tradukoj: be bg br cs de en es fr hu id nl pl pt ru sk sv tp vo zh

*paper/o PV

*papero  

1.
Maldika materialo fabrikata el pasto de vegetaĵaj fibroj, sekigita kaj premita; uzata por skribi, presi, paki: [li] envolvis ion en pecon da papero [1]; ili volvis tabakon en strion da papero kaj fumis tiamaniere [2]; mi ne volis skribi per papero kaj inko; sed mi esperas veni al vi kaj paroli vizaĝon kontraŭ vizaĝo [3]; malgrandaj retoj, eltranĉitajn el diverskolora papero [4]; ili faris ŝipeton el gazeta papero [5]; stelo el ora papero [6]; pergamena papero [7]; al la papero ne mankas tolero (oni povas laŭvole skribi stultaĵojn) PrV.
2.
Folio de tia materialo: blanka papero kuŝas sur la tablo [8]; ĉambro tapetita per flavaj paperetoj [9]; konfidi ion al la papero (= skribi); li […] tenis inter la fingroj malgrandan rozokoloran paperon, sur kiu troviĝis versaĵo [10].
3.
Skribitaj aŭ presitaj notoj, dokumentoj, legitimaĵoj kaj similaj: verkisto verkas librojn, kaj skribisto simple transskribas paperojn [11]; ordigi siajn paperojn; [li] enŝovis kelkajn paperojn en la poŝon, prenis aliajn sub la brakon, por hejme ilin tralegi kaj transskribi [12]; ŝanĝi valorpapero [13]; rulo da monpaperetoj Marta ; kiam mi (telefone) estis informita ke mi fariĝis kolonelo, certe mi devis iri al la estro por preni la necesajn paperojn [14].

papera  

El papero, rilata al papero: paperaj floroj [15]; papera ŝipeto [16]; ŝi prenis paperan skatoleton [17]; paperaj lanternoj radiis kiel grandaj diafanaj tulipoj [18]; klara kaj bone legebla skribo, sur paperaj folioj, havanta la formaton de ordinara letera papero [19]; la libristo prenis de la tablo la paperan rulpaketon Marta ; papera strio kun la adreso FK ; tiu decido restos nur surpapera (skribita sed ne efektivigita); paperaj kaj surdiskaj enciklopedioj [20]; la papera versio estas fortike bindita [21]. VD:kabineta, teoria, vorta

paperaĵo

Io papera, objekto el papero; papera rubo: el paperaĵo kaj inko BdV ; antaŭ li kuŝis rulpaketo de paperaĵo Marta ; konteneroj senditaj el Japanio enhavis ne nur paperaĵojn, sed ankaŭ toksajn kaj aliajn danĝerajn rubojn [22]; ĉifonoj, metalpecoj kaj paperaĵo [23]; iuj komunumestraroj insistas, ke oni apartigu ĵurnalojn disde aliaj paperaĵoj [24].

paperisto

Paperfaristo: ĉi tiuj kvar iam laboris ĉe paperisto [25]; paperisto František Lorenz, […] kuniĝis kun nove venintaj fakuloj en tereno de produktado de papero [26].

*paperujo

1.  
Koverto el firma materialo, ekz. leda, plasta, portebla en poŝo por konservi biletojn, legitimilojn ks; monpaperujo: en la poŝo de mia pantalono mi portas monujon, kaj en la poŝo de mia surtuto mi portas paperujon [27]; la aĉetanto […] tenis grandan dikan monpaperujon plenan de mono Marta .
2.  
Pli granda poŝo aŭ kovrilo por konservi dokumentojn, disajn paperofoliojn, dosieron: pli grandan paperujon mi portas sub la brako [28]; sinjoro Snitchey […] metis malgrandan bluan aktopaperujon al la tablo BdV ; el la paperujo de miaj fabloj FK ; Vitalij elprenis el paperujo skizojn kaj planojn de moskvaj stratoj Metrop; nek en la paperujoj de la kontadejo, nek ĉe la financa direktoro, nek en la kabineto de Latronov estis eĉ malpleja spuro de la kontrakto [29]. SIN:teko

karbopapero  

PIV1
Papero kun dorsa tavolo de karbopolvo, kiu transkopias la skribaĵon al subŝovita folio: tiu verkisto […] mem devas pagi sian paperon, siajn skribilojn, skribmaŝinon, inkrubandojn, karbopaperon [30]; post disvastiĝo de la skribmaŝino […] oni povis fari facile dum la skribado de la dokumento traskribaĵojn helpe de karbopapero [31].

karbonpapero  

Karbopapero: 3 ekz[empleroj] tajpitaj aŭ legeble skribitaj per nigra globkrajono (ne kopiitaj per karbonpapero) [32].

kreppapero  

Krispita, delikata papero simila al krepo, uzebla por pakado aŭ por ornamo: ŝia majesta aspekto ŝajnis bazita sur vera aŭtoritato, ne sur suvereneco strasa kaj krep-papera [33].

klozetpapero  

PIV1
=neceseja papero

monpaperujo  

Faldebla plata poŝa ujo, kutime leda aŭ plasta, por monbiletoj, kreditkartoj kaj dimensie negrandaj paperetoj: la monpaperujo nezorgece ĵetita malfermiĝis pli larĝe, sur la marmoran plataĵon elfalis el ĝi kelke da monpaperoj de diversa valoro Marta . SIN:biletujo

murpapero  

ARKI Papera tegaĵo por ĉambraj muroj aŭ vandoj, ordinare havebla en striegoj, kiujn oni algluas: la murpaperoj estas tiel malsekaj, ke ili falas de la muroj [34]; venu vidi, kiom bele aspektas la nova murpapero en la salono […] mi sukcesis surglui ĝin sen eĉ unu faldeto [35]; fenestroj, pordoj, fajrujoj, plankoj, murpaperoj kaj lampoj estas pretigataj laŭ la deziroj de la aĉetinto [36].

neceseja papero, necespapero  

HejmVort
Mola papero uzata en necesejoj en iuj landoj por sin purigi post ekskrementado: oni legu kion oni volas, kaj ja sankta libro povas esti tre utila se subite mankas neceseja papero [37]; la pura neceseja papero odoras je kristnaske spicita bakaĵo [38].

pakpapero

Papero fortika, per kiu oni enpakas aĵojn: tie vi povos admiri la plaĉajn bildojn, desegnitajn speciale por vi sur pakpapero [39]; Jen ŝi volis rehavi ankaŭ la pakpaperon [40]; lia patro laboris en buĉejo kaj ofte alportis hejmen iujn pakpaperojn de viando [41].

paŭspapero

PIV1
TEK Tre diafana papero, kiun oni fiksas sur ŝablono por surdesegni kopion, aŭ sur kiun oni printas bildon por plua kopiado: Robert Delaunay: Tri futbalistoj, plumo sur paŭspapero, 21,3 × 15 cm [42].

reuzpapero

Recikligita papero fabrikita el rubaj paperoj, kartonoj: trompaj pretendoj pri reuz-papero [43].

sablopapero  

PIV1
TEK Papero aŭ tolo kun surgluita tavolo el smirgopulvoro, subtilaj vitreroj... uzata por polurado aŭ glatigo: defrotu kiel eble plej multan ruston per sablopapero [44].

senpaperulo  

Senpasportulo: tiu ago naskis la tiel nomatajn „senpaperulojn“, homojn kiuj sen leĝaj dokumentoj tamen estas en la lando [45].

silkopapero, silkpapero

Tre maldika papero iom diafana, uzata en dekoracio, por volvo de cigaredoj kaj simile: Elder […] transdonis spegulon, pakitan en silkopaperon [46].

smirgopapero, smirga papero  

Sablopapero: kiomfoje li malsuprenkuris […] por aĉeti ĉe najbaraj butikistoj, kion Minna forgesis, egale ĉu kafon aŭ pipron, unufoje eĉ smirgopaperon [47].

sorbopapero  

Sorbema papero uzebla ekzemple por forigi troan inkon de skribaĵo: marĝenoj, sorbopaperoj kaj ceteraj paperetoj [48]. VD:viŝpapero

surpaperigi  

(figure) Redakti, dokumenti: la aŭtoro fariĝis poste aktiva esperantisto, kaj nur en la lastaj vivo-jaroj decidis surpaperigi siajn fruajn spertojn [49]; li studis la zairan historion, kiel la belgoj ĝin surpaperigis [50]; mi sendis al vi paketon, enhavantan la surpaperigitan manuskripton de la libro [51]; surpaperigita serio de naŭ porradiaj intervjuoj [52].

tapetpapero  

PIV1
ARKI=murpapero

tualetpapero  

PIV1
Milda viŝpapero por tualeto, ekzemple por forigi ŝminkon: mi povis akiri la teknikon ekbruligi lignojn nur kun unu tualetpapero kaj alumeto [53].

viŝpapero  

Mola pli-malpli sorba papero uzata por viŝado, por purigo: jen moda fraŭlino […] elegante eltiras pecon da viŝpapero kaj elegante tuŝas la buŝeton [54].

tradukoj

anglaj

~o: paper; ~a: paper; ~isto: papermaker; ~ujo 1.: wallet; ~ujo 2.: file, folder; karbo~o : carbon paper; karbon~o : carbon paper; krep~o : crepe paper; klozet~o : toilet paper; mon~ujo: wallet; mur~o: wallpaper; neceseja ~o, : toilet paper; pak~o: packing paper; paŭs~o: tracing paper; reuz~o: recycled paper; sablo~o: sandpaper; sen~ulo: undocumented person; silko~o, : rolling paper, silk paper, tissue paper; smirgo~o, : sandpaper, emery paper; sorbo~o : blotting paper; sur~igi : write down; tapet~o: wallpaper; tualet~o : tissue paper, facial tissue; viŝ~o : absorbent paper, paper towel (usone), kitchen roll (brite).

belorusaj

~o: папера; ~a: папяровы; reuz~o: папера (вырабленая з макулатуры); sablo~o: наждачная папера; smirgo~o, : наждачная папера; sur~igi : пісаць, напісаць, выкласьць на паперы.

bretonaj

~o 1.: paper; ~o 3.: paperenn; ~a: -paper; ~ujo 1.: doug-paperioù; ~ujo 2.: kleurenn; mon~ujo: doug-paperioù; reuz~o: paper adimplijet; sur~igi : lakaat war baper.

bulgaraj

~o: хартия; neceseja ~o, : тоалетна хартия; pak~o: опаковъчна хартия.

ĉeĥaj

~o: papír; ~isto: papírník; karbon~o: karbonový papír, kopírák; krep~o: krepový papír; klozet~o: toaletní papír; neceseja ~o, : toaletní papír; pak~o: balící papír; sablo~o: skelný papír, smirkový papír; silko~o, : hedvábný papír; sorbo~o: pijavý papír, piják, sací papír, savý papír; tapet~o: papírová tapeta; tualet~o: toaletní papír.

ĉinaj

~o 1.: .

francaj

~o: papier; ~a: de papier; ~isto: papetier; karbo~o : papier carbone; karbon~o : papier carbone; krep~o : papier crêpé; klozet~o : papier toilette; mon~ujo: portefeuille; mur~o: papier peint; neceseja ~o, : papier toilette; pak~o: papier cadeau, papier d'emballage; paŭs~o: papier calque; reuz~o: papier recyclé; sablo~o: papier d'émeri, papier de verre; sen~ulo: clandestin (subst.), sans-papier (subst.); silko~o, : papier à cigarette, papier de soie; smirgo~o, : papier d'émeri, papier de verre; sorbo~o : buvard (matériau); sur~igi : coucher sur le papier; tapet~o : papier peint; tualet~o : lingette (démaquillage etc.); viŝ~o : essuie-tout, mouchoir en papier.

germanaj

~o: Papier; ~a: papieren, aus Papier; ~aĵo : Altpapier; ~isto : Papierhersteller; ~ujo 1.: Börse; ~ujo 2.: Mappe, Aktentasche, Aktenordner, Ordner (für Akten); karbo~o : Pauspapier, Kohlepapier; krep~o : Krepppapier; klozet~o : Klopapier; mon~ujo : Geldbörse; mur~o : Tapete; neceseja ~o, : Toilettenpapier; pak~o: Packpapier; paŭs~o : Pauspapier; reuz~o: Altpapier, Recyclingpapier; sablo~o: Schmirgelpapier, Sandpapier; silko~o, : Seidenpapier; smirgo~o, : Schmirgelpapier; sorbo~o : Löschpapier; sur~igi : zu Papier bringen, schreiben; tapet~o : Tapete; tualet~o : Zellstoff; viŝ~o : Küchenkrepp. valor~o: Wertpapier.

hispanaj

~o: papel (para escribir, etc); ~a: de papel; ~ujo 1.: billetera, cartera; ~ujo 2.: carpeta; karbo~o: papel carbón, papel calco; klozet~o: papel higiénico; mon~ujo: billetera, cartera; mur~o: papel pintado; neceseja ~o, : papel higiénico; pak~o: papel de envolver, envoltorio; paŭs~o: papel cebolla; reuz~o: papel reciclado; sablo~o: papel de lija; sen~ulo: indocumentado; silko~o, : papel de seda; smirgo~o, : papel lija; sorbo~o: papel secante; sur~igi: escribir, imprimir, plasmar en papel.

hungaraj

~o: papír; ~a: papír-, papírból készült; reuz~o: újrahasznosított papír; sablo~o: dörzspapír, csiszolópapír, smirgli; sen~ulo: okmány nélküli; smirgo~o, : dörzspapír, csiszolópapír, smirgli; sorbo~o : itatóspapír; sur~igi : papíra vet, leír. al la ~o ne mankas tolero: a papír mindent elbír; valor~o: értékpapír.

indoneziaj

~o: kertas; karbo~o : kertas karbon; karbon~o : kertas karbon; krep~o : kertas krep; klozet~o : kertas toilet, tisu toilet; mon~ujo: dompet; neceseja ~o, : kertas toilet, tisu toilet; pak~o: kertas kado; paŭs~o: kertas kalkir; reuz~o: kertas daur ulang; sablo~o: ampelas; silko~o, : kertas rokok; smirgo~o, : ampelas; sorbo~o : kertas serap; tualet~o : kertas toilet, tisu toilet; viŝ~o : tisu.

nederlandaj

~o: papier; ~a: papieren, van papier; ~ujo 1.: portefeuille; ~ujo 2.: map; karbo~o : carbonpapier, carbon, overdrukpapier, doorslagpapier; karbon~o : carbonpapier, carbon, overdrukpapier, doorslagpapier; krep~o : crêpepapier; klozet~o : toiletpapier; mon~ujo: portefeuille; mur~o: behangpapier; neceseja ~o, : toiletpapier; pak~o: inpakpapier; paŭs~o: calqueerpapier; reuz~o: kringlooppapier; sablo~o: schuurpapier; sen~ulo: mens zonder papieren; silko~o, : zijdepapier; smirgo~o, : schuurpapier; sorbo~o : vloeipapier; sur~igi : op papier zetten; tapet~o : behangpapier; tualet~o : tissue; viŝ~o : papieren zakdoek. al la ~o ne mankas tolero: papier is geduldig; valor~o: waardepapier.

polaj

~o 1.: papier; ~o 3.: papier (często tylko l.mn.), akta; ~a: papierowy; ~isto: papiernik; ~ujo 1.: portfel; ~ujo 2.: teczka na akta; karbo~o : kalka maszynowa, kalka biurowa; karbon~o : kalka maszynowa, kalka biurowa; krep~o : papier krepowy; klozet~o : papier toaletowy; mon~ujo: portfel; mur~o: tapeta; neceseja ~o, : papier toaletowy; pak~o: papier pakowy; paŭs~o: kalka techniczna; reuz~o: papier z makulatury, papier z odzysku, papier z recyklingu, papier ekologiczny; sablo~o: papier ścierny; silko~o, : bibuła, bibułka; smirgo~o, : papier ścierny; sorbo~o : suszka, bibułka do osuszania; sur~igi : przenosić na papier, uwieczniać na papierze, zapisywać, pisać; tapet~o : tapeta; tualet~o : papier toaletowy; viŝ~o : chusteczka papierowa, ręcznik papierowy.

portugalaj

~o: papel.

rusaj

~o: бумага; ~a: бумажный; ~ujo 1.: бумажник; ~ujo 2.: папка для бумаг; mon~ujo: бумажник; reuz~o: бумага вторичной переработки; sablo~o: наждачная бумага; smirgo~o, : наждачная бумага; sur~igi : написать, записать, изложить на бумаге.

slovakaj

~o: papier; ~isto: papierník; karbon~o: kopírovací papier; krep~o: krepový papier; klozet~o: toaletný papier; neceseja ~o, : toaletný papier; pak~o: baliaci papier; sablo~o: brúsny papier; silko~o, : hodvábny papier; sorbo~o: pijavý papier; tapet~o: papierová tapeta; tualet~o: toaletný papier.

svedaj

~o: papper; ~a: pappers-, av papper; neceseja ~o, : toalettpapper; sablo~o: sandpapper; sen~ulo: papperslös; silko~o, : silkespapper; smirgo~o, : sandpapper; sur~igi : skriva ner.

tokiponaj

~o 1.: lipu.

volapukaj

~o 1.: pöp.

fontoj

1. H. C. Andersen, trad. L. L. Zamenhof: Fabeloj, vol. 2, Malnova domo
2. H. C. Andersen, trad. L. L. Zamenhof: Fabeloj, vol. 1, Ligo de amikeco
3. La Nova Testamento, II. Johano 1:12
4. H. C. Andersen, trad. L. L. Zamenhof: Fabeloj, vol. 2, Abio
5. H. C. Andersen, trad. L. L. Zamenhof: Fabeloj, vol. 1, Persista stana soldato
6. H. C. Andersen, trad. L. L. Zamenhof: Fabeloj, vol. 2, Abio
7. Monato, Centra Ameriko: Nepre ĝia nomo estas Meksiko
8. L. L. Zamenhof: Fundamento de Esperanto, Ekzercaro, § 10
9. N. V. Gogol, trad. L. L. Zamenhof: La Revizoro, Akto tria
10. H. C. Andersen, trad. L. L. Zamenhof: Fabeloj, vol. 1, Galoŝoj de feliĉo
11. L. L. Zamenhof: Fundamento de Esperanto, Ekzercaro, § 37
12. H. C. Andersen, trad. L. L. Zamenhof: Fabeloj, vol. 1, Galoŝoj de feliĉo
13. H. C. Andersen, trad. L. L. Zamenhof: Fabeloj, vol. 1, Galoŝoj de feliĉo
14. G. L. Arosev: Nerekonebla, Monato, 2001:5, p. 26a
15. H. C. Andersen, trad. L. L. Zamenhof: Fabeloj, vol. 1, Floroj de la malgranda Ida
16. H. C. Andersen, trad. L. L. Zamenhof: Fabeloj, vol. 1, Persista stana soldato
17. H. C. Andersen, trad. L. L. Zamenhof: Fabeloj, vol. 1, Floroj de la malgranda Ida
18. H. C. Andersen, trad. L. L. Zamenhof: Fabeloj, vol. 3, Kolo de botelo
19. L. L. Zamenhof: Homaranismo, El la mondo homarana (hilelista).
20. C. Rouget: Internet ne (tiom) malbonas, Monato, 1997:8, p. 15a
21. PP: Valora konsultlibro, Monato, 1995:12, p. 15a
22. Monato, Japanio: Rubo-ruzo
23. Monato, Franz-Georg Rössler: Dumvivaj rabatoj
24. Monato, John Gobourne: Tiam ... kaj nun
25. E. de Zilah: La Princo ĉe la Hunoj, 2011
26. Vikipedio, Hostinné
27. L. L. Zamenhof: Fundamento de Esperanto, Ekzercaro, § 40
28. L. L. Zamenhof: Fundamento de Esperanto, Ekzercaro, § 40.
29. Mihail Bulgakov, trad. Sergio Pokrovskij: La majstro kaj Margarita, ĉapitro 17a
30. Marjorie Boulton: Ne nur leteroj de plum-amikoj, la esperanta verkisto: izolo, malprofito, fido
31. Vikipedio, Kopi-skribilo
32. -: Konkurso Muzo 95, Eventoj, 1995-08, numero 83a
33. G. García Márquez, trad. F. de Diego: Cent Jaroj da Soleco, Fonto, 1992
34. R. Weemeyer: [blogo] germanespju, La Esperanto-domo en Berlino brulis, 2005-09-08
35. Monato, S. Maul: Du patroj interparolas.
36. Monato, Saliko: Porteblaj hejmoj
37. durka: oh ve! oh ve!, tejo Forumo, 2002-08-03
38. Monato, Franz-Georg Rössler: Adori, odori
39. Raymond Schwartz: La Stranga Butiko
40. H. Kruppa, trad. Cezar: La donaco, satkulturo, 2004-02-10
41. Ĉina Radio internacia: Ĉina projektisto desegnis poŝtmarkon..., 2005-03-24
42. Vikipedio, Robert Delaunay
43. P. Gubbins: Ne tiom ridos la klaŭno, Monato, 1997:8, p. 8a
44. K. Miner: Taglibro (blogo), 2004-11-20
45. G. Van Damme: Sep en unu bato, Monato, 1999:3, p. 6a
46. J. Rejtő, trad. L. Balázs: Sub kvaranteno la Grand-hotelo, [vidita en 2006]
47. Raymond Schwartz: Kiel akvo de l' rivero, 2:1
48. curizza lapoi: skrapetoj lernejanaj, 2003
49. S. MacGill: Rutine tra tumulto, Monato, 2002:4, p. 20a
50. Monato, La flandra en Kongo
51. Monato, Filippo: Moderna poŝto
52. Monato, Nikolao Gudskov: Kio estas imperio kaj kiel ĝin kontraŭstari?
53. Macumoto T.: Vojaĝo, [vidita en 2006]
54. Chu Xie: Poŝtuko, Ĉina Radio Internacia, 2005-09-09

klozet~o: Mankas fonto, kiu estas nek vortaro nek terminaro.
tapet~o: Mankas fonto, kiu estas nek vortaro nek terminaro.


ℛevo | datumprotekto | paper.xml | redakti... | traduki... | artikolversio: 1.48 2018/02/09 21:10:13