^*staci/o ^PV

1.

Haltejo kun iaj aranĝaĵoj teĥnikaj aŭ komfortigaj: en la antikveco la gubernio servis kiel grava transŝarĝa stacio ĉe la sud-okcidenta Silka Vojo [1]; oni gloris la stacion, kiam […] Rusio pafis la unuan ISS-modulon Sarja kiel komponanton de la estonta laboratorio [2].

a)

Loko, kie haltas publikaj trafikaj veturiloj, vagonoj, ŝipoj, por preni aŭ lasi la pasaĝerojn kaj varojn: trafi tramon ĉe l' stacio [3]; aŭtobusa stacio [4]; stacidomo ^FdO .

b)

Haltejo en kalvaria vojo: ŝi staris […] ĉe la komenco de sia Kalvaria vojo, ŝi pasis ankoraŭ ne pli ol du ĝiajn staciojn ^Marta .

2.

Scienca establejo por esplorado, aŭ teĥnika establejo por servoj, kun la taŭga ekipo:

a)

Teĥnika establejo por generado, konservo aŭ plusendo de energio: li atentigis pri troa centrado de la elektra energio de Brazilo en malmultaj stacioj [5]. centralo

b)

Elsendejo: ekkriis la konduktoro, elirante el la telegrafa stacio, portante paperon en la mano [6]; radioparolis stacio Semarang [7]; pluraj stacioj, kiuj dissendas samhore per la sama frekvenco [8]; televida stacio [9].

3.

(figure) Provizora haltejo en agado, en progresado: oni povis vidi en li homon, por kiu la magazeno de la juvelisto estis nur stacio sur la vojo al lokoj pli altaj kaj pli profitaj ^Marta . etapo, fazo ¹, ŝtupo ²

Stacio kiu konservas akvon kaj ĝin provizas en iu loko: Jim esploris la lanternon apud la akvostacio [10]; ĉe la akvostacio de la 36km-punkto mi kalkulis la restantan tempon [11].

Stacio en kiu oni purigas rubakvon: mi konas homojn en entrepreno, kiu konstruas naĝbasenojn kaj akvopurigajn staciojn [12].

Stacio, kie buso haltas por preni aŭ lasi la pasaĝerojn: en busstacio, lernejo aŭ plej luksa restoracio la necesejoj aĉas [13]; iam sur iu aŭtobusa stacio okazas neplanita renkontiĝo [14]; nove konstruita busa stacio en Rondonpolis, Brazilo, ricevis indikilojn en Esperanto [15].

Rim.: Temas pri busoj, kiuj veturas inter foraj urboj. La busoj, kiuj veturas inter proksimaj urboj aŭ ene de unu sama urbo, ne uzas busstacion sed bushaltejon ².

Elektrejo: preterpasante, ni vizitas la elektrostacion, kie laboras Rudolf ^Metrop ; ĉirkaŭ la jaro 1890 estis instalita elektrostacio, kiu produktis elektron por lumigi la palacon kaj Vintran Ĝardenon [16]; ĉina konstruado de nuklea elektrostacio komenciĝis en la 80-jaroj de la lasta jarcento [17].

Iom granda, longe daŭra konstruaĵo en la kosmo, eventuale loĝebla: anstataŭ en metalaj kosmostacioj astronaŭtoj povus orbiti la teron en balonoj laŭ novaj planoj anoncitaj de usona kosmagentejo NASA [18]; la internacia kosmostacio dum dek jaroj devis jam ok fojojn ŝanĝi sian itineron por eviti kolizion [19].

Stacio, kie metroo haltas por preni aŭ lasi la pasaĝerojn: iu ordenano verkis romanon „Rapsodio pri metrostacio“, kiun Piĉ priskribas [20]; ĉefe en la metrostacioj, pasaĝerojn sieĝas distribuantoj de varbfolioj [21]; kristnaska arbo en la metroa stacio Seokkye [22].

Stacio de poŝtaj veturiloj: preninte ĉevalojn, ni veturis al la poŝtostacio Koori [23].

Stacio kiu elsendas radiofonie: informi la veterinaron […] ili faris tion multe pli rapide ol ĉiuj radiostacioj de la Nordo [24]; la radistacio elsendas Esperanto-muzikon dum 24 horoj en ĉiu tago [25].

Stacio kiu dissendas televidprogramojn: ekde 1996 ekzistas televidstacio irlandlingva [26]; la franc-germana televidstacio Arte bonŝance programis mirindan filmon de la universale koramata Charles Chaplin „La Diktatoro“ [27].