^*vend/i

(tr)

Cedi ion, kiel proprumaĵon kontraŭ difinita prezo: ili […] vendis Jozefon al la Iŝmaelidoj por dudek arĝentaj moneroj [1]; En la vilaĝo li aĉetas kilogramon (da viando) kontraŭ 100 rubloj, veturigas en urbon kaj vendas kontraŭ 200 rubloj [2]; Jozef estis vendita kiel sklavo [3]; elmeti ion por vendado [4]; vendota aŭ interŝanĝota ĉevalo [5]; vende proponi ion [6]; reaĉeti la venditaĵon [7]; en la nunaj tempoj ĉio estas vendebla, eĉ la konsciencoj. aĉetikomerci

Dono de unu- aŭ pluropaj komercaĵoj kontraŭ mono: sen mensoga rekomendo ne iros la vendo ^PrV ; vendo de la patra havo [8]; mia bieno pro ŝuldoj estis vendita per publika vendo ^FK ; vendo per memvola aŭkcio ^BdV ; la sumo, kiun ŝi ricevis per la vendo de unu el la du vestoj ^Marta ; vendoplaco (vd bazaro¹) ^VivZam ; vendobjekto (vd varo) ^FK ; pro la alta prezo […] oni ne antaŭvidas grandajn vendojn [9].

Ripeta, regula plenumo de vendoj: butiko por la vendado de ĉokoladoj kaj bombonoj [10]; ne facile estis havi sukceson tiamaniere, sed li havis fidon al si mem kaj iom post iom la vendado pligrandiĝis [11]; en nia magazeno virinoj neniam okupiĝas per vendado de komercaĵoj, tion faras nur viroj ^Marta ; Marta plue kun granda atento rigardis la manipuladon de vendado kaj aĉetado, kiu havis lokon ĉe ambaŭ flankoj de la longa tablo ^Marta ; en la malnova domo estis aranĝita aŭkcia vendado [12]. komerco

Ejo, destinita por publika vendado kaj aĉetado de varoj: sur [la strateto], kiu antaŭe estis vendejo por verdaĵoj, troviĝas [...] porko el kupro [13]; la fiŝo estis kaptita, alportita sur la vendejon, tie oni ĝin vendis, kaj ĝi venis en la kuirejon [14]; la fajraj faŭkoj de la noktaj vendejoj [15]; en Britio bankrotis pli ol 8 300 kioskoj kaj vendejoj [16]; mi pasis preter kelkajn vendejojn [17]; mono gajnata de retvendejoj [18]; ne sufiĉas, simple instali en interreto iun vendejon kun belsona nomo, necesas ankaŭ bonaj produktoj [19].

Rim.: Hodiaŭ la vorto pensigas pri domo (aŭ retejo), sed la klasikaj ekzemploj sugestas vilaĝan placon (bazaro¹).

Komercisto, kiu proponas komercaĵojn al aĉetontoj: iru prefere al la vendistoj, kaj aĉetu por vi mem [20]; librovendisto ^Marta ; vendistino de sukerpanoj [21]; vaganta angilvendisto [22]; oni envokis la vagvendiston kun liaj komercaĵoj, sed nur por ke ili povu amuziĝi pri li ^Fab3 ; sur la trotuaroj svarmis kriemaj vendistoj de akvo, vinberoj, daktiloj, fumaĵitaj fiŝoj kaj inter la vendistoj kolportistoj [23]; se vendisto ne mensogas, li aĉetanton ne allogas ^PrV ; la mastrino kiu estris kaj ordonis dum la tuta vivo, nun subite fariĝis pagata vendisto en sia propra vendejo [24].

Granda podetala vendejo, kiu ofertas tre diversajn viv-utilajn komercaĵojn, aranĝitajn laŭ fakoj kaj etaĝoj: Anjon oni arestis je la momento kiam ŝi provis enmanigi al kasistino de la ĉiovendejo ĉe Arbat dekdolaran bileton [25]; la kosto de ŝteloj en grandaj ĉiovendejoj atingis 4,6 miliardojn da eŭroj [26]; iuj traserĉas rubujojn de ĉiovendejoj kaj vivas de forĵetitaj sed ankoraŭ konsumeblaj manĝaĵoj [27]. superbazaro, magazenego

Vendi, kutime favorpreze, por malplenigi tutan stokon: el la malnova malkonstruita monaĥeja preĝejo […] la monumentoj kaj tombaj ŝtonoj estis disvenditaj [28]; mi abonas la Gazeton de Anoncoj, [ĝi] enhavas ĉion, kion homo bezonas scii: […] kie oni povas ricevi domojn, servistojn, vestojn kaj nutraĵojn, kiu disvendas kaj kiu forlasas la mondon [29]; mi kredas gajni almenaŭ mil dukatojn per tiu ĉi unua eldono, kiu havos du mil ekzemplerojn, kiuj elvendiĝos je po ses realoj kontantaj [30]; [ĉu la] libreja firmo […] ne donus rabaton, se ĝi por tio ĉi ricevos la garantion, ke ĝi disvendos la donitajn librojn en la nombro de 20-30 miloj [31]; duonhoron post la anonco […], ĉiuj libroj de Mo estis elvenditaj [32]; viajn florojn disvendu kun profito [33]; ĉu via konscienco vere permesas al vi trankvilanime disvendi tiom da stultaĵoj al senprijuĝaj homoj [34]? forvendi²rabatvendi

(tr)

1.

Sin malembarasi je io per vendo, eventuale je malalta prezo aŭ por detruo: tiu firmao fine devis rezigni, kaj ĝi forvendis sian PC-procesoran sekcion […] rabate [35]; markitan tekokomputilon oni ja malpli facile forvendas [36]; mi ne volas forvendi ĝin, tamen estas pli bone vendi ĝin ol vidi ĝin disfali [37]; la aluminiaj platoj estis forvenditaj por kunfinanci la rekonstruon [38].

2.

Vendi komplete, la tutan stokon: (figure) mi estis jam kun mia haŭto […] forvendita al la anatomio [39] (ekzekutota); tiuj lastaj forvendas sian tutan riĉaĵon, nur por liberigi siajn hejmulojn [40]; ĝi estas nur 16-paĝa kaj nigrablanka, sed eldoniĝis en trioble pli granda kvanto kaj fulmrapide forvendiĝis [41].

(tr)

Vendi ion, kion oni aĉetis: malhaveblas kartoj, ĉar kelkaj homoj akiras kiel eble plej multajn por poste revendi [42]; plej multaj retservoj simple revendas sub sia aparta nomo la servon de pli granda ret- aŭ telefon-firmao [43]; revendejo [44].

Superbazaro: mia edzino butikumis en supervendejo [45]; la supervendejoj troviĝas precipe en la ĉefurboj [46]; la loĝantaro de la urba distrikto, kie devis elkreski la supervendejo, ĝin ne deziras [47]; ŝi […] kantas sub pontoj kaj en vendejegoj [48].

detalisto

Vendi kun rabato: la magazeno komencos grandan rabatvendadon, kaj oni bezonos ĉiun metron [50]; koleginoj enoficejaj malkovris rabatvendadon de viraj puloveroj [51]; la malpaco malinstigas turismon kaj kaŭzas gravajn ekonomiajn perdojn dum la novjaraj rabatvendadoj [52]. disvendi, forvendi²