^*river/o

1.

Natura fluanta, iom abunda, akvomaso, enverŝiĝanta, se ne sekiĝante, en maron, lagon aŭ alian riveron: la suno rebrilas en la klara akvo de la rivero [1]; rivero eliras el Eden, por akvoprovizi la ĝardenon, kaj de tie ĝi dividiĝas kaj fariĝas kvar ĉefpartoj (vd Eŭfrato, Tigriso) [2]; tiu ĉi rivero havas ducent naŭdek kvar kilometrojn da longo ^DL ; la rivero muĝis, ŝveligita de la printempaj pluvoj ^FK ; saliko staras super la rivero ^Hamlet ; atendi sur tero, ĝis sekiĝos la rivero ^PrV ; el malgrandaj akveroj fariĝas grandaj riveroj ^PrV ; la manĝota fiŝo estas ankoraŭ en la rivero ^PrV ; li trafis el sub pluvo en riveron ^PrV ; „Kiel akvo de l' rivero“ (romano de Raymond Schwartz) [3]. fonto¹, fluejo, meandro¹, katarakto, akvofalo, kunfluejo, enfluejo

2.

(figure) Granda kvanto da io fluanta aŭ radianta aŭ simila al antaŭeniranta fluaĵo: verŝante riveron da larmoj ^BdV ; la pluvo faladis per riveroj ^FK ; mi naĝis tra ia interna rivero de la oceano (kp fluo) ^FdO ; la rivero de la lunaj radioj ^Marta ; etendinte la brakojn mi verŝus riverojn da radioj ^IK ; [ili] trinkis riverojn da biero [4]. kanalo, torento

Granda kaj forta rivero: en la mezo de la riverego ^Hamlet ; por turisto estas strange ekvidi, en la kerno de la urbo, la rivereton Odet, kiu dufoje dum la tago fariĝas riverego [5]; ĉe la riverego Luaro [6].

Malgranda kaj malforta rivero: riveretoj fluas al riveroj (per etaj ŝparoj oni riĉiĝas) ^PrV ; li havis antaŭ si la tutan rivereton kun la klara, freŝa akvo [7]; kviete serpentumantaj riveretoj kaj kanaloj [8]; ŝi iris al la rivereto, kiu fluis tra la ĝardeno, kaj ordonis kapti sitelon da gugonoj [9].

Jangzio: Jangzio, ankaŭ nomata Blua Rivero, estas la plej longa rivero en Azio [10].

Orientazia nomo de la Lakta Vojo: levante la kapon, Ŝjangzi rigardis supren al la Ĉiela Rivero, tiel alta kaj malproksima [11].

Granda rivero (4845 km-ojn longa) de la Orienta Azio, en la Norda Ĉinujo, fluas de Tibeto en la Flavan Maron: la Flava Rivero estas la dua granda rivero de Ĉinio [12]; la ruino atestas, ke ankaŭ la baseno de Jangzio estas fonto de la ĉina civilizacio, […] antaŭ 5000 ĝis 3000 jaroj tie estis ĉefurbo de la regno kaj kultura centro interkomunika[n]ta kun la meza kaj malsupra baseno de la Flava Rivero [13].

Rivero en la sudo de Ĉinujo pasanta Kantonon kaj fluanta inter Makao kaj Honkongo en la Sudĉinan Maron: Makao […] situas ĉe la delto de la Perlorivero, limante kun Kantonio norde kaj kun la Sudĉina Maro sude [14]; 55 mil homoj forlasis la urbon per trajnoj […], ĉirkaŭ 40 % de ili iras al la Delta Regiono de la Perlorivero [15].

Granda rivero fluanta el la sudo de Ĉinujo tra la nordo de Vjetnamujo, i.a. tra Hanojo: la Ruĝa Rivero […] fontas en la provinco Junano de Ĉinio kaj post vojo de 1149 kilometroj tra Ĉinio (639 km) kaj Vjetnamio (510 km) enfluas la Vjetnaman golfon de la Sudĉina Maro [16]; la delto de la Ruĝa Rivero, en Nord-Vjetnamio, estas unu el la plej popoldensaj kamparaj regionoj en la mondo [17].