tradukoj: be de en es fr hu nl pl pt ru tr

^*glu/i

^*glui

1.

(iu) Fiksi per gluilo: glui afiŝon sur muron; (figure) glui sian atenton al io. mastiki, luti.

2.

(io)(malofte) Fiksi kiel gluo: tiu substanco gluas ledon, eĉ feron [1].
Rim.: Ne ekzistas multaj ekzemploj de ĉi tiu senco, cetere misdifinita en ĉiuj eldonoj de PIV.

gluiĝi

Fiksiĝi per glua substanco: se vi uzas ne iun mirindan paton, al kiu nenio povas gluiĝi, sed la ordinaran, kiu emas kuniĝi kun ajna fritataĵo poreterne, tiam antaŭ fritado verŝu en la paton iom da oleo [2]; (figure) la a-finaĵo laŭsence gluiĝas ne senpere al la verba radiko, sed al ties substantivigita formo [3].

gluaĵo

1.

Gluilo: la memoro estas gluaĵo, kiu kuntenas nian estadon [4]; minimume 600 kg da gluaĵo kaj 50 kg da farboj necesis entute por la jaĥto [5].

2.

Glueca substanco: miaj ŝuoj estis plenaj de la ruĝa gluaĵo [6].

gluilo

Duonlikva ŝmiraĵo, kiu sekiĝante firme kunigas kunmetitajn objektojn: la saketo estas fiksata sur la plandoj per gluilo por 8–12 horoj tage aŭ nokte [7]; la fadenoj (de araneaĵo) ne enhavas gluilon, sed la insektoj kaptiĝas per siaj haroj en la implikita strukturo [8]; rekapti la marĝenigitajn junulojn kiuj snufas gluilon [9].

gluo

Gluilo: aldoninte al tiu ĉi miksaĵo pli da ovoblanko aŭ da gluo solvita en nafto, por ĝin pli maldensigi, oni povas ĝin uzi por laki vazojn kaj diversajn objektojn [10]; farungluo; fiŝgluo; glu(ec)a substanco; gluaĉa haŭto de angilo. adheri

alglui

Glui objekton al pli granda: alglui poŝtmarkon.

algluiĝi

Forte aliĝi, kuniĝi per si mem kun alia objekto: la birdo algluiĝis al la kaptilo; (figure) mia lango algluiĝis al mia palato [11]; (figure) ŝiaj okuloj algluiĝis al li^Z; (figure) ĉiu homo ricevos la rajton algluiĝi per sia tuta koro al tiu peco da tero, kiu lin naskis [12]; (figure) mia animo algluiĝis al Vi [13]; (figure) la malnova kutimo algluiĝis al li. alforĝi, alligiĝi, alfiksiĝi, alfirmiĝi, alkroĉiĝi.

ĉirkaŭglui

Alglui ion al la ĉirkaŭo de: ĉirkaŭglui tubon per tolaĵo (alglui tolaĵon ĉirkaŭ la tubon); (figure) [ŝi] ĵetas sin sur herbon apud mi, tuta malseka, ĉirkaŭgluita per la kostumo [14]; (figure) la tabletoj estas dense ĉirkaŭgluitaj de laborista kaj kamparana junularo [15].

kunglui

1.

Glui kune du objektojn: kunglui disŝiritajn pecojn de letero.

2.

(figure) kunteni

kungluiĝemo

Kunteniĝemo.

malglui

Disigi du gluitajn objektojn: estas ja konate, ke la poŝtistoj kapablas malglui ĉian ajn koverton [16]; pene Ha-Nocri malgluis la palpebrojn kaj rigardis malsupren [17].

        La unua ekzemplo estas elpensita de mi, sed mi sentis bezonon
        klarigi la difinon en maniero, kiu pravigus la du postajn
        figursencajn
        ekz-ojn: "(iu) cxirkaux~is sxin per la kostumo" (= algluis la
        kostumon
        al sxia cxirkauxo), "la junuloj cxirkaux~is la tablojn (per si)"
        (= algluis
        sin cxirkaux la tablojn).
        [MB]