^*insign/o ^UV

Distingiga signo (en formo de objekto, ordeno³, broĉo, emblemo, logotipo ks), montranta la apartenon al iu potenco ŝtata, religia aŭ korporacia aŭ distinganta iun rangon, oficon, meriton: ni ekveturis en ŝipo Aleksandria [kies] insigno estis la Ĝemeloj [1]; la sukeraĵisto […] pendigis kiel insignon super sia tendo sonorilon, kiu […] ne havis frapilon [2]; sur la supro de la pordego oni vidis la insignon […] de l' ŝtato: globon kun flugiloj, de post kiu elrigardis du serpentoj [3]; ili kompreneble portis en sia butontruo la verdan stelon de l’ Espero, la insignon de la nova lingvo ^ChL ; la insigno de la danaj reĝoj ^Hamlet ; [ili] havas – viroj sur la ĉapoj, kaj Berta sur la brusto – la ruĝan insignon kun levita pugno ^Metrop ; la detektivo rapide mensnotis la […] oran kravatpinglon kaj la insignon de Rotari-klubo ^ChV ; ili portis oficialan insignon de la ekspozicio ^EeP ; la kohortanoj, svinginte supren la lancojn kaj insignojn, timige elkriis ^MkM ; la muroj estis kovritaj per hieroglifoj, sorĉinsignoj kaj sorĉofrazoj de antikvaj magiistoj ^SatirRak ; kontraŭ forinto eblis aĉeti plastan insignon kun la historia ŝtatblazono [4]; slovaka ŝtato […] inter 1939 kaj 1945 […] posedis insignojn de suverena kaj sendependa ŝtato [5]; la kongresa insigno garantiis senpagan veturon en la urbaj busoj [6]; la Pola Poŝto eldonis porokazan poŝtkarton, estis ankaŭ stampita insigno [7]. atributo, distingilo, sigelo, simbolo, uniformo