tradukoj: be bg cs de en es fa fr fy he hu io la nl no pl pt ru sk tp tr vo zh

*famili/o PV

*familioTEZ Vikipedio

1.
Malvasta parencaro.
a)
GEN Aro formata de la patro, patrino kaj infanoj: vivi en familio; la patro de la familio ricevis oficon [1]; la viroj estas kapoj de domoj, patroj de familioj Marta . vian patron kaj vian patrinon kaj viajn fratojn kaj la tutan familion de via patro kolektu al vi en la domon [2].
b)TEZ
GEN La tuta parencaro ĝenerale: ankaŭ la edukado, idealoj, konvinkoj, celado, ― kaj la popoloj interproksimiĝus kiel unu familio[3]; aparteni al nobela familio; li havis grandan familion: li estis frato, edzo, patro Marta ; la familio de la Ardidoj [...] la familio de la Naamanidoj [4]; (figure) en unu bela tago [...] ekzistas nur unu ĉiuhoma familio (la homaro) kun unu ĉiuhoma lingvo EE . VD:gento
2.
Aro de aĵoj kun komuna deveno.
a)TEZ
ZOOBOT Ŝtupo de la botanika kaj zoologia klasifikoj (familia): familio de rozacoj; arbedoj el la familio saksifragacoj [5]; solana familio [6]; hundo estas mamulo el la familio de kanisedoj [7].
Rim.: La nomo de familio estas derivata de la nomo de unu el ĝiaj genroj per la sufikso -ac en botaniko, -ed en zoologio. En nefaka uzo oni povas eviti tiujn sufiksojn: familio de rozoj, rozfamilio, rozfamiliano. TUT:ordoPRT:genro botanikaj familioj zoologiaj familioj
b)
MUZ Klaso de muzikiloj kun sama ĝenerala konstruo, diversaj laŭ grando, sonamplekso aŭ aliaj detaloj: La angla korno estas ligna blovinstrumento, la alda instrumento el la familio de hobojoj [8].
c)TEZ
LIN Klaso de lingvoj, lingvofamilio. lingvoj de la hindeŭropa familio; tungusa, apartenanta al la altaja lingva familio [9].
d)TEZ
MAT[10](fakula ĵargono) (de elementoj en aro E kun indicoj en aro I) Bildigo de I al E; alternative: la bildaro de tiu bildigo: oni povas opinii ke la ebeno konsistas el familio de rektoj, paralelaj unu al la aliaj [11]. SUB:vico;VD:indico, termo.
Rim.: Kvankam teorie sinonima kun „bildigo“, la termino „familio“ estas uzata pro tradicio kaj pro la oportunaj skribaĵoj, kiujn ĝi ebligas. Por signi familion f, oni kutime skribas (fi)iI . La bildon de i per f oni foje nomas „termo“ aŭ eĉ „elemento“ de la familio kaj oni ĝin signas per fi anstataŭ f(i). La uzo de termino „elemento“ klariĝas per tio, ke parolante pri familio, oni plejofte interesiĝas pri ĝia bildaro, sed familio povas havi du identajn elementojn, dum aro ne povas.

familia

Rilata al familio; de familio: familia domo, similecoB; familiaj ĝojoj; familiaj rilatoj, familiaj aferoj [12]; familia nomo; paroli pri familiaj aferoj [13]; en mia familia vivo mi povas uzadi kiun lingvon mi volas, sed mi devas ĝin nomi ne mia nacia, sed nur mia lingvo familia [14].

familiano

GEN Iu el la uloj, kiuj konsistigas familion: Zhai Feng kaj liaj familianoj ĉiuj sin vestis per sav-veŝto [15].

familiestro

JUR Tiu, kiu havas decidrajton kaj respondecon en familio: tio ... malhelpas, ke familiestro misuzu sian aŭtoritaton [16].

lingvofamilioTEZ Vikipedio

LIN Aro de lingvoj evoluintaj el sama pralingvo: lingvofamilioj kaj lingvosubfamilioj estas priskribitaj aŭ listigitaj en enciklopedioj [17].

tradukoj

anglaj

~o: family; ~a: family; lingvo~o: language family.

belorusaj

~o: сям'я, сямейства; ~a: сямейны.

bulgaraj

~o: семейство; ~a: фамилен; lingvo~o: езиково семейство.

ĉeĥaj

~o: rodina, soubor (členů), soustava (členů), systém; ~a: rodinný; ~ano: rodinný příslušník, člen rodiny; ~estro: hlava rodiny; lingvo~o: rodina jazyků.

ĉinaj

~o: 家族; ~ano: 家人; ~estro: 家长.

francaj

~o: famille; ~a: familial; ~ano: membre de la famille; ~estro: chef de famille; lingvo~o: famille linguistique.

frisaj

~o: famylje; lingvo~o: taalfamylje.

germanaj

~o: Familie; ~a: Familien-, familiär.

hebreaj

~o: משפחה; ~a: משפחתי.

hispanaj

~o: familia; ~a: familiar.

hungaraj

~o: család; ~a: családi.

idaj

~o: familio; ~a: familiala; ~ano: familiano; lingvo~o: linguala familio.

latina/sciencaj

~o a: familia.

nederlandaj

~o a: gezin; ~o: familie; ~a: gezins-; lingvo~o: taalfamilie.

norvegaj

~o: familie; ~a: familie-.

persaj

~o: خانواده; ~a: خانوادگی.

polaj

~o: rodzina; ~a: rodzinny. ~a nomo: nazwisko.

portugalaj

~o: família.

rusaj

~o d: семейство; ~o: семья, семейство; ~a: семейный.

slovakaj

~o: súbor (členov), sústava (členov); ~a: rodinný; ~ano: rodinný príslušník; ~estro: hlava rodiny; lingvo~o: rodina jazykov.

tokiponaj

~o: kulupu mama.

turkaj

~o: aile.

volapukaj

~o: famül; ~a: famülik.

fontoj

1. H. C. Andersen, trad. L. L. Zamenhof: Fabeloj, vol. 1, Fluganta kofro
2. trad. L. L. Zamenhof: La Malnova Testamento, Josuo 2:18
3. Zamenhof: El la unua libro de la lingvo Esperanto.
4. trad. L. L. Zamenhof: La Malnova Testamento, Nombroj 26:40
5. Monato, Vivo: Riboj
6. Monato, Dommastrumo: Ĝardenumi
7. Vikipedio, Hundo
8. Vikipedio, Angla korno, 2011-08-07
9. Monato, La Manĉura: Formortanta lingvo de malplimulto en Ĉinio
10. R. Hilgers: Yashovardhan: k.a.: EK-Vortaro de matematikaj terminoj, §171
11. Vikipedio, Kvara dimensio
12. L. L. Zamenhof: Homaranismo, Pri la homaranismo
13. B. Prus, trad. Kazimierz Bein: La Faraono, vol. 3, Ĉapitro V
14. L. L. Zamenhof: Homaranismo, Dogmoj de Hilelismo
15. Lin Xiaoyun: Zhai Feng kaj liaj familianoj velŝipadis..., El Popola Ĉinio, 2013-12-27
16. C. Piron: Tien, 1997
17. A. Kueck: Internacieco de vorto kaj ties uzebleco laŭ Regulo 15, 2009-10-03

~a: Mankas verkindiko en fonto.


[^Revo] [famili.xml] [redakti...] [traduki...] [artikolversio: 1.43 2017/05/01 14:10:17 ]