tradukoj: be cs de en es fr hu nl pl pt ru sk sv tr

⁹komput/i [1]

⁹komputi

: Solvi matematikan problemon aŭ prilabori datumon aplikante algoritmon, precipe en formo de programo: paĝoj, kiuj dinamike kalkulas kaj komputas [2]. kalkuli, nombri.
Rim.: Vd rimarkon sub komputilo.

komputado

: Kalkulado, prilaborado de datumoj per komputiloj. komputiko

⁹komputilo

[3]

: Maŝino por komputi: miaj parencoj scias, ke mi okupiĝas kaj profesie kaj hobie kun komputiloj [4].
Rim.: Oni uzas tiun vorton kaj parolante pri la „nuda maŝino“ (la aparataro), kaj pri iel „vestita“ komputa sistemo.
Rim.: Ĉi tiun aparaton oni iam nomis komputero[5], aŭ komputoro[6], kaj la sama fonto tiam donis al „komputilo“ la sencon de nombrilo ². Ĝi akorde difinis „komputi“, kiel nombri.
Rim.: Jen unu el la plej malnovaj uzoj de la vorto (1967): Nomojn oni jam nuntempe produktas per komputiloj, kiuj sisteme fabrikas lingve eblajn literkombinaĵojn, kies efikojn sur la homa menso oni poste studas kaj taksas [7].

komputilego

: Dimensie aŭ komputopovume granda komputilo, kutime ne destinita por individua uzo (kontraste al persona komputilo).

komputilisto

: Profesiulo pri instalo, kunretigo, komandado, aŭ prizorgado de komputiloj kaj komputaj programoj: program-eraroj, kiuj povas ĝeni komputilistojn [8].

komputisto

: programisto la verko certe interesos matematikistojn kaj komputistojn [9].

komputa sistemo

: Kombino de malvastsenca komputilo kun ĝiaj periferiaĵoj (la aparataro) unuflanke, kaj de programaro aliflanke, ebliganta komputadon.

persona komputilo

: Komputilo por destinita uzo fare de unu persono, unuuzula komputilo: tiaj blatoj troviĝas ĉe la kerno de granda plimulto de personaj komputiloj [10]. poŝkomputilo, surtabla komputilo, tekkomputilo

poŝkomputilo

: Unubloka komputilo, sufiĉe malgranda (la dimensioj kutime ne superas 16×8×2 cm) kaj malpeza (la maso proksimume 150–500g) por esti portebla en poŝo de laborvesto. tekkomputilo

surtabla komputilo

: Persona komputilo farita tiel, ke eblas ĝin oportune loki sur aŭ en individua labortablo.
Rim.: Persona komputilo estas, unuflanke, funkcie aŭ dimensie malpli granda ol komputilegoj kunuzataj kolektive, sed aliflanke ĝi kutime estas pli povuma ol la porteblaj komputiloj: fari sur la surtabla komputilo rezervan kopion de (la memoro de) onia poŝkomputilo. tekkomputilo

tekkomputilo

: Portebla komputilo pli granda kaj peza (sed ankaŭ pli povuma) ol poŝkomputilo, portebla en teko aŭ kiel teko, tiel ke ĝia uzanto povas kunhavi ĝin en vojaĝo. Tekkomputilo pezas ne pli ol 4–5kg, havas aŭtonoman kurentofonton, klavaron, platan likvakristalan aŭ plasman ekranon, energi-nedependan memoron, ĝi estas konektebla al ekstera aparataro.

tradukoj

anglaj

~i: compute; ~ilo: computer; ~ilego : mainframe computer; ~isto: programmer; ~a sistemo : computer system; persona ~ilo : PC, personal computer; poŝ~ilo : handheld (computer), palmtop computer, PDA (personal digital assistent), pocket computer; surtabla ~ilo : desktop computer; tek~ilo : laptop computer, notebook (computer).

belorusaj

~i: лічыць, вылічаць; ~ado: вылічэньне, вылічэньні; ~ilo: кампутар; ~ilego : супэркампутар, мэйнфрэйм; ~isto: праграміст; ~a sistemo : кампутарная сістэма, вылічальная сістэма; persona ~ilo : пэрсанальны кампутар; poŝ~ilo : надалонны кампутар, надалоньнік; surtabla ~ilo : настольны кампутар; tek~ilo : ноўтбук, лаптоп.

ĉeĥaj

~i: počítat strojem; ~ilo: počítač.

francaj

~i: calculer, effectuer du calcul informatique; ~ado: calcul informatique, informatique; ~ilo: ordinateur, calculateur, calculatrice; ~ilego : ordinateur central, mainframe, gros calculateur, gros système; ~ilisto: informaticien; ~isto: programmeur; ~a sistemo : système informatique; persona ~ilo : ordinateur personnel, PC; poŝ~ilo : ordinateur de poche, palmtop; surtabla ~ilo : ordinateur de bureau, station de travail; tek~ilo : ordinateur portable, portable, notebook.

germanaj

~i: berechnen; ~ilo: Rechner, Computer, Komputer, Elektronengehirn [arkaika]; ~ilego : Großrechner; ~isto: Programmierer; ~a sistemo : Computersystem; persona ~ilo : Persönlicher Computer, Personalcomputer, PC; poŝ~ilo : Handheld (Computer), PDA (Personal Digital Assistent); tek~ilo : Aktentaschenrechner, Notebook.

hispanaj

~i: computar; ~ado: cómputo; ~ilo: ordenador, computador, computadora; ~a sistemo : sistema de computo; persona ~ilo : computadora personal; surtabla ~ilo : computadora de escritorio.

hungaraj

~i: kiszámít, (adatot) feldolgoz; ~ado: kiszámítás, adatfeldolgozás; ~ilo: számítógép, komputer; ~ilego : nagyszámítógép; ~ilisto: számítógép-technikus; ~isto: programozó; ~a sistemo : számítógépes rendszer; persona ~ilo : személyi számítógép, PC; poŝ~ilo : zsebszámítógép, palmtop, PDA (personal digital assistent); surtabla ~ilo : asztali számítógép, desktop számítógép; tek~ilo : táskagép, notebook, laptop.

nederlandaj

~i: berekenen; ~ado: informatica; ~ilo: computer; ~ilego : mainframe computer; ~ilisto: computer-technicus; ~isto: programmeur; ~a sistemo : computersysteem; persona ~ilo : PC, personal computer; poŝ~ilo : zakcomputer, PDA; surtabla ~ilo : desktop computer; tek~ilo : laptop.

polaj

~ilo: komputer; persona ~ilo : pecel; tek~ilo : laptop, notebook.

portugalaj

~i: computar; ~ilo: computador.

rusaj

~i: вычислить; ~ilo: ЭВМ, компьютер; ~ilego : суперкомпьютер, мэйнфрейм; ~ilisto: компьютерщик; ~isto: программист; ~a sistemo : вычислительная система; persona ~ilo : персональный компьютер; poŝ~ilo : карманный компьютер; surtabla ~ilo : настольный компьютер; tek~ilo : ноутбук.

slovakaj

~i: počítať; ~ilo: počítač; ~isto: programátor; persona ~ilo : osobný počítač.

svedaj

~i: beräkna; ~ilo: dator; ~a sistemo : datorsystem.

turkaj

~ilo: bilgisayar.

fontoj

1. KompLeks
2. Klivo: Kio estas Javo?, Monato, jaro 1998a, numero 5a, p. 13a
3. Komputada Leksikono
4. Edmund Grimley Evans: Uniksulo ekspertas Unikodon, Monato, jaro 2000a, numero 2a, p. 20a
5. Plena Ilustrita Vortaro
6. Plena Ilustrita Vortaro de Esperanto, Suplemento
7. Sloganon ― spritula arto, Esperanta Finnlando. 1967 N-ro 8–9
8. Klivo: Kio estas Javo?, Monato, jaro 1998a, numero 5a, p. 13a
9. -: La mistera teoremo – nun en Esperanto (Marty Rajmondo, La granda teoremo de Fermat), Monato, jaro 1998a, numero 3a, p. 19a
10. Frank Arnaud: Intel alfrontas konkurencon, Monato, jaro 2000a, numero 10a, p. 16a

administraj notoj

pri komput/i :

      Ĉi-artikole aperas nedifinitaj terminoj: kunretigo,
      periferiaĵo, likvakristala kaj plasma ekrano.

[^Revo] [komput.xml] [redakti...] [artikolversio: 1.36 2010/03/10 17:30:38 ]