⁹specif/i ^PV

(tr)

Precize kaj detale difini: specifi la reciprokajn rajtojn en kontrakto; por ĉiuj tri nukleotidoj en la mesaĝista RNA, estos unu laŭkode specifita aminoacido [1]; se la finaĵo por la nominativa singularo povas esti /a, i, o, s, as, is, os/ aŭ nulo, kaj se la finaĵo por la akuzativa pluralo povas esti /a, i, es, us, ata, ðes/, estas evidente, ke ĉia provo specifi foneman reprezentiĝon por la morfemoj ‘nominativo, akuzativo, singularo, pluralo’ estas vana [2].

1.

Prezentanta apartan, karakterizan econ, propran nur por koncerna speco, fako, stilo, skolo: temoj […] tre fakspecifaj [3]; malkutimaj vortoj […] kulturspecifaj [4]; la specifa trajto de la televido kiel artoĝenro estas la kontinueco de la eventoj sur la ekrano [5]; specifa nocio estas nocio propra nur al iu difinita fako, ekz. „oksido“ en ĥemia terminaro [6]; la pelmela poligrafiko de la verko havas specifajn heroojn kies agado validas en ĉiuj epokoj, eĉ se nomoj kaj cirkonstancoj ŝanĝiĝas [7]; se dek homoj ricevus egalan kvanton de samaj plantoj, tamen iliaj ĝardenoj aspektus malsimilaj pro la specifa aranĝo, malsamaj grundkondiĉoj kaj preferoj de la homoj [8]. specialaaparta, karaktera, specifika

2.

Aparta, nenion alian similanta, tuj perceptata: la stilo de ĉi tiu verkisto havas ian specifan kromguston; en la ĉambro mi tuj sentis iun specifan odoron; mi povas […] aranĝi, ke la kosto iru al la konto de specifa alia numero, ne al mia hejma fakturo [9]; la bakterian kreskon […] specife bremsas lupolon [10]; kelkfoje li kondukas nin al certa ĉambro, kie ni renkontiĝu kun iu specifa oficisto kaj lia laboro [11]; tiujn tekstojn oni perforte […] premegis en la tri eblajn rubrikojn de la libro […], en unu specifa okazo ŝajnas eĉ manki la tuta manuskripto [12]. certa⁴, karaktera, originala

3.

Poa, indikita rilate al mezurunuo, precipe tiu de volumeno, maso, energio: specifa pezo; specifa volumeno; aerdenso (estas la) specifa maso de la aero (en unuo de volumeno) [13].

Rim.: „Poa“ estas tiusence pli eleganta kaj esperanteca, dum „specifa“ estas senlogika idiomaĵo, kvankam ja komuna al pluraj lingvoj okcidentaj. [Sergio Pokrovskij]

1.

Detala kaj preciza difino: la baza dokumentado kaj la teknikaj specifoj estas je dispono senpage [14]; li rapide tralegis la kemian parton: la formulo kaj teknikaj specifaĵoj havis por li, pro manko de faka trejniĝo, minimuman signifon [15].

2.

Io specifa, apartaĵo: el post la kulisoj elnaĝis kvar aktorinoj […] same nudigitaj, kiel ankaŭ la ceteraj, sed ilia specifaĵo estis kirasŝipoj, ornamantaj iliajn kapetojn kun mallonge tonditaj haroj [16]; taskita mentore enkonduki ŝin en la specifojn de la nederlanda vivo [17]; tiuj karakterizaĵoj malpliigas la plezuron de legado, [jen] kelkaj specifaĵoj: ofta misuzado de „la“ […], „al“ estas ofte misuzata, […] [18].