¹fasad/o ^JED

1.

Fronto de konstruaĵo, enhavanta la ĉefan enirejon: ili haltis momenton, por admiri la simplan belecon de la fasado, konstruita plejparte el poluritaj granitblokoj [1]; li rigardis supren al la fasado de la unua domo por vidi, kiu nomo staras sur la breteto, indikanta la nomon de la strato [2]; sur placo, ne malproksime de l' Kremlo, staras granda konstruo sur kies fasado oni povas legi kvarlingve la faman frazon: „Proletoj el ĉiuj landoj unuiĝu“ [3]; sur la fasadoj, desegnante kaligrafiajn surskribojn, kvazaŭ seninterrompa rubando, fluas en vitraj tubetoj la briletanta elektro ^Metrop ; malantaŭ tiu mizera fasado troviĝis tre komforta, pli vasta konstruaĵo, kaj malantaŭ ĉi-lasta […] ĝardeno [4].

2.

(figure) Ekstera ŝajno, trompa ekstero: foje malantaŭ la skeptika fasado videblas idealismaj rebriletoj [5]; nuntempe ĉiu granda entrepreno […] volas ŝajnigi sin ekologiamika kaj verd-respondeca, sen ke la publiko tamen vere sciu pri la vereco de tiuj fasadaj elmontroj [6]; li devas senĉese prizorgi sian kovrilon el fasadbona moralo [7]; la gangstera vivo estas […] estas nur unu el la fasadoj de la talenta artisto [8]; la kontrasto inter la bela fasado de Holivudo kaj la realaj kondiĉoj de la germanaj fuĝintoj estis reflektita inter la scenejo kaj la industria halo, kie okazis la spektaklo [9]; aspekto¹, masko³, nomo⁴, reputacio

3.

Ekstera interfaco de programo aŭ komputa sistemo kun la ekstera mondo: kun la uzantoj, kun komputila reto ktp: fasado povas faciligi uzadon de neafabla programo, disponigante menuojn ktp; la fasada skemo provizas simpligitan interfacon kaŝanta plurajn interfacojn de subsistemo; la socia retejo Ipernity malfermis al la publiko sian esperantlingvan fasadon [10]; TEJO lanĉas sian novan oficialan retpaĝon [por] anstataŭigi la malnovan retejon, kiu delonge havis malaktualan fasadon [11].

Fasado³, homa-komputila interfaco en kiu por dialoga eneligo anstataŭ vortoj estas uzataj grafikaj elementoj: programo kun grafika fasado ruliĝas sub fenestrosistemo kaj ofertas diversajn fenestraĵojn: piktogramojn, butonojn, menuojn; grafikan fasadon la uzanto stiras movante la muskursoron inter tiuj objektoj kaj alklakante bezonatajn opciojn; al la vindozuloj plaĉas la konata grafika fasado [12].