tradukoj: br cs de en es fr hu nl pl pt ru sk sv

*bapt/i PV

*bapti  

(tr)
1.  
KRI Rite purigi iun en akvo, precipe en kristanismo, ligante lin al religia kredo aŭ spirita gvidanto, ofte donante al li apartan nomon: kiel Johano baptis per akvo, vi baptiĝos per la Sankta Spirito [1]; baptiĝu ĉiu el vi en la nomo de Jesuo Kristo por forigo de pekoj, kaj vi ricevos la donacon de la Sankta Spirito [2]; ili baptiĝis en la nomon de la Sinjoro Jesuo [3]; ĉiuj, kiuj baptiĝis al Jesuo Kristo, baptiĝis al lia morto [4]; la infano estas baptita Kristane [5]; ĉiuj baptitoj ja estas ligitaj al Kristo, sed ŝajne ne ĉiuj al la eklezio [6]; la paro estis baptita Romeo kaj Julieta [7]. SUP:sakramento
2.  
(figure) Doni nomon al iu aŭ io: bapti ŝipon, sonorilegon; pro ties nigraj muroj la turkoj baptis ĝin „Janik Kala“, brulinta urbo [8]. SUP:inaŭguri

bapto  

Religia aŭ civila ceremonio per kiu oni baptas: venis Johano, kiu ... predikis la bapton de pento por la pardonado de pekoj [9].

*baptano [10]  

Baptopatro rilate al la baptopatrino aŭ al la gepatroj de baptato: jen kion li skribas: „kara amiko, baptano kaj bonfaranto!“ [11].

baptanino  

Baptopatrino rilate al la baptopatro aŭ al la gepatroj de baptato: denunci lin pro tio, ke li geedzigis vendiston Mikelon kun lia baptanino (ĉe la ortodoksaj kristanoj geedziĝo inter gebaptanoj estas malpermesita) [12].

baptato

Tiu, kiu ricevas la bapton: la akvon de malgrandaj baptujoj oni uzas por verŝi akvon sur la kapon de de la baptato [en] baptujoj pli grandaj, foje nomataj baptobasenojn, [...] oni tute subakvigas la baptaton [13].

baptismo  

KRI Doktrino kaj praktiko de baptistoj2; anabaptisma branĉo de protestantismo estiĝinta en la 17a jarcento, emfazanta la aŭtoritaton de la Biblio, la individuan fidon, la memstarecon de lokaj komunumoj: baptismo estas la plej granda nekatolika kristana grupo en Usono, kaj havas milionojn da adeptoj alilande tra la mondo [14].

baptismano  

Baptisto2: iuj ĉikanas pri la aserto, ke baptismanoj estas Protestantoj [15].

baptisto

1.
KRI Religiulo, kiu praktikas baptadon: li diris: Johano, la Baptisto, leviĝis el la mortintoj [16].
2.  
KRI Ano de baptismo: se ili estas sendiuloj, ili ne trafos paradizon, — diris la baptisto firmvoĉe, — ili pereos [17].

baptujo  

KRI Ujo entenanta baptakvon:: la akvon de malgrandaj baptujoj oni uzas por verŝi akvon sur la kapon de de la baptato [en] baptujoj pli grandaj, foje nomataj baptobasenojn, [...] oni tute subakvigas la baptaton [18]; la baptujo portas reliefon de bapto de Kristo el la duono de 19-a jarcento [19]; tomboŝtonoj, baptujo kaj renesancaj brakseĝoj [20].

Rim.: En iu verko troviĝas ankaŭ la vorto „baptingo“: estis en la ĉambro neniu, krom la akuŝistino kiu en[-]verŝis akvon en la baptingo[n] [21].

Baptisto

NOM Vira antaŭnomo: Baptisto la Ruĝa, angla mestizo kaj renegato, baris lian vojon [22].

*baptofilo

La baptito rilate al la baptopatro aŭ baptopatrino: Georg Philipp Telemann [... post sia morto] anstataŭigis lia baptofilo Carl Philipp Emanuel Bach [23]; (figure) la vera baptofilo de Ĝuangzio ne estis tia popola taoismo, sed zenismo [24].

*baptopatro  

Tiu viro, kiu prezentas infanon por bapto, donante al ĝi ĝian antaŭnomon: episkopo de Varmio kaj la baptopatro de Koperniko [25]; Jonas Mekas, litovdevena usona film­kreanto, artisto ofte nomata „baptopatro de usona avangarda kino“ [26].

baptopatrino  

Tiu virino, kiu prezentas infanon por bapto, donante al ĝi ĝian antaŭnomon: (figure) Klara Zilbernik, la edzino de Z, estis kvazaŭ baptopatrino al ties verko, helpante ĝian publikigon kaj poste fidele kaj nelaciĝeme zorgante pri ĝia prospero [27]; ŝi estis ankaŭ baptopatrino de Teréz Brunszvik, portanta la saman virinan nomon, Tereza kiel ŝi [28].

tradukoj

anglaj

~i: baptize; ~o: baptism; ~ofilo: godson; ~opatro: godfather; ~opatrino: godmother.

bretonaj

~i: badeziñ; ~o: badez, badeziant; ~ujo : maen-badez, maen-font; ~ofilo: filhor; ~opatro: paeron; ~opatrino: maeronez.

ĉeĥaj

~i: křtít; ~o: křest; ~ano : kmotr; ~anino: kmotra; ~ato: křtěnec; ~ismo: baptizmus; ~isto: baptista; B~isto: baptista; ~ofilo: kmotřenec; ~opatro: kmotr; ~opatrino: kmotra.

francaj

~i: baptiser, dénommer ; ~o: baptême; ~ano : compère (au baptême); ~anino: commère (au baptême); ~ato: baptisé; ~ismo: baptisme; ~ismano: baptiste (subst.); ~isto: baptiste (subst.); ~ujo : fonts baptismaux; B~isto: Baptiste (prénom); ~ofilo: filleul; ~opatro: parrain; ~opatrino: marraine.

germanaj

~i: taufen; ~o: Taufe; ~ato: Täufling; ~ujo : Taufstein, Taufbecken; ~ofilo: Patenkind; ~opatro: Taufpate; ~opatrino: Taufmutter.

hispanaj

~i: bautizar; ~o: bautizo; ~ofilo: ahijado; ~opatro: padrino; ~opatrino: madrina.

hungaraj

~i 1.: keresztel; ~i 2.: felszentel , nevet ad; ~o: keresztelő, keresztelés; ~ato: keresztelendő; ~ujo : keresztelőmedence; ~ofilo: keresztfiú; ~opatro: keresztapa; ~opatrino: keresztanya.

nederlandaj

~i: dopen; ~o: doopsel; ~ato: dopeling; ~ujo : doopvont, doopbekken, vont; ~ofilo: petekind; ~opatro: peter, peetvader; ~opatrino: meter, peetmoeder.

polaj

~i 1.: chrzcić, ochrzcić; ~i 2.: chrzcić, ochrzcić; ~o: chrzest; ~ano : kum {m}; ~anino: kuma {f}; ~ofilo: chrześniak {m}, chrześnica {f}; ~opatro: ojciec chrzestny, chrzestny (pot.); ~opatrino: matka chrzestna, chrzestna (pot.).

portugalaj

~i: batizar; ~ujo : pia batismal.

rusaj

~i 1.: крестить, крещать, окрестить; ~i 2.: дать имя, освятить; ~o: крещение; ~ano : кум; ~anino: кума; ~ato: крещаемый; ~ujo : купель; ~ofilo: крестник; ~opatro: крёстный отец; ~opatrino: крёстная мать.

slovakaj

~i: krstiť; ~o: krst; ~ano : kmotor; ~anino: kmotra; ~ato: krstenec; ~ismo: baptizmus; ~isto: krstiteľ; B~isto: krstiteľ; ~ofilo: krstný syn; ~opatro: krstný otec; ~opatrino: kmotra, krstná matka.

svedaj

~i: döpa; ~o: dop.

fontoj

1. La Nova Testamento, La agoj 1:5
2. La Nova Testamento, La agoj 2:38
3. La Nova Testamento, La agoj 19:5
4. La Nova Testamento, Romanoj 6:3
5. H. C. Andersen, trad. L. L. Zamenhof: Fabeloj, vol. 4, Historio el la dunoj
6. Monato, http://www.esperanto.be/fel/mon/007178.html
7. Monato, KOSOVO: Vojaĝimpresoj, somero 2000
8. Vikipedio, Győr
9. La Nova Testamento, S. Marko 1:4
10. L. L. Zamenhof: Fundamento de Esperanto, Universala Vortaro, bapt'an'
11. N. V. Gogol, trad. L. L. Zamenhof: La Revizoro, akto 1a, sceno 1a
12. N. Gogol, trad. V. Vyĉegĵanin: Malvivaj animoj, ĉapitro 10
13. Vikipedio, Baptujo
14. Vikipedio, Baptismo, 2010-07-16
15. L. B. Ross: Kio estas la baptismo?, [vidita en 2010]
16. La Nova Testamento, S. Marko 6:14
17. I. Ilf, E. Petrov, trad. V. Okc: Unuetaĝa Usono, 2003
18. Vikipedio, Baptujo
19. Vikipedio, Ostrov (distrikto Ústí nad Orlicí)
20. Vizitindaj lokoj: Gniew 20.12.2008, Pola Retradio en Esperanto
21. Valdemar Langlet: Vojaĝimpresoj, du blinduloj
22. J. London, trad. R. Rossetti: Dio de liaj prapatroj, Nica Literatura Revuo, 1956-03 ĝis 04 (1:4)
23. Vikipedio, Georg Philipp Telemann
24. Vikipedio, Ĝuangzio
25. Vikipedio, Koperniko
26. Monato, , Arta futuro, esperanto.be
27. Vikipedio, Feminismo
28. Vikipedio, Maria Tereza de Aŭstrio


ℛevo | datumprotekto | bapt.xml | redakti... | traduki... | artikolversio: 1.39 2019/06/29 12:22:51