dispozici/o ^SPV

1.

Emo de la organismo al ofta samspeca malsaniĝo aŭ malbonefika konduto; diatezo¹: unu el dek trafitoj havas fortan genetikan dispozicion por la malsano [1]; vi freneziĝis, ĉar vi, verŝajne, havas dispozicion al tio [2]; ofte tiuj kazoj ne fontas en la anonima senkora „socio”, sed en la hejma ĉirkaŭaĵo, neniu kaj nenio vere kapablas kuraci ties mensajn dispoziciojn [3]; la misio de la Biblio estis stimuli la homojn for de la bestaj dispozicioj, for de la sangaj ŝtupoj kaj tendencoj de la egoismo [4]. inklino, fato

2.

Esprimo de volo, ekz. per testamento, direktivo ks: li formulis en la testamento aliajn dispoziciojn [5]; pro la ŝparigaj dispozicioj estas limigita la agopovo de la polico [6]; kriminala kodo, laŭ kiuj la „aĝo de konsento” estis 14 jaroj en malsamseksaj rilatoj, sed 18 jaroj en rilatoj samseksaj, ‐ abolon de ĉi tiuj diskriminaciaj dispozicioj iniciatis gejaj organizaĵoj jam en 1993 [7]; nova urbestro […] tiele dispoziciis por replenigi – post plurjara dekstrula administrado – la komunuman kason [8]; la sveda reĝo Gustav Vasa dispoziciis, ke la fiŝkaptista vilaĝo Ekenäs […] estu nomata urbo [9]. ordono, instrukcio, testamento, klaŭzo, direktivo

3.

Aranĝo de io plurparta en la spaco: kvankam la ĥemia strukturo de normalaj kaj infektaj prionoj ne diferencas inter si, tamen ekzistas grandaj diferencoj en la spaca dispozicio de la molekuloj (en la terciara strukturo de proteinoj) [10]. dividi, dismeti