⁹skan/i

(tr)

Ciferecigi bildon, tekston, internon de objekto per tiucela aparato (skanilo): skani la dokumentojn kaj disponigi ilin en komputila formo [1]; intertempe ekzistas aparatoj, kiuj povas skani kaj voĉlegi tekstojn [2]; oni kelkloke komencis ciferecigi la dokumentojn, skanante la mikrofilmojn aŭ la originalajn dokumentojn [3]; [ili] disponigas milojn da zorge skanitaj mapoj el la tuta mondo [4]; aŭtomata enaviadiliĝa pordo ebligas al pasaĝero skani sian enirpermesilon [5]; kapti biometriajn informojn, ekzemple fingrospuron kaj skanitan okulan irison [6]; [la] nigra-blankaj fotoj […] aspektas faritaj per fotokopiilo, anstataŭ esti skanitaj laŭ la originalaj fotoj [7]. detekti, ekzameni¹, rekoni¹, sondi¹

Enigilo por ciferecigi optikan bildon, ekz-e por enkomputiligi ilustraĵon, foton, aŭ (kombine kun tekstorekonilo) enigi presitan aŭ manskribitan tekston sen klavi ĝin: mi […] komencis skani la paperajn dokumentojn per hejma A4-skanilo [8]; la skanilo registris la respondan cerban aktivecon, mezurante la sangan fluon en la cerbo [9].