tradukoj: be cs de en es fr hu id nl pl pt ru sk tp

*religi/o PV

*religioTEZ Vikipedio

REL Idearo kaj praktiko de rilatoj inter la homo kaj la transmondo, supernaturaj estuloj, vivo kaj morto, la bazaj valoroj kaj moroj: etna, monda, ŝtata religio; ĉian ofendadon aŭ persekutadon de homo por tio, ke li naskiĝis de alia gento, kun alia lingvo aŭ religio ol mi, mi rigardas kiel barbarecon [1]; en mia infanaĝo mi kredis je Dio, kaj je senmorteco de l'animo, en tiu formo, en kiu instruas mia denaskiĝa religio [2]; en la lasta tempo oni ofte parolis ... pri la nova religio, kiu jam disvastiĝis en ĉiuj pli sudaj landoj [3]; ĉiuj ekzistantaj religioj parolas pri kunfandiĝo de la homaro [4]. SUB:budaismo, islamo, judismo, kristanismo, paganismo. VD:eklezio, fido, konfesio, kulto, rito, sekto

religia

Apartenanta al la religio, koncernanta la religion: religia dogmo, verko, konscio; religia milito; religia komunumo, grupo, ordeno, lernejo.

religiuloTEZ Vikipedio

1.
Homo serioze kaj profunde religia: ĉiu vera religiulo, humanisto aŭ framasono, kiu el la anaro de la parolantoj kaj revantoj transiras al la anaro de la efektivigantoj, fariĝas per tio „homarano“ [5]; „Liberiga Stelo“ forpuŝas el sia mezo militistojn kaj dogmajn religiulojn [6]; kiuj neniam aŭdas alian vidpunkton, ol tiun, kiu estas defendata en la organoj de ilia partio, tiuj riskas fariĝi kredemuloj, similaj al religiuloj [7].
2.
(evitinde) Ano de religia ordeno aŭ kongregacio; monaĥo.
Rim.: Tiusenca vortuzo estas nelogika kaj nekomprenebla por ne-okcidentano. [Sergio Pokrovskij]

alireligiano, alireligiulo

REL Tiu, kiu havas alian religion ol la koncernato: konsekvence ĉiu religio devas rigardi ĉiujn alireligiulojn kiel pekantojn kontraŭ la ordonoj de Dio [8].

kontraŭreligia

Kiu malfavoras religiojn, kontraŭas ilian influon kaj parolon en socio: nia generacio havis aŭ tradician religion, aŭ tiun alian religion, kiu estis kontraŭreligia sciencismo [9].

*samreligianoTEZ

Ano de la sama religio kiel aliaj koncernatoj; samkonfesanto: la konfesantoj de unu religio estas samreligianoj [10].

senreligiuloTEZ

REL Homo, kiu religion ne havas, ne agnoskas, ne praktikas: infano de oficiale deklarita senreligiulo neniam povas havi en la koro tian feliĉon, tiun varmon, kiun al aliaj infanoj donas la preĝejo, la tradiciaj moroj, la posedado de Dio en la koro [11]. VD:agnostikulo, sendiulo

tradukoj

anglaj

~o: religion; ~a: religious.

belorusaj

~o: рэлігія; ~a: рэлігійны; ~ulo 1.: набожны чалавек.

ĉeĥaj

~o: náboženství; ~a: náboženský; ~ulo: nábožný čl., příslušník církve; ali~ano, : jinověrec; sam~ano: příslušník stejné církve.

francaj

~o: religion; ~a: religieux (adj.); ~ulo 1.: dévot (subst.), homme religieux; ali~ano, : infidèle (adepte d'une autre religion); kontraŭ~a: antireligieux, anticlerical; sam~ano: coréligionnaire; sen~ulo: sans religion (subst.).

germanaj

~o: Religion; ~a: religiös; ~ulo 1.: religiöser Mensch; sam~ano: Glaubensbruder.

hispanaj

~o: religión; ~a: religioso; ~ulo 1.: religioso; kontraŭ~a: antirreligioso; sam~ano: correligionario; sen~ulo: aconfesional.

hungaraj

~o: vallás; ~a: vallás-, vallási, vallásos; ~ulo 1.: vallásos ember. ~a komunumo: vallási közösség.

indoneziaj

~o: agama; ~a: agamis, religius.

nederlandaj

~o: godsdienst, religie; ~a: godsdienstig, religieus.

polaj

~o: religia; ~a: religijny, pobożny, bogobojny; ~ulo 1.: człowiek wierzący, człowiek pobożny, człowiek bogobojny, wierny; sam~ano: współwyznawca.

portugalaj

~o: religião.

rusaj

~o: религия; ~a: религиозный; ~ulo 1.: набожный человек; sam~ano: единоверец .

slovakaj

~o: náboženstvo; ~a: náboženský; ~ulo: príslušník cirkvi; ali~ano, : inoverec; sam~ano: spoluveriaci.

tokiponaj

~a: sewi.

fontoj

1. L. L. Zamenhof: Nica literatura revuo, 4:6, p. 201-208a
2. L. L. Zamenhof: Originala Verkaro
3. H. C. Andersen, trad. L. L. Zamenhof: Fabeloj, vol. 4, Filino de la marĉa reĝo
4. L. L. Zamenhof: Pri la homaranismo, Ruslanda Esperantisto, 1906:5, p. 102-106a
5. L. L. Zamenhof: Pri la homaranismo, Ruslanda Esperantisto, 1906:5, p. 102-106a
6. E. Lanti: Vortoj de k-do Lanti, „Liberiga Stelo“ al la Verdruĝuloj, Celo kaj rimedoj
7. Lanti: superpartieco
8. L. L. Zamenhof: Pri la homaranismo, Ruslanda Esperantisto, 1906:5, p. 102-106a
9. C. Piron: Ĉu li venis trakosme?, 1980
10. L. L. Zamenhof: Fundamento de Esperanto, Ekzercaro, § 37
11. E. Privat: Vivo de Zamenhof, 1920

~o: Mankas verkindiko en fonto.
~a: Mankas dua fontindiko.
~a: Mankas fonto, kiu estas nek vortaro nek terminaro.
sam~ano: Mankas fonto, kiu estas nek vortaro nek terminaro.


[^Revo] [religi.xml] [redakti...] [traduki...] [artikolversio: 1.31 2015/07/04 08:37:42 ]