¹list/o

1.

Serio da nomoj de personoj aŭ aferoj, diritaj aŭ skribitaj unu post alia: li ne estis enskribita en la genealogian liston kiel unuenaskito [1]; la listo de la pastroj [2]; kvitanci liston de la vendotaj komercaĵoj ^Iŝtar ; la Lingva Komitato povus periode publikigadi listojn da vortoj [3]; listo de mallongigoj (kp glosaro) ^EeP ; li faris liston de la nomoj de ĉiuj virinoj, kiujn li konis en la vilaĝo ^KKl ; mi aranĝas liston en alfabeta ordo [4]; la stratoj estas plenaj de la balottumulto, la bariloj krias pri tridek listoj (de kandidatoj) ^Metrop ; Popov nomis kvanton da kunsidoj kaj liston de la pridiskutitaj demandoj ^Metrop ; tiel ofte mi kontrolis ĉion necesan, ke la listo de necesaĵoj komencis ripetiĝi senvole en mia menso. ^KrM ; li montris al mi la liston de prezoj, kaj mi trarigardis ĝin ^KrM . registro ¹, tabelo

2.

Tre elasta datumstrukturo prezentebla kiel sinsekvo da objektoj, ĉiu el kiuj povas esti simpla datumo („atoma“ listero) aŭ listo. Malkiel en ordinara tabelo oni povas alpendigi novajn listerojn aŭ forpreni iujn enestantajn: prezenti arbon per listo; ĉar en Lispo kaj datumoj kaj funkcioj estas listoj, tial eblas skribi funkciojn, kiuj kreas novajn funkciojn aŭ ŝanĝas aliajn [5].

Persono nomita en koncerna listo, ekz-e en balotlisto: por multaj B-listanoj estis ŝanĝita la balotejo [6]; per propono de la respondintoj ricevis poentojn ankaŭ eksterlistanoj [7].

Unuopa elemento en listo: la listeroj 1 kaj 2 rilatas al tekstaj dosieroj [8]; la reta katalogo de la Esperantomuzeo en Vieno kun ĉirkaŭ 35 000 listeroj [9].

(tr)

Starigi liston de iuj aferoj, objektoj: estas bone listigi tie ĉi […] tradukitajn verkojn [10]; en multaj tiutemaj libroj estas listigitaj nomoj de semajntagoj kaj monatoj en diversaj lingvoj [11]; la meritoj estas listigitaj dorskovrile de la libro [12].

(tr)

Enmeti en liston: li iris por enlistigi sin inter laborserĉantoj [13]; Raŭmo estis enlistigita kiel monda kulturheredaĵo de Unesko [14]; li kalkulis tion laŭ la aĝoj de la homoj enlistigitaj en la genealogioj [de] la Malnova Testamento [15].

Listo en kiun enskribiĝas atendantoj kaj laŭ kies ordo ili estas servataj: kiam la publika financado reduktiĝas, la servoj transformiĝas al atendolistoj [16]; li estas sur la atendolisto de pli ol dudek jaroj [17]; eĉ en la ĉefurbo la kutima, fiksa telefonservo estas celobjekto de plendoj, ĉar la atendolisto de dezirantoj havi propran, hejman telefonaparaton ĉiam kreskas [18]; [ni] aranĝis krediton por aĉeti sian novan Mazda, […] en 1980 oni devis registri sin sur la atendolisto por aĉeti ĝin, ni havis la prioritaton ĉar mia avo estis malsanulo [19]. atendovico

Forumo en komputila reto funkcianta tiel, ke la mesaĝojn senditajn al speciala retadreso, tiea servilo aŭtomate plusendas al la „listanoj“, aŭ „abonantoj“ (kies retadresojn ĝi prenas en la koncerna „dissenda listo“): aboni dissendoliston pri mamkancero [20]; verki tekstojn por nia dissendolisto pri interesaj vortoj de la rusa lingvo [21]; en nia dissendolisto estas pliaj 76 personoj (perantoj, kunlaborantoj, redakcioj, laŭreatoj de konkursoj), kiuj ricevas la revuon senpage [22].

Listo realigita tiel, ke ĉiu ĝia ero entenas ligilon (referencon) al la tujsekva ero (unudirekta ligillisto), aŭ du ligilojn al la tujsekva ero kaj al la ĵusantaŭa (ambaŭdirekta ligillisto). La lasta listero povas havi nulan (vakuan) referencon, aŭ referenci la komencon (ringa ligillisto): ĉar la unusola disigebla datumtipo [de Picolisp] estas la ligillisto, ekzistas multaj interuzeblaj funkcioj por trakti listojn [23]; estas pluraj strategioj por solvi koliziojn [en hakettabelo], interalie per la metodo de pendaj ligillistoj [24].

Listo de malpermesitaj, sankciumitaj aferoj: trafinte en nigran liston, en Germanio ne facile oni ricevas laboron ^Metrop ; eĉ nigra listo de ĵurnalistoj […] taksitaj tro kritikemaj estis farita por malebligi al ili aliron al grandaj ĵurnaloj [25]; Ĝibraltaro estas en la nigra listo de OEKE [26]; alia solvo, ĉefe uzebla ĉe servilo, estas nigraj listoj de retlokoj konataj kiel sendantoj de rubpoŝto [27].