tradukoj: be cs de en es fa fr hu it nl pl pt ro ru sk sv

*diligent/a MT

*diligenta  

Konstante kaj zorge laborema, klopodema: diligenta lernanto; homo diligenta havas riĉecon [1]; estu diligenta pri tiuj aferoj, dediĉu vin al ili, por ke via progreso evidentiĝu al ĉiuj [2]; li eliris, kaj komencis diligente rakonti kaj disfamigi la aferon [3]; li elserĉis min tre diligente kaj min trovis [4]; ŝi promesis, ke ŝi estos diligenta kaj faros ĉion, kion ŝiaj fortoj permesos [5]; ili estis tre diligentaj kaj viglaj, la maljunaj geedzoj, neniun horon ili pasigis en senlaboreco [6]; nia diligenta kolegaro ne laciĝos en laboro paca [7]; diligente atenti la aŭditaĵojn [8]. VD:abelo, agema, atenta, fervora, formiko, zorgema

diligenti  

Esti diligenta, agi diligente: oni tiaokaze ne tre diligentas por kaŝi la faktan mensogon, kiu estas nur la vesto de la vero [9]; ne vane ŝi diligentis dum la studjaroj [10]; urbetanoj esperas, ke la geknaboj plu diligentos por ricevi orajn medalojn [11].

diligento, diligenteco

La eco esti diligenta: la disdonanto agu malavare, la administranto kun diligenteco, la kompatanto kun ĝojo [12]. plurajn aferojn […] eblus plibonigi per aplikado de nur iomete pli da zorgo kaj diligento [13]; li parolas pri la diligenteco kaj konfidindeco de la judoj [14].

diligentulo

Iu diligenta: la animo de diligentuloj satiĝas [15]; la entreprenoj de diligentulo donas nur profiton [16].

maldiligenta  

Mallaborema, malpenema, malvigla: pri laboroj maldiligenta, pri festoj plej kompetenta PrV ; mi pasis tra kampo de homo maldiligenta […] kaj jen ĉie elkreskis urtiko, ĉio estas kovrita de dornoj, kaj la ŝtona muro estas detruita [17]; ne, ili ne estis perfiduloj, sed maldiligentaj altranguloj [18] maldiligenta mano malriĉigas, sed mano de diligentuloj riĉigas [19]; (figure) la ondoj malfortiĝis kaj fariĝis kvazaŭ maldiligentajB ; (figure) la horoj treniĝas maldiligente. SIN:pigra

maldiligenti  

Esti maldiligenta, agi maldiligente: maldiligenti en la ondanta, bonodora erikaro, jen la vera vivoĝua ĝojo! [20]. SIN:pigri

maldiligento, maldiligenteco  

La eco esti maldiligenta: mi ne scias, kial oni ne varbis aliajn ― ĉu temas pri maldiligento flanke de UEA, ĉu simple pri la fakto, ke UEA nuntempe sentas sin sufiĉe forta por stari sen apogo de gravaj nomoj [21]; la geinstruistoj kiuj jam delonge plendas pri stulteco kaj maldiligento de la juna generacio [22]; maldiligenteco ne pretigos al si manĝon [23]; maldiligenteco estas la radiko de ĉia malbono [24]. SIN:pigro

maldiligentulo  

Iu maldiligenta: iru al la formiko, vi maldiligentulo, rigardu ĝian agadon, kaj saĝiĝu [25]; la animo de maldiligentulo deziras, kaj ne ricevas [26]; Wicek, kiu hodiaŭ, maldiligentulo, ne iris en la lernejon [27]. SIN:pigrulo

tradukoj

anglaj

mal~a: lazy, indolent, slothful, slow-going, work-shy.

belorusaj

~a: руплівы, старанны, дбайны; ~i: рупіцца, дбаць; mal~a: лянівы, гультаяваты, нядбайны; mal~o, mal~eco: лянота, гультайства; mal~ulo: гультай, лорта.

ĉeĥaj

~a: pilný, snaživý; ~i: přičinit se, činit se; mal~a: líný, nedbalý; mal~i: lenošit; mal~o, mal~eco: lenost; mal~ulo: lenoch.

francaj

~a: appliqué, consciencieux, diligent, empressé, zélé; ~i: s'activer, s'attacher, se dépêcher; ~o, ~eco: diligence, zèle; mal~a: indolent, mou, nonchalant, paresseux; mal~i : flâner, paresser; mal~o, mal~eco: indolence, mollesse, nonchalance, paresse; mal~ulo: paresseux.

germanaj

~a: fleißig; ~i: fleißig sein; ~o, ~eco: Fleiß; ~ulo : Fleißiger; mal~a: faul, träge, arbeitsscheu; mal~i : faul sein; mal~o, mal~eco: Faulheit; mal~ulo: Faulpelz.

hispanaj

~a: diligente; mal~a: haragán, perezoso, vago; mal~i : haraganear, holgazanear, vagear.

hungaraj

~a: szorgalmas; ~i: szorgoskodik; ~o, ~eco: szorgalom; mal~a: lusta, henye; mal~i : lustálkodik; mal~o, mal~eco: lustaság; mal~ulo: lusta(ember).

italaj

mal~a: pigro, indolente.

nederlandaj

mal~a: lui; mal~i : lui zijn.

persaj

~a: ساعی، کوشا، سخت‌کوش، باپشتکار; ~i: کوشا بودن، همت گماردن، شتاب کردن; ~o, ~eco: جدیت، پشتکار، سخت‌کوشی; mal~a: تنبل، کاهل، تن‌پرور; mal~i : تنبلی کردن; mal~o, mal~eco: تنبلی.

polaj

~a: pilny; mal~a: nonszalancki, leniwy, próżniaczy; mal~i : lenić się, próżniaczyć, obijać się; mal~o, mal~eco: nonszalancja, lenistwo, próżniactwo; mal~ulo: leń, próżniak, obibok, wałkoń, nygus.

portugalaj

~a: diligente, assíduo, esforçado, aplicado, atento; mal~a: preguiçoso.

rumanaj

~a: harnic, silitor.

rusaj

~a: усердный, прилежный, старательный; mal~a: ленивый; mal~i : лениться; mal~o, mal~eco: лень, леность; mal~ulo: лентяй, лодырь.

slovakaj

~a: usilovný; ~i: usilovať sa; mal~a: lenivý; mal~i: byť lenivý, hlivieť, leňošiť; mal~o, mal~eco: lenivosť; mal~ulo: darebák, lenivec.

svedaj

~a: flitig; ~i: vara flitig.

fontoj

1. trad. L. L. Zamenhof: La Malnova Testamento, Sentencoj 12:27
2. La Nova Testamento, I. Timoteo 4:15
3. La Nova Testamento, Marko 1:45
4. La Nova Testamento, II. Timoteo 1:17
5. H. C. Andersen, trad. L. L. Zamenhof: Fabeloj, vol. 2, Ruĝaj ŝuoj
6. H. C. Andersen, trad. L. L. Zamenhof: Fabeloj, vol. 2, Malnova strata lanterno
7. L. L. Zamenhof: La Espero
8. La Nova Testamento, Al la Hebreoj 2:1
9. Jean-Jacques Rousseau, trad. André Gilles: La revadoj de soleca promenanto, Kvara promenado
10. Monato, Saliko: En fremda lando
11. Monato, Hori Jasuo: Leĝe laŭdi
12. La Nova Testamento, Al la Romanoj 12:8
13. Monato, Edmund Grimley Evans: Legenda klasikaĵo pri malutopio
14. Monato, Alice Liu: Judaj rifuĝintoj en Ŝanhajo
15. trad. L. L. Zamenhof: La Malnova Testamento, Sentencoj 13:4
16. trad. L. L. Zamenhof: La Malnova Testamento, Sentencoj 21:5
17. trad. L. L. Zamenhof: La Malnova Testamento, Sentencoj, ĉap. 24:30,31
18. B. Prus, trad. Kazimierz Bein: La Faraono, vol. 2, ĉap. 12a.
19. trad. L. L. Zamenhof: La Malnova Testamento, Sentencoj 10:4
20. Deck Dorval: Urd Hadda murdita!, p. 9
21. D. Harlow: Jubileo..., 2002
22. J. Ipfelkoffer: Komparo de instrumetodoj, Monato, jaro 2001a, numero 6a, p. 9a
23. trad. L. L. Zamenhof: La Malnova Testamento, Sentencoj 12:27
24. H. C. Andersen, trad. L. L. Zamenhof: Fabeloj, vol. 3, Ŝtono de la saĝuloj
25. trad. L. L. Zamenhof: La Malnova Testamento, Sentencoj 6:6
26. trad. L. L. Zamenhof: La Malnova Testamento, Sentencoj 13:4
27. E. Orzeszko, trad. Kabe: La bona sinjorino, 1924

mal~a: Mankas verkindiko en fonto.


ℛevo | datumprotekto | dilige.xml | redakti... | traduki... | artikolversio: 1.25 2019/09/15 13:10:15