vizi L.: La aventuroj de Andreo Jelky, [2010]
32. trad. L. L. Zamenhof: La Malnova Testamento, Eliro 26:33
33. trad. L. L. Zamenhof: La Malnova Testamento, I. Reĝoj 6:5
34. trad. L. L. Zamenhof: La Malnova Testamento, Jeĥezkel 43:12
35. trad. L. L. Zamenhof: La Malnova Testamento, I. Reĝoj 6:19.
36. Vikipedio, Sankta Semajno en Sevilo
37. Vikipedio, Karesmo

~ega: Mankas verkindiko en fonto.
~uligi: Mankas dua fontindiko.
kolono~ulo: Mankas dua fontindiko.


ℛevo | datumprotekto | sankt.xml | redakti... | traduki... | artikolversio: 1.43 2018/07/24 10:10:13