tradukoj: be bg cs de en es fr hu id nl pl pt ro ru sk

*Krist/o

*KristoTEZ Vikipedio

KRI Grekdevena kristana formo de la vorto mesio, uzata kiel nomepiteto de Jesuo la fondinto de kristanismo: Kristo reviviĝis DL ; nia rakonto rilatas la XI-an jarcenton antaŭ Kristo, kiam falis la XX-a dinastio kaj post la filo de l' suno, la eterne vivanta Ramzes XIII-a, ekokupis la tronon [1]; la instruo de Kristo estas pardono, amo kaj favorkoreco [2]; en la nomo de Jesuo Kristo, la Nazaretano, kiun vi krucumis, kiun Dio levis el la mortintoj, ĉi tiu staras sana antaŭ vi [3].
Rim.: Laŭsence, tiu nomepiteto devus havi la difinan artikolon: jes, Sinjoro, mi jam kredas, ke vi estas la Kristo, la Filo de Dio, la venanta en la mondon [4]. Tamen la plimulto da kristanoj diras „Jesuo Kristo“ (kvankam en la samsenca „Jesuo la Mesio“ la artikolo pli oftas).

*kristanoTEZ Vikipedio

KRI Kredanto je la doktrino de Kristo: la predikisto metis al ŝi la manon sur la kapon kaj parolis pri la sankta bapto ... kaj ke ŝi de nun devas konduti kiel plenkreska kristanino [5]; Luteranoj kaj Kalvinanoj estas kristanoj [6]; kristanoj, hebreoj aŭ mahometanoj, ni ĉiuj de Di' estas filoj [7]; li estis granda homo kaj bona kristano, sed tio ĉi ne malhelpis al li skribi malsaĝaĵojn pri la formo de la tero FK ; la suno de Dio, kiu lumis sur tombojn de la Kristanoj, lumis ankaŭ super la tombo de la Juda knabino [8].

kristanismoTEZ Vikipedio

KRI Religio agnoskanta ke Jesuo el Nazareto estas la Kristo (la mesio, la savinto de la homaro, la filo de Dio); kristismo: longe vivadis en paco tiu gento trankvila, de Kristanismo netuŝita ĝis dek-tria centjaro VivZam ; Italio, la koro de la kristanismo kaj patrujo de sanktuloj, havas la privilegion posedi grandegan nombron da sanktejoj [9].

okcidenta kristanismoTEZ Vikipedio

La formoj de kristanismo evoluintaj el la tradicioj de la okcidenta (latina) parto de Romio; katolikismo, protestantismo: foriginte kulturajn kaj organizajn aldonojn akumulitajn en la okcidenta kristanismo, kiuj malsamas inter diversaj eklezioj kaj konfuzas precipe neokcidentajn kredantojn, li sentis, ke tiel pli bone eblas koncentriĝi pri la kerna mesaĝo de la kristana kredo: krucumo kaj resurekto de Jesuo [10].

orienta kristanismoTEZ Vikipedio

La formoj de kristanismo evoluintaj el la tradicioj de la orienta (greklingva) parto de Romio: la ortodoksismo kaj la ne-Ĥalkedona kristanismo armena, kopta, etiopa: ortodoksismo estas la orienta branĉo de kristanismo, ekzemple la grek-ortodoksismo, la rus-ortodoksismo [11].

kristismoTEZ

(malofte)
KRI Kristanismo: la tri plej gravaj unudiaj religioj (judismo, kristismo kaj islamo) havas komunan trunkon, tiel ke iliajn adeptojn (judojn, kristanojn kaj islamanojn) eblus kunnomi „idoj de Abrahamo“ [12]; li versas pri [...] kristismo en [...] „Nova Leĝo“ [13].

KristanujoTEZ

La tuta kristana mondo, ĉiuj kristanaj landoj kiel unu tuto (kontraste al Paganujo, Islamujo ktp): la edzino de Hejtman Miĥaelo vestos atlason kaj diamantojn en duono de la kortegoj en Kristanujo [14]; tiu Vulgato estis manskribiste kopiata, por ĝin konservi kaj transdoni, centojn [...] da fojoj, en diversaj landoj de kristanujo, kaj ĝi ankaŭ estis reproduktita en sennombraj liturgiaj legaĵlibroj [15].

*KristnaskoTEZ Vikipedio

KRI Granda kristana festo, memoriganta la naskiĝon de Jesuo la Kristo (en la plimulto de la modernaj eklezioj festata je la 25a de decembro, en la antikva eklezio kaj ĉe la armenoj samtage kiel Epifanio, je la 6a de januaro): jam antaŭ la Kristnasko de 1812 en la Rusa Imperio restis neniu armita malamiko [16]; gajan kristnaskon kaj feliĉan novan jaron 2006! [17]

tradukoj

anglaj

~o: Christ; k~ano: christian; k~anismo: christianity; okcidenta k~anismo: Western Christianity; orienta k~anismo: Eastern Christianity; k~ismo: christianity; ~anujo: Christendom; ~nasko: Christmas.

belorusaj

~o: Хрыстос; k~ano: хрысьціянін; k~anismo: хрысьціянства; okcidenta k~anismo: заходняе хрысьціянства; orienta k~anismo: усходняе хрысьціянства; k~ismo: хрысьціянства; ~nasko: Нараджэньне Хрыстовае.

bulgaraj

~o: Христос; k~ano: християнин; k~anismo: християнство; ~nasko: Коледа. gajan k~naskon: Весела Коледа.

ĉeĥaj

~o: Mesiáš, Spasitel; ~nasko: Hod boží vánoční, Vánoce.

francaj

~o: christ; k~ano: chrétien (subst.); k~anismo: christianisme; okcidenta k~anismo: christianisme occidental; orienta k~anismo: christianisme oriental; k~ismo: christianisme; ~anujo: chrétienté; ~nasko: Noël (fête).

germanaj

~o: Christus; k~ano: Christ; k~anismo: Christentum; orienta k~anismo: Ostkirche; k~ismo: Christentum; ~anujo: Christenwelt; ~nasko: Weihnachten. gajan k~naskon: Frohe Weihnachten.

hispanaj

~o: Cristo; ~nasko: navidad.

hungaraj

~o: Krisztus; k~ano: keresztény; k~anismo: kereszténység; okcidenta k~anismo: nyugati kereszténység; orienta k~anismo: keleti kereszténység; k~ismo: Krisztus-hit; ~anujo: keresztény világ; ~nasko: karácsony.

indoneziaj

~o: Kristus; k~anismo: Kristen; ~nasko: Natal.

nederlandaj

~o: Christus; k~ano: christen, christenmens; k~anismo: christendom; okcidenta k~anismo: westers christendom; orienta k~anismo: oosters christendom; k~ismo: christendom; ~anujo: christelijke wereld; ~nasko: kerstdag, kerstfeest. gajan k~naskon: Zalig kerstfeest.

polaj

~o: Chrystus; k~ano: chrześcijanin; k~anismo: chrześcijaństwo; okcidenta k~anismo: zachodnie chrześcijaństwo; orienta k~anismo: wschodnie chrześcijaństwo; ~nasko: Boże Narodzenie.

portugalaj

~o: Cristo.

rumanaj

~nasko: Crăciunul.

rusaj

~o: Христос; k~ano: христианин; k~anismo: христианство; okcidenta k~anismo: западное христианство; orienta k~anismo: восточное христианство; k~ismo: христианство; ~anujo: христианский мир, христианство (собирательно); ~nasko: Рождество Христово. k~anino: христианка.

slovakaj

~o: Mesiáš; ~nasko: narodenie Pána.

fontoj

1. B. Prus, trad. Kazimierz Bein: La Faraono, vol. 1, Antaŭparolo
2. H. C. Andersen, trad. L. L. Zamenhof: Fabeloj, vol. 3, En la lasta tago
3. La Nova Testamento, La agoj 4:10
4. La Nova Testamento, S. Johano 11:27
5. H. C. Andersen, trad. L. L. Zamenhof: Fabeloj, vol. 2, Ruĝaj ŝuoj
6. L. L. Zamenhof: Fundamento de Esperanto, Ekzercaro, § 37
7. L. L. Zamenhof: Preĝo Sub La Verda Standardo
8. H. C. Andersen, trad. L. L. Zamenhof: Fabeloj, vol. 3, Juda knabino
9. Monato, Roberto Pigro: La Loreta Vojo: Laŭ la spuroj de antikvaj pilgrimantoj
10. Monato, Kimura Goro Christoph: Utimura Kanzo antaŭ 150 jaroj naskiĝis
11. Monato, Gerrit Berveling: Nova biblio okopa
12. Monato, Boris Kolker: Plia libro biblia
13. G. Kamaĉo: Berveling, poeto sentabua, Monato, 1994:12, p. 22a
14. J. B. Cabell, trad. W. Auld: Jurgen, 2001
15. Monato, Armando Zecchin: Vulgato, Vulgatoj, Nova Vulgato
16. S. Pokrovskij: Moskvo jubileas, Monato, 1997:9, p. 22a
17. Vikipedio, Feliĉo


[^Revo] [krist.xml] [redakti...] [traduki...] [artikolversio: 1.43 2017/11/18 19:10:24 ]