tradukoj: be cs de en es fr hu id it nl pl pt ru sk

*saĝ/a PV

*saĝaTEZ

1.
Posedanta saĝon: Ĥiram aŭdis la vortojn de Salomono ... kaj diris: Benata estu hodiaŭ la Eternulo, kiu donis al David filon saĝan super tiu grandnombra popolo [1].
2.TEZ
Inteligenta kaj sperta: pli bona estas saĝa malamiko ol malsaĝa amiko PrV; kaj nun Faraono elserĉu homon kompetentan kaj saĝan kaj estrigu lin super la Egipta lando [2]; feliĉo fierigas, malfeliĉo saĝigas PrV; saĝaj spertoriĉaj vortojZ
3.TEZ
=prudenta kiu kolektas dum la somero kaj kiu retenas siajn lipojn estas saĝaZ; ĉiuj aprobis tiun saĝan decidon.

saĝoTEZ Vikipedio

1.
Eksterordinara, supera scio kaj inteligento: la saĝo de Salomono [3]; la saĝo de Dio [4]; ili ektimis la reĝon (Salomonon), ĉar ili vidis, ke en li estas saĝo de Dio [5].
Rim.: Do, tiusence saĝo estas pli altvalora ol prudento: akiro de saĝeco estas multe pli bona ol oro, kaj akiro de prudento estas preferinda ol arĝento [6]; saĝulo estas fenomeno pli eksterordinara ol prudentulo (prudento estas atributo de burĝo aŭ filistro, saĝo konvenas al filozofo, profeto, dio). Krome, la prudento estas racia, dum saĝo povas esti malprudenta (kiel Diogeno), intuicia kaj superracia; oni povas havi saĝan koron [7], sed ne „prudentan koron“. [Sergio Pokrovskij]
2.TEZ
=prudento Dio puni deziras, li la saĝon fortiras PrV; perdi la saĝon PrV; pli da babilemeto ol da saĝoZ; feliĉa estas la homo, kiu trovis saĝon kaj akiris prudentonZ.
3.TEZ
=menso kiu prudenton ne havas, tiun saĝo ne savas PrV; saĝo (erudicio) abunda, sed ne profunda PrV; la homa saĝo ne povas ĉirkaŭpreni tiujn aferojnB; en ĉiu aĝo devas kreski la saĝo (oni lernu en ĉiu aĝo) PrV; havi genian saĝonB.

saĝeco Vikipedio

Saĝo 1: kaj la saĝeco de Salomono estis pli granda, ol la saĝeco de ĉiuj orientanoj kaj ol la tuta saĝeco de Egiptujo ... kaj oni venadis el ĉiuj popoloj, por aŭskulti la saĝecon de Salomono, de ĉiuj reĝoj de la tero, kiuj aŭdis pri lia saĝeco [8]

saĝulo

Homo havanta saĝon, inteligenton, prudenton, komprenemon: li ne estas el grandaj saĝuloj nek elpensis la filozofian ŝtononZ.

malsaĝa

1.TEZ
Ne posedanta normalan spiritostaton nek ĝustan juĝkapablon: li estas tute malsaĝa kaj frenezaZ; kiu ĉasas vantaĵojn, estas malsaĝuloZ; malsaĝulo ofte estas profeto PrV. VD:freneza
2.TEZ
Malprudenta, malmodera kaj nesingarda en la praktika konduto: malordema kaj malsaĝa, li ne taŭgas por sia ofico; malsaĝe malŝpari la hereditan monon. ANT:prudenta
3.TEZ
Seninteligenta, stulta: malsaĝa kiel ŝtipo PrV; eĉ malsaĝulo, se li silentas, estas rigardata kiel saĝuloZ.

malsaĝeco

Seninteligenteco, ne bona juĝado pri situacioj, celoj kaj rimedoj: en la malhumileco kaj malsaĝeco de sia koro li konstruigis eksterordinaran ŝipon, per kiu li povis veturi en la aero [9]

malsaĝulo

Homo ne havanta saĝon, sen prudento, sen sana konsidero de situacioj: malsaĝulo diras vorton, saĝulo komprenas la tutan aferonZ;

komuna saĝoTEZ

(frazaĵo)
Prudento, kapablo por juĝi ordinarajn situaciojn, saĝo2: komuna saĝo diras al ni, ke...Z.

tradukoj

anglaj

~a: wise.

belorusaj

~a: мудры; ~o 1.: мудрасьць; ~o 2.: разважлівасьць, абачлівасьць; ~o 3.: розум; ~eco: мудрасьць; ~ulo: мудрэц; mal~a 1.: утрапёны, шалёны; mal~a 2.: неразумны, неабачлівы; mal~a 3.: дурны, бязглузды; mal~ulo: дурань.

ĉeĥaj

~a: moudrý.

francaj

~a: raisonnable, sage (adj.), sensé; ~o: sagesse; ~eco: sagesse; ~ulo: sage (subst.); mal~a: déraisonnable, insensé, stupide; mal~eco: déraison; mal~ulo: insensé (subst.), sot (subst.); komuna ~o: sens commun.

germanaj

~a: weise, klug; ~o: Weisheit, Klugheit; ~eco: Weisheit, Klugheit; mal~a 1.: irr, irre, närrisch, verrückt; mal~a 2.: unklug, unweise; mal~a 3.: dumm, dämlich, verblödet.

hispanaj

~a: sabio; ~o: sabiduría, sensatez, prudencia, juicio; ~eco: sabiduría; mal~a: insensato, imbécil, necio.

hungaraj

~a: bölcs, okos, értelmes; ~o 1.: bölcsesség; ~o 2.: ész, értelem; ~o 3.: ész; ~eco: bölcsesség, okosság; ~ulo: bölcs; mal~a 1.: bolond, őrült; mal~a 2.: eszetlen; mal~a 3.: buta, ostoba, hülye; mal~ulo: ostoba; komuna ~o: józan ész. perdi la ~on: eszét veszti.

indoneziaj

~a: bijaksana; ~o: [bijaksana] kebijaksanaan; ~eco: [bijaksana] kebijaksanaan; komuna ~o: akal sehat.

italaj

~a: saggio (agg.); ~o: saggezza; ~eco: saggezza; mal~a 3.: scemo, sciocco; mal~a: stolto, scriteriato.

nederlandaj

~a: wijs; ~o: wijsheid; ~eco: wijsheid; mal~a: dom, stom; mal~ulo: domoor, dommerik; komuna ~o: gezond verstand.

polaj

~a: mądry, rozumny; ~o: mądrość, rozum; ~eco: mądrość; mal~a: głupi, nierozumny.

portugalaj

~a: sábio; ~o: sabedoria, sensatez, prudência, juízo; ~eco: sabedoria; mal~a: tolo, insensato, imbecil, néscio.

rusaj

~a: мудрый; ~o 1.: мудрость; ~o 2.: разум; ~o 3.: ум; ~eco: мудрость; ~ulo: мудрец; mal~a 1.: безумный; mal~a 2.: неразумный; mal~a 3.: глупый, дурной; mal~ulo: глупец.

slovakaj

~a: múdry; ~o: múdrosť; mal~a: hlúpy.

fontoj

1. trad. L. L. Zamenhof: La Malnova Testamento, I. Reĝoj 5:7
2. trad. L. L. Zamenhof: La Malnova Testamento, Genezo 41:33
3. La Nova Testamento, S. Luko 11:31
4. La Nova Testamento, S. Luko 11:49
5. trad. L. L. Zamenhof: La Malnova Testamento, I. Reĝoj 3:28
6. trad. L. L. Zamenhof: La Malnova Testamento, Sentencoj 16:16
7. trad. L. L. Zamenhof: La Malnova Testamento, Sentencoj 10:8
8. trad. L. L. Zamenhof: La Malnova Testamento, I. Reĝoj 4:30,34
9. H. C. Andersen, trad. L. L. Zamenhof: Fabeloj, vol. 4, Malbona princo

~a: Mankas verkindiko en fonto.
~o: Mankas verkindiko en fonto.
~ulo: Mankas verkindiko en fonto.
mal~a: Mankas verkindiko en fonto.
mal~ulo: Mankas verkindiko en fonto.
komuna ~o: Mankas verkindiko en fonto.


[^Revo] [sagx.xml] [redakti...] [traduki...] [artikolversio: 1.29 2015/05/05 19:10:12 ]