tradukoj: be de en es fi fr hu it nl pl pt ru sv tr

^*eksplod/i

^*eksplodi

1.

Forte kaj brue skui aeron, pro subita plivolumeniĝo de gaso: dinamito facile eksplodas. ekflami, flagri

2.

Brue diskrevi, pro granda interna premo de l' gasoj: bombo, mino, vapormaŝino, torpedo eksplodas. disrompiĝi, dissalti, dissplitiĝi.

3.

(figure) Subite kaj brue eksterigi fortan senton aŭ pasion, kiun oni ne povas plu deteni: eksplodi de furiozo, de kolero, pro ĝojo, per rido^B, per larmoj; li eksplodis, dirante, ke...^Z.

4.

(figure) Subite kaj brue komenciĝi: baldaŭ la ventego devis eksplodi, rompi la glacion, kaj ĉiuj tie devis nesaveble droni [2]; la milito eksplodis neatendite; eksplodas ĝojo^Z, striko, ribelo, katastrofo, krio.

eksplodo

1.

Brua subita plivolumeniĝo de naskiĝantaj gasoj: eksplodo de lumgaso, de mingaso; eksplodmotoro.

2.

Brua subita diskrevo pro interna premado de gasoj: eksplodo de kaldronego, de vulkano.

3.

(figure) Subita brua eksteriĝo de forta sento aŭ pasio: eksplodo da kolero, ĝojo, amo; voĉo plena de flamecaj eksplodoj; la kamparano trankviligis la eksplodojn de sia edzino [3].

4.

(figure) Subita brua komenciĝo: eksplodo de milito, ribelo, kriego.

eksplodaĵo

Substanco, kiu povas eksplodi: dinamito, nitroglicerino estas eksplodaĵoj; (figure) ― Ĉu malbona novaĵo, Ĉefo? ― Ne, knabo, nur iom tro tuŝotima eksplodaĵo (tro danĝera informo) [4].

eksplodema

1.

Facile eksplodanta: eksplodemaj substancoj.

2.

(figure) Facile incitiĝanta: eksplodema karaktero; [li estas] eksplodema kiel pulvo [5] flamiĝema, fulma, boli.

eksplodigi

Kaŭzi eksplodon; fari, ke io eksplodas: unu fajrero sufiĉas por eksplodigi pulvon; eksplodigi bombon, koleron, ribelon; (figure) la senhonta aroganteco de Ŝankhatum preskaŭ eksplodigis la reĝon de kolerego [6].

eksplodigilo

Aparato, per kiu oni eksplodigas minon, torpedon ktp.

praeksplodo

Grandenergia fenomeno, kiu markas la naskiĝon de la universo.

    Indus precizigi, ĉu la objekto povas esti io alia ol
    ~aĵo.
    Alidire, ĉu oni „~igas domon“? La
    figursenca ekzemplo ŝajne
    tion sugestas. [MB]