tradukoj: be bg cs de en es fr hu nl no pt ru sk

^*pag/i ^PV

^*pagi

1.

Kvitigi sin de materia aŭ morala ŝuldo per dono de mono aŭ alia valoraĵo: mi pagis du frankojn por tiu libro; pagi por fremda festeno ^PrV; pagataj kamparanoj helpis nin; por lia amikeco konfidon pagu^Z; pagi al iu malbonon por bono^Z; oni ne pagas per gloro al sia tajloro ^PrV; ni devas konservi tiun bonaĵon eĉ pagante ĝin per kelkaj foroferoj; pagi ŝuldon, tributon^Z, salajron, imposton; pagi siajn servistojn^B, kreditorojn, la manĝon, la loĝejon^B, la viziton de kuracisto; kia ago, tia pago ^PrV; pagatesto, pagkvitanco; pagdato, paglimo.

2.

(figure) Kompensi agon, precipe malbonan agon:

a)

(figure) Trakti iun same malbone, kiel li nin aŭ aliulon traktis, venĝi al iu: mi pagos al ŝi por (pro) ĉio ĉi tio^Z; kiam li falos en niajn manojn, ni pagos al li la ĉagrenojn (ni punos lin pro la ĉagrenoj), kiujn li kaŭzis al la kronprinco^B. repagi ^2.a

b)

(figure) Esti traktata same malbone, kiel oni traktis aliulon, suferi venĝon de iu; ricevi punon, kompensan malbonon: kiu rompis, tiu pagu ^PrV; pagos (estos punata) la lupo por (pro) la ŝafo^Z; por ĉiu ago venas la tempo de pago ^PrV; pagas maljunaj jaroj por junaj eraroj ^PrV. repagi ^2.b, punpagi. prirespondi.

pago

1.

Ago pagi.

2.

Tio, kion oni pagas.

pagejo

Giĉeto, budo, oficejo aŭ ajna loko por pagado: la buso haltas ĉe pagejo [1].

pagilo

Ĉia rimedo uzebla por pago: metal- aŭ papermono, ĉeko, ĝiro...: la Esperanto-monunuo Stelo ... funkcias nun en kelkaj aranĝoj kiel kutima pagilo [2].

alpago, plipago

Tio, kion oni devas pagi plie ol la ordinara aŭ konsentita prezo.

antaŭpagi

Pagi antaŭ la ricevo de servo aŭ varo.

depago^Z

Tio, kion oni devas pagi kiel imposton.

repagi

1.

Pagi al iu tion, kion li pagis anstataŭ vi aŭ por vi: mi repagos al vi la kostojn de la vojaĝo.

2.

(figure) pagi ²

a)

pagi ^2.a ni mortigis multajn Rusojn, sed ili poste malavare repagis al ni; repagu al li laŭ liaj agoj^Z; lia faro estos repagita al li^Z.

b)

pagi ^2.b morgaŭ la homaro devos repagi la kulpojn (aŭ: pro la kulpoj) de la nuna facilanima generacio. punpagi.

senpaga

Ricevebla sen pago: de kantado senpaga doloras la gorĝo ^PrV; senpaga eniro; senpage disdonita flugfolio.

punpagi

pagi ^2.b li punpagas sian nesingardon; kiel Kristo krucumita pro la kulpoj homaj, tiel Polujo disŝirita punpagis la pekojn de la ŝtatoj [3]. repagi ^2.b

punpago

1.

Ago aŭ stato de punpaganto.

2.

(malofte) monpuno ili kondamnu lin al punpago de cent arĝentaj moneroj [4].