^*termin/o ^PV

Vorto aŭ esprimo speciala al iu scienco, arto, metio, fako: tiaj instruitaj paroloj […] estas traplektitaj per […] misteraj por la amaso terminoj teĥnikaj ^EE ; proponi eĉ tute nekompreneblajn barbarajn terminojn [1]; multaj sciencaj terminoj […] estas neanalizeblaj [2]; eĉ saĝa kapo havos konsiderindan problemon kompreni la terminon „frazeologio“ baze de la duonvorto „fraz“ [3]; alklaki la substrekitajn terminojn por ekhavi eĉ pli da informoj, laŭ la tiel nomata hiperteksta sistemo [4].

Speciala vortoprovizo de iu scienco, arto, metio, fako, eventuale kompilita kiel vortaro: matematika terminaro ^Ifigenio ; provo de marista terminaro ^Ifigenio ; terminareto pri tradukado [5]; kompili aktualan aviadan terminaron [6]; la terminaro estas dividata en du bazajn partojn: unue indekso […] kaj due alfabetaj vicoj de terminoj el la unuopaj lingvoj [7]; la unuaj paĝoj precipe konsistas el listo de la terminaro uzota en la teksto [8]; [se] usonanoj kaj aliaj parolantoj de la angla uzas malsamajn terminarojn kaj apenaŭ interkompreniĝas [9]. terminologio¹

Rim.: Oni distingas diversajn tipojn de terminaro laŭ tio, kiel la terminoj estas ordigitaj kaj rilatigitaj: glosaro estas (alfabeta) difinlisto, dum klasifiko kaj taksonomio prezentas hierarĥion, tezaŭro¹ enhavas rilatojn de speco, aparteneco, sinonimeco ks, fine ontologio² prezentas reton de konceptoj kaj interrilatoj laŭ formala logiko, en kiu la rilatoj mem estas konceptoj de la ontologio. La nomenklaturo de iu fako prezentas ties oficialan terminaron.

(malofte)

Lingvisto studanta fakajn terminoj, kompilanta terminarojn: Eurodicautom […] povas esti interesa por tradukistoj / vortaristoj / terminaristoj [10]. Christian Bertin […], esperanta terminaristo, vivanta en Bretonio [11].