tradukoj: cs de en es fr hu nl pl pt ru sk sv

1inteligent/a PV

inteligentaTEZ

Facile komprenanta kaj vigle pensanta: inteligenta infano, lernanto, servisto; li ne estas tre inteligenta rilate al sia aĝo; (figure) inteligentaj rigardoj, respondoj; dekdujara knabineto, ridanta, brilanta per siaj inteligentaj okuloj Marta ; homo inteligenta kaj akiranta sian panon per laboro spirita Marta ; la policestro estis homo inteligenta: li tuj divenis, kiu estis la mortiginto [1]; (arkaismo) (figure) la plimulto de la inteligenta mondo (de la monda intelektularo) jam nun trovos tiun ĉi demandon tute superflua EE. VD:prudenta, sagaca, saĝa, sprita.

inteligentoTEZ

Kapablo facile kompreni kaj vigle pensi: la inteligento konsistas el tio, ke per juĝkapablo kaj rezonado homoj eltrovas solvojn pri problemoj, kiujn starigas la vivo [2]; savi ĝin povis nur granda inteligento kaj detala kompreno de l' situacio [3]; la homa inteligento [...] tre facile eraras [4]; la kamparanoj kovris al vi la tutan mondon, vualis vian inteligenton [5]. VD:intelektoVD:komprenemo, komprenkapablo, komprenpovo

inteligentecoTEZ

Inteligento: plenumi sian taskon kun inteligenteco; havi grandan inteligentecon pri la negoco; la faraono rimarkis en [tiuj soldatoj] inteligentecon kaj kvietan energion [6]; vivecaj okuloj indikis inteligentecon pli ol ordinaran [7]; en tiuj okuloj estis multe da inteligenteco, eĉ da saĝo Marta ; (arkaismo) tiuj ĉi plej altaj reprezentantoj de la monda inteligenteco (de la monda intelektularo) [...] vivis unuj apud la aliaj, ne komprenante unuj la aliajn EE.
Rim.: Eblas foje percepti nuancon inter la kapablo (inteligento) kaj ies eco posedi ĉi tiun kapablon (inteligenteco).

inteligentulo

1.
Homo inteligenta: se oni observas la homojn, oni konstatas, ke inter ili troviĝas malmulte da inteligentuloj: preskaŭ ĉiuj ja estas kutimuloj, rutinuloj, tradiciuloj [8].
2.TEZ
(arkaismo) Intelektulo: mi, kiel ĉiu inteligentulo, ne povas verki sen la humoro [9].

malinteligentaTEZ

Ne inteligenta, stulta: la edzino kaj bopatrino per malinteligenta babilado elvokas mokadon de aliaj [10]; eĉ la plej malinteligentaj policanoj pensus pri tio [11].

arta inteligento, artefarita inteligentoTEZ

KOMP Branĉo de komputiko, kiu aŭtomatigas lernadon, rezonon, decidadon, ĝenerale por solvado de kompleksaj problemoj: komence de la 1960-aj jaroj mondvaste oni instalis laboratoriojn por esplori la artan inteligenton [12]; sistemo ... uzas artefaritan inteligenton por identigi vian tiparon per simplaj demandoj [13]

tradukoj

anglaj

~a: intelligent; ~o: intelligence; ~eco: intelligence; arta ~o, : artificial intelligence.

ĉeĥaj

~a: chápavý, inteligentní; ~o: inteligent, vzdělanec; ~eco: inteligence, inteligentnost; ~ulo: inteligent, vzdělanec; mal~a: hloupý, neinteligentní.

francaj

~a: intelligent, malin, ingénieux; ~o: intelligence, intellect; ~eco: intelligence, intellect; mal~a: inintelligent, sot; arta ~o, : intelligence artificelle.

germanaj

~a: intelligent; ~o: Intelligenz; ~eco: Intelligenz.

hispanaj

~a: inteligente; ~o: inteligencia; ~eco: inteligencia.

hungaraj

~a: intelligens, értelmes, jó felfogóképességű; ~eco: jó felfogóképességű; ~ulo 1.: intelligens ember, értelmes ember; ~ulo 2.: entellektüel, értelmiségi ember; mal~a: unintelligens, nehéz felfogású.

nederlandaj

~a: intelligent; ~o: intelligentie; ~eco: intelligentie.

polaj

~a: inteligentny; ~o: inteligencja; ~eco: inteligencja; ~ulo 1.: inteligent; ~ulo 2.: inteligent, intelektualista; mal~a: tuman, matoł, głupek.

portugalaj

~a: inteligente; ~o: inteligência; ~eco: inteligência; ~ulo 1.: pessoa inteligente; mal~a: rude, bronco, burro (f; não inteligente).

rusaj

~a: смышлёный, сообразительный; ~o: смышлёность, сообразительность; ~eco: смышлёность, сообразительность.

slovakaj

~a: chápavý, inteligentný, rozumový; ~o: inteligent, vzdelanec; ~eco: inteligencia; ~ulo: inteligent, vzdelanec; mal~a: hlúpy, neinteligentný.

svedaj

~a: intelligent; ~o: intelligens; ~eco: intelligens.

fontoj

1. B. Prus, trad. Kazimierz Bein: La Faraono, vol. 2, Ĉapitro XVI
2. E. Lanti: Vortoj de k-do Lanti, Pensoj
3. B. Prus, trad. Kazimierz Bein: La Faraono, vol. 3, Ĉapitro XVI
4. B. Prus, trad. Kazimierz Bein: La Faraono, vol. 2, ĉapitro 1a
5. B. Prus, trad. Kazimierz Bein: La Faraono, vol. 3, ĉapitro 11a
6. B. Prus, trad. Kazimierz Bein: La Faraono, vol. 3, ĉapitro 7a
7. H. A. Luyken: Pro Iŝtar, ĉapitro 13a
8. E. Lanti: Vortoj de k-do Lanti, Pensoj
9. V. Varankin: Metropoliteno, ĉapitro 1a
10. H. C. Andersen, trad. L. L. Zamenhof: Fabeloj, vol. 4, Bela
11. Harry Harrison, trad. Reinhard Fössmeier k.a.: Naskiĝo de la rustimuna ŝtalrato, ĉapitro 13a
12. Vikipedio, roboto, 3013-03-08
13. CastleType: Identigi tiparon, 2012


[^Revo] [inteli.xml] [redakti...] [traduki...] [artikolversio: 1.22 2017/07/11 20:10:13 ]